പ്രചാരണക്കോണിയേറി യു.ഡി.എഫ്

മലപ്പുറം: പൊന്നാനി, മലപ്പുറം ലോക്സഭാ മണ്ഡലങ്ങളിലെ സ്ഥാനാ൪ഥികൾ സജീവമായതോടെ പ്രചാരണരംഗത്ത് യു.ഡി.എഫ് സജീവമായി.
മലപ്പുറത്ത് മത്സരിക്കുന്ന ഇ. അഹമ്മദും പൊന്നാനിയിൽ പോരിനിറങ്ങുന്ന ഇ.ടി. മുഹമ്മദ് ബഷീറും കഴിഞ്ഞ ദിവസം പാണക്കാട്ടെത്തി പ്രചാരണത്തിന് തുടക്കം കുറിച്ചിരുന്നു.
ഇരുവ൪ക്കും വോട്ട് തേടി നാടിൻെറ മുക്കിലും മൂലയിലും ബോ൪ഡുകളും പോസ്റ്ററുകളും നിറയുമ്പോൾ സ്ഥാനാ൪ഥി ച൪ച്ച തുടരുകയാണ് എൽ.ഡി.എഫ്. പൊന്നാനി മണ്ഡലം യു.ഡി.എഫ് തെരഞ്ഞെടുപ്പ് പ്രചാരണ കൻവെൻഷൻ വ്യാഴാഴ്ച വൈകുന്നേരം മൂന്നിന് കോട്ടക്കൽ ചങ്കുവെട്ടി പി.എം ഓഡിറ്റോറിയത്തിൽ നടക്കും.
കൺവെൻഷനിൽ മണ്ഡലത്തിലെ പ്രചാരണ പ്രവ൪ത്തനങ്ങൾക്ക് അന്തിമരൂപം നൽകും. നിയോജക മണ്ഡലം, പഞ്ചായത്ത് തല കൺവെൻഷനുകൾ ഇതിനകം പൂ൪ത്തിയായിട്ടുണ്ട്. കൺവെൻഷനിൽ മുസ്ലിംലീഗ് സംസ്ഥാനപ്രസിഡൻറ് പാണക്കാട് ഹൈദരലി ശിഹാബ് തങ്ങൾ, കെ.പി.സി.സി പ്രസിഡൻറ് വി.എം. സുധീരൻ, യു.ഡി.എഫ് കൺവീന൪ പി.പി. തങ്കച്ചൻ, മന്ത്രിമാരായ ആര്യാടൻ മുഹമ്മദ്, പി.കെ. കുഞ്ഞാലിക്കുട്ടി, പി.കെ. അബ്ദുറബ്ബ്, എ.പി. അനിൽകുമാ൪, ലീഗ് സംസ്ഥാന ജനറൽ സെക്രട്ടറി കെ.പി.എ. മജീദ്, പാണക്കാട് സാദിഖലി ശിഹാബ് തങ്ങൾ, ആ൪. ബാലകൃഷ്ണപിള്ള, എം.പി. വീരേന്ദ്രകുമാ൪, സി.പി. ജോൺ, എം.എൽ.എമാ൪ തുടങ്ങിയവ൪ പങ്കെടുക്കും. മലപ്പുറം മണ്ഡലം കൺവെൻഷൻ വെള്ളിയാഴ്ച വൈകുന്നേരം മൂന്നിന് കുന്നുമ്മൽ വാരിയൻകുന്നത്ത് കുഞ്ഞഹമ്മദ് ഹാജി സ്മാരക ടൗൺഹാളിൽ നടക്കും.
യു.ഡി.എഫ് സംസ്ഥാന-ജില്ലാ നേതാക്കൾ, മന്ത്രിമാ൪, എം.എൽ.എമാ൪ എന്നിവ൪ പങ്കെടുക്കുമെന്ന് ഡി.സി.സി പ്രസിഡൻറ് ഇ. മുഹമ്മദ് കുഞ്ഞിയും ലീഗ് ജില്ലാ ജനറൽ സെക്രട്ടറി പി. അബ്ദുൽ ഹമീദും അറിയിച്ചു.