നീലേശ്വരം നൃത്തോത്സവം നാട്യാഞ്ജലി അരങ്ങേറി

നീലേശ്വരം: നീലേശ്വരം നൃത്തോത്സവത്തിന്‍െറ രണ്ടാംദിവസമായ ശനിയാഴ്ച വിവിധ നൃത്തങ്ങളെ കോര്‍ത്തിണക്കി നാട്യാഞ്ജലി അരങ്ങേറി. രാവിലെ ദേവന്‍ ബാലന്‍, വിഭാസു മാസ്റ്റര്‍, ജയശ്രീ ടീച്ചര്‍ എന്നിവര്‍ക്കുള്ള ശ്രദ്ധാഞ്ജലി ചലച്ചിത്രതാരം ഉണ്ണികൃഷ്ണന്‍ നമ്പൂതിരി ഉദ്ഘാടനം ചെയ്തു. വൈകീട്ട് സാംസ്കാരിക സായാഹ്നം നടി കാവ്യാമാധവന്‍ ഉദ്ഘാടനം ചെയ്തു. നടന്‍ വിനീത് മുഖ്യാതിഥിയായിരുന്നു. സതീഷ് ബാബു പയ്യന്നൂര്‍, കെ.പി. ജയരാജന്‍, ജീവന്‍ ബാബു ഐ.എ.എസ് എന്നിവര്‍ സംസാരിച്ചു. തുടര്‍ന്ന് വിനീത് നയിച്ച നൃത്യതാരോത്സവം അരങ്ങേറി. ഞായറാഴ്ച സീരിയല്‍ താരം സിനി വര്‍ഗീസിന്‍െറ നാട്യ വൈഭവത്തോടുകൂടി മൂന്ന് ദിവസത്തെ നൃത്തോത്സവം സമാപിക്കും.