കൊല്ലം, പത്തനംതിട്ട കലക്ടര്‍മാരെ മാറ്റി, തിരുവനന്തപുരത്ത് ബിജു പ്രഭാകര്‍

തിരുവനന്തപുരം: സംസ്ഥാനത്തെ സിവിൽ സ൪വീസിൽ അഴിച്ചുപണി. തിരുവനന്തപുരത്തെ പുതിയ കലക്ടറായി ബിജു പ്രഭാകറെ നിയമിച്ചു. പത്തനംതിട്ട, കൊല്ലം ജില്ലാ കലക്ട൪മാരെ പരസ്പരം സ്ഥലംമാറ്റി. ബി. മോഹനനെ പത്തനംതിട്ടയിലേക്കും പ്രണവ് ജ്യോതിദേവിനെ കൊല്ലത്തേക്കുമാണ് മാറ്റി നിയമിച്ചത്.

വയനാട്ടിൽ കേശവേന്ദ്രകുമാറും കണ്ണൂരിൽ ബാലകിരണും എറണാകുളത്ത് രാജമാണിക്യവുമാണ് പുതിയ കലക്ട൪മാ൪. എറണാകുളം കലക്ടറായിരുന്ന ഷേക്ക് പരീതിനെ പുതിയ പൊതു വിദ്യാഭ്യാസ ഡയറക്ട൪ (ഡി.പി.ഐ) ആയി നിയമിച്ചു.