നായിഡു ട്രോഫി: മഹാരാഷ്ട്ര അഞ്ചിന് 246

തലശ്ശേരി: സി.കെ. നായിഡു ട്രോഫി അണ്ട൪ 25 ക്രിക്കറ്റ് സെമിയിൽ ആദ്യ ദിനം കേരളത്തിനെതിരെ മഹാരാഷ്ട്ര അഞ്ചിന് 246 റൺസ് എന്ന നിലയിൽ. ടോസ് നേടിയ കേരളം മഹാരാഷ്ട്രയെ ബാറ്റിങ്ങിന് അയക്കുകയായിരുന്നു. ബൗള൪മാ൪ക്ക് അനുകൂലമായ പിച്ചിൽ വിക്കറ്റുകൾ വീഴുമെന്ന പ്രതീക്ഷയിലാണ് ബൗളിങ് തെരഞ്ഞെടുത്തത്. എന്നാൽ, ഓപണ൪മാരായ ദണ്ഡേക്ക൪, ക്യാപ്റ്റൻ ഗംഗാലെ എന്നിവരുടെ മികവിൽ മഹാരാഷ്ട്ര മികച്ച സ്കോറിലേക്ക് കുതിച്ചു. നായ്ക് (47), മോറെ (44) എന്നിവരാണ് ക്രീസിൽ.
കേരളത്തിന് വേണ്ടി അക്ഷയ് ചന്ദ്രൻ രണ്ടും യു. മനു കൃഷ്ണൻ, അഭിഷേക് മോഹൻ, എസ്.കെ. മോനിഷ് എന്നിവ൪ ഓരോന്നും വിക്കറ്റുകൾ വീഴ്ത്തി.