നാലുകോടിയില്‍ കടകളില്‍ മോഷണം

ചങ്ങനാശേരി: നാലുകോടിയില്‍ അടുത്തടുത്ത വ്യാപാരശാലകളില്‍ മോഷണം. 11,500 രൂപയും വസ്ത്രങ്ങളും പലഹാരങ്ങളും മോഷ്ടിച്ചു. കല്ലുകളം കോംപ്ളക്സിലുള്ള മഞ്ചാടി ടെക്സ്റ്റയില്‍സില്‍നിന്ന് 10,000 രൂപ അപഹരിച്ചു. വസ്ത്രങ്ങളും അപഹരിച്ചിട്ടുണ്ട്.ഇതിനോടു ചേര്‍ന്നു പ്രവര്‍ത്തിക്കുന്ന ടേസ്റ്റി പാര്‍ക്ക് ബേക്കറിയില്‍നിന്ന് 1500 രൂപയും പലഹാരസാധനങ്ങളും മോഷണം പോയി. ഷട്ടറിന്‍െറ പൂട്ടുകള്‍ തകര്‍ത്താണ് മോഷണം.കഴിഞ്ഞ ദിവസം രാത്രിയിലാണ് സംഭവം.തൃക്കൊടിത്താനം പൊലീസ് അന്വേഷണം ആരംഭിച്ചു.