കൂത്തുപറമ്പില്‍ ബോംബ് നിര്‍മാണ സാമഗ്രികള്‍ പിടിച്ചു

കൂത്തുപറമ്പ്: കൂത്തുപറമ്പ് മേഖലയില്‍ പൊലീസ് നടത്തിയ റെയ്ഡില്‍ സ്റ്റീല്‍ ബോംബ് നിര്‍മാണ സാമഗ്രികള്‍ കണ്ടെത്തി. ശനിയാഴ്ച രാവിലെ കൂത്തുപറമ്പ് പൊലീസും ബോംബ് സ്ക്വാഡും ഡോഗ് സ്ക്വാഡും നടത്തിയ തിരച്ചിലിലാണ് സാമഗ്രികള്‍ പിടികൂടിയത്. ആമ്പിലാട്, കനാല്‍ക്കര ഭാഗത്തുവെച്ച് സ്റ്റീല്‍ ഡബ്ബകളാണ് കണ്ടെത്തിയത്. ഇവ സഞ്ചിയില്‍ ഒളിപ്പിച്ചുവെച്ച നിലയിലായിരുന്നു. തൊക്കിലങ്ങാടി, പാലാപ്പറമ്പ് ഭാഗത്തും റെയ്ഡ് നടത്തി.തലശ്ശേരി എ.എസ്.പി ടി. നാരായണന്‍െറ നിര്‍ദേശത്തെ തുടര്‍ന്നായിരുന്നു റെയ്ഡ്. കൂത്തുപറമ്പ് സി.ഐ കെ. പ്രേംസദന്‍, എസ്.ഐ രാമചന്ദ്രന്‍, എ.എസ്.ഐ കെ.കെ. പ്രകാശന്‍ എന്നിവരും റെയ്ഡില്‍ പങ്കെടുത്തു.