ട്രക്കിടിച്ചു; വിമാനത്തില്‍ നിന്ന് വീണ് എയര്‍ഹോസ്റ്റസിന് പരിക്ക്

ദുബൈ: ദുബൈ വിമാനത്താവളത്തിൽ പറക്കാനൊരുങ്ങി നിന്ന വിമാനത്തിൽ കാറ്ററിങ് ട്രക്കിടിച്ചു. ഇടിയുടെ ആഘാതത്തിൽ വിമാനത്തിൽ നിന്ന് പുറത്തേക്ക് തെറിച്ചുവീണ എയ൪ഹോസ്റ്റസിന് പരിക്കേറ്റു. തിങ്കളാഴ്ചയുണ്ടായ സംഭവത്തിൽ റഷ്യയുടെ ഉറാൽ എയ൪ലൈൻസിലെ എയ൪ഹോസ്റ്റസായ മരീന സെല്യാമോവക്കാണ് പരിക്കേറ്റത്. ഇവരുടെ നില ഗുരുതരമല്ലെന്ന് അധികൃത൪ അറിയിച്ചു.
വെളുപ്പിന് 4.55ന് റഷ്യയിലെ പിയേമിലേക്ക് പുറപ്പെടാൻ തയാറായി നിൽക്കുമ്പോഴാണ് വിമാനത്തിൻെറ പുറകിൽ എമിറേറ്റ്സ് ഫൈ്ളറ്റ് കാറ്ററിങിൻെറ ട്രക്കിടിച്ചത്. ഇടിയുടെ ആഘാതത്തിൽ വിമാനം മൂന്ന് മീറ്ററോളം നിരങ്ങിനീങ്ങി. കോക്ക്പിറ്റിനടുത്ത് മുൻ വാതിലിന് സമീപം നിൽക്കുകയായിരുന്ന എയ൪ഹോസ്റ്റസ് താഴേക്ക് വീണു. പരിക്കേറ്റ ഇവരെ ഉടൻ ദുബൈ ഹോസ്പിറ്റലിൽ പ്രവേശിപ്പിച്ചു. സംഭവത്തിൽ വിമാനത്തിന് കേടുപാട് സംഭവിച്ചു. സ൪വീസ് 12 മണിക്കൂ൪ വൈകി.