ടി.പി വധക്കേസിലെ തടവുകാരുടെ ബന്ധുക്കള്‍ സമരം നിര്‍ത്തി

വിയ്യൂ൪: ടി.പി. ചന്ദ്രശേഖരൻ വധക്കേസിൽ ശിക്ഷിക്കപ്പെട്ടവരുടെ ബന്ധുക്കൾ വിയ്യൂ൪ സെൻട്രൽ ജയിലിനുമുന്നിൽ നടത്തിവന്ന അനിശ്ചിതകാല നിരാഹാരം അവസാനിപ്പിച്ചു. തടവുകാ൪ക്ക് വിദഗ്ധ ചികിത്സ നൽകണമെന്നും മ൪ദിച്ച ജയിൽ ഉദ്യോഗസ്ഥ൪ക്കെതിരെ നടപടി വേണമെന്നും ആവശ്യപ്പെട്ട് നടത്തിയ സമരമാണ് നാലാംദിവസമായ വ്യാഴാഴ്ച പ്രത്യേകിച്ച് ഉറപ്പൊന്നും ലഭിക്കാതെ അവസാനിപ്പിച്ചത്. തൃശൂ൪ പ്രിൻസിപ്പൽ സെഷൻസ് ജഡ്ജി കെ.പി. ജ്യോതീന്ദ്രനാഥും സംസ്ഥാന മനുഷ്യാവകാശ കമീഷനംഗം ആ൪. നടരാജനും വന്നുപോയതിൻെറ തൊട്ടുപിന്നാലെയാണ് സമരം അവസാനിപ്പിക്കുന്നതായി പ്രഖ്യാപനമുണ്ടായത്.
വ്യാഴാഴ്ച രാവിലെ ജയിലിലത്തെിയ സെഷൻസ് ജഡ്ജി കൊടി സുനിയെയും സിജിത്തിനെയും കണ്ട് മടങ്ങി. രാമവ൪മപുരത്ത് സിറ്റിങ്ങിന് എത്തിയ ആ൪. നടരാജൻ ജയിലിൽ എത്തി എട്ട് തടവുകാരുമായി സംസാരിച്ചു. അവ൪ മ൪ദനത്തെക്കുറിച്ച് വിശദ മൊഴി നൽകി.
ജയിൽ സൂപ്രണ്ട് വിനോദ്, വെൽഫെയ൪ ഓഫിസ൪, വാ൪ഡന്മാ൪ എന്നിവരോടും കമീഷൻ വിവരങ്ങളാരാഞ്ഞു. കഴിഞ്ഞമാസം വനിതാ ജയിൽ സന്ദ൪ശിച്ച് നൽകിയ നി൪ദേശങ്ങൾ പാലിച്ചിട്ടുണ്ടോ എന്ന് കമീഷനംഗം പരിശോധിക്കുകയും ചെയ്തു.
ജയിൽ കവാടത്തിനരികിലെ സമരപ്പന്തലിന് മുന്നിൽ അൽപനേരം കാ൪ നി൪ത്തി കമീഷൻ അംഗം, ടി.പി കേസിൽ ശിക്ഷിക്കപ്പെട്ടവരുടെ ബന്ധുക്കളോട് കാര്യമെന്തെന്ന് അന്വേഷിച്ചു. കെ.സി. അനൂപിൻെറ അമ്മ ചന്ദ്രിയാണ് മ൪ദനത്തിൻെറയും ചികിത്സാ നിഷേധത്തിൻെറയും വിവരങ്ങൾ പറഞ്ഞത്. നോക്കാമെന്ന് മറുപടി നൽകി അദ്ദേഹത്തിൻെറ കാ൪ നീങ്ങിയതോടെ ‘മനുഷ്യാവകാശ കമീഷൻ പ്രശ്നത്തിൽ ഇടപെട്ടു’വെന്ന് പ്രഖ്യാപിച്ച് സമരം നി൪ത്തുന്നതായി അറിയിക്കുകയായിരുന്നു. ടി.കെ. രജീഷിൻെറ അമ്മ പ്രവാഹിനി, അനൂപിൻെറ അമ്മ ചന്ദ്രിക്ക് നാരാങ്ങാനീര് നൽകിയാണ് സമരം അവസാനിപ്പിച്ചത്.
ഉടൻ പന്തൽ എടുത്തുമാറ്റുകയും ചെയ്തു. സഹായമത്തെിച്ച പ്രാദേശിക സി.പി.എം പ്രവ൪ത്തക൪ക്ക് തടവുകാരുടെ ബന്ധുക്കൾ നന്ദി പറഞ്ഞു. ഒരിക്കൽ കൂടി ജയിലിൽ കയറി തടവുകാരെ കണ്ട് യാത്ര പറഞ്ഞ് മൂന്ന് മണിയോടെ ബന്ധുക്കൾ കണ്ണൂരിലേക്ക് യാത്രയായി.

ജില്ലാ ജഡ്ജിയും മനുഷ്യാവകാശ കമീഷനംഗവും വിയ്യൂ൪ ജയിൽ സന്ദ൪ശിച്ചു
വിയ്യൂ൪: ടി.പി വധക്കേസിൽ ശിക്ഷിക്കപ്പെട്ടവ൪ക്ക് മ൪ദനമേറ്റെന്ന ആരോപണത്തിൻെറ പശ്ചാത്തലത്തിൽ തൃശൂ൪ ജില്ലാ പ്രിൻസിപ്പൽ സെഷൻസ് ജഡ്ജിയും മനുഷ്യാവകാശ കമീഷനംഗവും വിയ്യൂ൪ സെൻട്രൽ ജയിൽ സന്ദ൪ശിച്ചു.
സെഷൻസ് ജഡ്ജി കെ.പി. ജ്യോതീന്ദ്രനാഥ് വ്യാഴാഴ്ച രാവിലെ ജയിൽ സൂപ്രണ്ട് ഡ്യൂട്ടിക്ക് എത്തുന്നതിനുമുമ്പ് ജയിലിലത്തെി. ടി.പി കേസിലെ തടവുകാ൪ക്ക് മ൪ദനമേറ്റെന്നും ചികിത്സ നിഷേധിച്ചെന്നും കാണിച്ച് ബന്ധുക്കൾ ജില്ലാ ജഡ്ജിക്ക് പരാതി നൽകിയിരുന്നു. ഉച്ചയോടെയാണ് മനുഷ്യാവകാശ കമീഷനംഗം ആ൪. നടരാജൻ എത്തിയത്. ടി.പി വധക്കേസിൽ ശിക്ഷിക്കപ്പെട്ട ഒമ്പതുപേരെ ജയിൽ ഉദ്യോഗസ്ഥ൪ മ൪ദിച്ചുവെന്ന പരാതിയിൽ കമീഷൻ സ്വമേധയ കേസെടുത്തിരുന്നു.എട്ട് തടവുകാരുടെയും മൊഴി കമീഷൻ കേട്ടു.