സൗഹൃദത്തിന്‍െറ കരവലയം തീര്‍ത്ത് മനുഷ്യജാലിക

മലപ്പുറം: രാഷ്ട്ര രക്ഷക്ക് സൗഹൃദത്തിൻെറ കരുതൽ എന്ന പ്രമേയത്തിൽ എസ്.കെ.എസ്.എസ്.എഫ് ജില്ലാ കമ്മിറ്റി പെരിന്തൽമണ്ണയിലും പുത്തനത്താണിയിലും റിപ്പബ്ളിക് ദിനത്തിൽ മനുഷ്യജാലിക സംഘടിപ്പിച്ചു. ന്യൂനപക്ഷ തീവ്രവാദവും ഭൂരിപക്ഷ വ൪ഗീയതയും നാടിന്നാപത്താണ്.
ഗുജറാത്ത് വംശഹത്യക്ക് നേതൃത്വം നൽകിയ നരേന്ദ്ര മോഡിയെ രാജ്യത്തിൻെറ മതേതര പൈതൃകം നശിപ്പിക്കാൻ അനുവദിക്കരുതെന്ന് മനുഷ്യജാലിക ആവശ്യപ്പെട്ടു. പെരിന്തൽമണ്ണയിൽ മനഴി സ്മാരക ബസ് സ്റ്റാൻഡിൽ നിന്ന് റാലി ആരംഭിച്ചു പഴേരി മൈതാനത്ത് ജാലിക തീ൪ത്തു. പാണക്കാട് ഹമീദലി ശിഹാബ് തങ്ങൾ ദേശീയോദ്ഗ്രഥന പ്രതിജ്ഞ ചൊല്ലിക്കൊടുത്തു. സമസ്ത ട്രഷറ൪ ജിഫ്രി മുത്തുക്കോയ തങ്ങൾ ഉദ്ഘാടനം ചെയ്തു. പി. സുരേന്ദ്രൻ മുഖ്യപ്രഭാഷണം നടത്തി. ഡോ. ഹാരിസ് ഹുദവി പാറപ്പുറം പ്രമേയ പ്രഭാഷണം നടത്തി. അബ്ദുൽ ഹമീദ് ഫൈസി അമ്പലക്കടവ്, മുനീ൪ ഹുദവി വിളയിൽ എന്നിവ൪ വിഷയമവതരിപ്പിച്ചു. കെ. മമ്മദ് ഫൈസി, കെ.കെ.സി.എം തങ്ങൾ, കാളാവ് സൈദലവി മുസ്ലിയാ൪, സി.ടി അലി മുസ്ലിയാ൪, അബ്ദുൽ ഖാദ൪ ഹാജി തൂത, ഹസ്സൻ സഖാഫി പൂക്കോട്ടൂ൪, സലീം എടക്കര, ഒ.കെ.എം മൗലവി, ബി.എസ്.കെ തങ്ങൾ, പി.കെ മുഹമ്മദ് കോയ തങ്ങൾ, ഫൈനാസലി ശിഹാബ് തങ്ങൾ എന്നിവ൪ പ്രസംഗിച്ചു. ഷമീ൪ ഫൈസി ഒടമല സ്വാഗതവും ഷമീ൪ ഫൈസി പുത്തനങ്ങാടി നന്ദിയും പറഞ്ഞു.
ത്വലബാ, വിഖായ, കാമ്പസ് വളണ്ടിയ൪മാ൪ പ്രത്യേക വേഷത്തിലും മേഖലകളിൽ നിന്നുള്ള പ്രവ൪ത്തക൪ പ്രത്യേക ബാനറിന് പിന്നിലും അണിനിരന്ന റാലിക്ക് ഇബ്രാഹിം ഫൈസി ഉഗ്രപുരം, ഷംസാദ് സലീം, ജഅ്ഫ൪ ഫൈസി പഴമള്ളൂ൪, സി.ടി ജലീൽ മാസ്റ്റ൪, നിയാസലി തങ്ങൾ, അലവിക്കുട്ടി ഫൈസി പുല്ലാര, ജലീൽ ഫൈസി അരിമ്പ്ര, ശിഹാബ് കുഴിഞ്ഞോളം, താജുദ്ദീൻ മൗലവി, വി.എ മജീദ് വാണിയമ്പലം, സി.ടി നാസ൪ മാസ്റ്റ൪, ഉമ൪ ഫാറൂഖ് കരിപ്പൂ൪, ഉമ൪ ഫാറൂഖ് മണിമൂളി, ശറഫുദ്ദീൻ തങ്ങൾ തൂത, പ്രഫ. റഹീം കൊടശ്ശേരി, അമാനുല്ല ദാരിമി, യു.കെ.എം ബശീ൪ മൗലവി എന്നിവ൪ നേതൃത്വം നൽകി.