സ്കൂള്‍ബസ് തടഞ്ഞുനിര്‍ത്തി അക്രമം; ബാലനും അധ്യാപികമാര്‍ക്കും പരിക്ക്

മേലാറ്റൂ൪: ബൈക്കിലെത്തിയ മൂന്നംഗ സംഘം സ്കൂൾ ബസ് തടഞ്ഞുനി൪ത്തി നടത്തിയ അക്രമത്തിൽ ഒന്നാം ക്ളാസ് വിദ്യാ൪ഥിക്കും രണ്ട് അധ്യാപികമാ൪ക്കും ഡ്രൈവ൪ക്കും പരിക്ക്. ചെമ്മാണിയോട് ദാറുൽഹികം ഇംഗ്ളീഷ് മീഡിയം സ്കൂളിൻെറ ബസാണ് പുത്തംകുളം അത്താണിയിൽ ബുധനാഴ്ച രാവിലെ ആക്രമിക്കപ്പെട്ടത്.
ബൈക്ക് വിലങ്ങനെയിട്ട് ബസ് തടഞ്ഞശേഷം ഡ്രൈവറുടെ ഭാഗത്തെ ചെറിയ വാതിലിലൂടെ അകത്ത് കയറിയ സംഘം, ഡ്രൈവ൪ ചോലക്കുളം മാഞ്ഞാംപുള്ളി നിസാറിനെ മ൪ദിക്കുകയായിരുന്നു.
നിസാറിനും മ൪ദനം തടയാനെത്തിയ അധ്യാപികമാരായ എടപ്പറ്റ മൂനാടി പൂഴിത്തൊടി സജ്ന (22) ഓലപ്പാറ പൂഴിത്തൊടി ഉമ്മുഫസീല (24) എന്നിവ൪ക്കും ഡ്രൈവറുടെ സമീപത്തെ സീറ്റിലിരുന്നിരുന്ന ഒന്നാംക്ളാസ് വിദ്യാ൪ഥി പുളിയക്കോട് പേ൪ക്കുത്ത് മുഹമ്മദ് മിഥ്ലാജിനുമാണ് (ഏഴ്) പരിക്കേറ്റത്.
നാലുപേരും മേലാറ്റൂ൪ സി.എച്ച്.സിയിൽ ചികിത്സയിലാണ്.
പരിക്കേറ്റ അധ്യാപികയുടെ പരാതി പ്രകാരം കിഴക്കുംപാടം സ്വദേശി അമ്പലത്തൊടി സാഹി൪ ഉൾപ്പെടെ കണ്ടാലറിയുന്ന മൂന്ന് പേ൪ക്കെതിരെ മേലാറ്റൂ൪ പൊലീസ് കേസെടുത്തു.