പാകിസ്താന് 28 കോടി ഡോളറിന്‍െറ സൈനിക സഹായം –യു.എസ്

വാഷിങ്ടൺ: ഭീകരവിരുദ്ധ പോരാട്ടത്തിന് പാകിസ്താന് 28 കോടി ഡോളറിൻെറ സൈനിക സഹായം നൽകാൻ യു.എസ് ഒരുങ്ങുന്നു.
പൊതു ആവശ്യത്തിനുള്ള സാമ്പത്തിക സഹായം വെട്ടിക്കുറക്കും. മേഖലയിലെ ഭീകരവിരുദ്ധ പോരാട്ടത്തിൽ പാകിസ്താന് ശക്തമായ നിലപാടെടുക്കാൻ കഴിയുമെന്നും 2014 ഭീകരവിരുദ്ധ വ൪ഷമായിരിക്കുമെന്നും അതിന് പാകിസ്താനെ സഹായിക്കാനാണ് സൈനിക മേഖലയിൽ സഹായം നൽകുന്നതെന്നും യു. എസ് വൃത്തങ്ങൾ പറഞ്ഞു.
കഴിഞ്ഞവ൪ഷം 70 കോടി ഡോളറായിരുന്ന പൊതു സഹായം ഈവ൪ഷം അത് കുറച്ചിട്ടുണ്ട്.
പൊതു ആവശ്യങ്ങൾക്കുള്ള ഫണ്ട് പാകിസ്താൻ ദുരുപയോഗം ചെയ്യുന്നുവെന്ന ഇന്ത്യ ഉൾപ്പെടെയുള്ള രാജ്യങ്ങളുടെ പരാതി കണക്കിലെടുത്താണ് ഈ രംഗത്തുള്ള സാമ്പത്തിക സഹായം വെട്ടിക്കുറക്കുന്നതെന്നും യു.എസ് ആഭ്യന്തര വക്താവ് പറഞ്ഞു.