കരിപ്പൂരില്‍ ഒരു കിലോ സ്വര്‍ണം പിടിച്ചു

കൊണ്ടോട്ടി: ദുബൈയിൽ നിന്നെത്തിയ യാത്രക്കാരനിൽ നിന്ന് എയ൪ കസ്റ്റംസ് അധികൃത൪ ഒരു കിലോ സ്വ൪ണം പിടികൂടി. വ്യാഴാഴ്ച കരിപ്പൂരിലെത്തിയ എയ൪ ഇന്ത്യ എക്സ്പ്രസ് വിമാനത്തിലെ യാത്രക്കാരൻ കണ്ണൂ൪ മട്ടന്നൂ൪ സ്വദേശി ഹരികുമാറിൽ (36) നിന്നാണ് 20 സ്വ൪ണ ബിസ്കറ്റ് പിടിച്ചെടുത്തത്. ബാഗേജിനുള്ളിൽ ഒളിപ്പിച്ച നിലയിൽ ആയിരുന്നു. ബുധനാഴ്ച പുല൪ച്ചെ കരിപ്പൂരിലെത്തിയ എയ൪ ഇന്ത്യ എക്സ്പ്രസിൻെറ ദോഹ വിമാനത്തിലെ യാത്രക്കാരനിൽ നിന്ന് ഒരു കിലോ സ്വ൪ണം കസ്റ്റംസ് പിടികൂടിയിരുന്നു.
ഫാനിൻെറ മോട്ടോറിനുള്ളിൽ ഉരുക്കി ഒഴിച്ചു കടത്താനായിരുന്നു ശ്രമം. കൊയിലാണ്ടി സ്വദേശി സനിലേഷ് (28) ആണ് പിടിയിലായത്. ദോഹയിൽ നിന്ന് സെൽഫോണിൽ കാണിച്ച ആളുടെ പടം തിരിച്ചറിഞ്ഞ് സ്വ൪ണം കൈമാറാനായിരുന്നു നി൪ദേശം. തൻെറ പടവും ഫാൻ കൈമാറിയവ൪ എടുത്തിരുന്നതായി സനിലേഷ് കസ്റ്റംസിന് മൊഴി നൽകി.