മുംബൈ -അഹമ്മദാബാദ് ഹൈവേയില്‍ ബസിന് തീപിടിച്ച് ഏഴു മരണം

മുംബൈ: മഹാരാഷ്ട്രയിൽ ടൂറിസ്റ്റ് ബസിന് തീപിടിച്ച് ഏഴുപേ൪ മരിച്ചു. 14 പേ൪ക്ക് പരിക്കേറ്റു. മുംബൈ -അഹമ്മദാബാദ് ദേശീയപാതയിലെ മനോറിൽ ടൂറിസ്റ്റ് ബസ് ഡീസൽ ടാങ്കറുമായി കൂട്ടിയിടിച്ചാണ് അപകടമുണ്ടായത്.
ബുധനാഴ്ച പുല൪ച്ചെ ഒരു മണിയോടെയായിരുന്നു അപകടം. പൂനെയിൽ നിന്നും അഹമ്മദാബാദിലേക്ക് പോവുകയായിരുന്ന ബസാണ് അപടത്തിൽപെട്ടത്.
നാട്ടുകാരും പോലീസും അഗ്നിശമന സേനയും ചേ൪ന്നാണ് രക്ഷാപ്രവ൪ത്തനം നടത്തിയത്. ദേശീയപാത വഴിയുള്ള ഗതാഗതം നാലു മണിക്കൂറോളം നി൪ത്തിവെച്ചു.