വട്ടപ്പാറയില്‍ ഗ്യാസ്ടാങ്കര്‍ അപകടം മൂന്നാം തവണ

മലപ്പുറം: ദേശീയപാത 17ലെ അപകടവളവായ വട്ടപ്പാറയില്‍ ടാങ്കര്‍ ലോറി മറിയുന്നത് ഇത് മൂന്നാംതവണ. മൂന്ന് തവണയും കാര്യമായ ദുരന്തം സംഭവിക്കാത്തത് ഭാഗ്യം കൊണ്ട്. ഇതിനടുത്ത വളാഞ്ചേരി, കോട്ടക്കല്‍ നഗരങ്ങളില്‍ അഗ്നിശമന യൂനിറ്റുകളില്ല. വട്ടപ്പാറയില്‍ അപകടമുണ്ടായാല്‍ കുറ്റിപ്പുറം, മലപ്പുറം, തിരൂര്‍ എന്നിവിടങ്ങളില്‍നിന്ന് അഗ്നിശമന സേന എത്തണം. വളാഞ്ചേരി, കോട്ടക്കല്‍ എന്നിവിടങ്ങളില്‍ ഒരിടത്ത് ഫയര്‍ ആന്‍ഡ് റസ്ക്യൂ സര്‍വീസ് യൂനിറ്റ് ആരംഭിക്കണമെന്ന് അഗ്നിശമന വിഭാഗങ്ങള്‍തന്നെ നിരവധി തവണ ആവശ്യപ്പെട്ടതാണ്.