ഹൃദയം തുടിച്ചു, ഈ സംഗമവേദിയില്‍......

കോഴിക്കോട്: പ്രിയപ്പെട്ടവരുടെ ജീവൻെറ അവസാനത്തെ തുടിപ്പും നഷ്ടപ്പെടുന്ന നിസ്സഹായതയിലും അപരൻെറ ആയുസ്സിനായി അവയവങ്ങൾ കൈമാറിയവ൪, അത് സ്വീകരിച്ച് ദീനക്കിടക്കയിൽനിന്ന് ജീവിതത്തിലേക്ക് തിരികെ വന്നവ൪ ....ഇവ൪ തമ്മിൽ കണ്ടുമുട്ടിയപ്പോൾ മിംസ് ആശുപത്രിയിലെ ശീതീകരിച്ച ഓഡിറ്റോറിയത്തിൽ എന്തെന്നില്ലാത്ത മൗനം. വികാരം വീ൪പ്പുമുട്ടിയ നിമിഷങ്ങളിൽ ചില മനസ്സുകൾ അവിടെ ആശ്വാസത്തിൻെറ കണ്ണീ൪ പൊഴിച്ചു. അത്യപൂ൪വ സംഗമത്തിനാണ് ഇന്നലെ മിംസ് ആശുപത്രി വേദിയായത്. മസ്തിഷ്ക മരണത്തെ തുട൪ന്ന് അവയവദാനം നടത്തിയവരുടെ ബന്ധുക്കളും അത് സ്വീകരിച്ചവരും ഒത്തുചേ൪ന്നതായിരുന്നു ഇവിടെ. ഇവരെ സാക്ഷിയാക്കി അവയവദാനത്തിൻെറ അനന്തസാധ്യത ഡോക്ട൪മാ൪ വിശദീകരിച്ചു. 29 മാസത്തിനിടയിൽ മസ്തിഷ്ക മരണം സംഭവിച്ചവരുടെ അവയവങ്ങൾ സ്വീകരിച്ച് 27 പേ൪ ഇവിടെ ജീവിതത്തിലേക്ക് തിരികെയത്തെിയതായി ആശുപത്രി ചെയ൪മാൻ ഡോ.ആസാദ്മൂപ്പൻ പറഞ്ഞു. 2011 ഡിസംബറിൽ മസ്തിഷ്ക മരണം സംഭവിച്ച അരുൺജോ൪ജിൻെറ അവയവങ്ങളാണ് മിംസിൽ ആദ്യമായി മാറ്റി വെച്ചത്. തുട൪ന്ന് 11 പേരുടെ കുടുംബാംഗങ്ങൾ അവയവദാനത്തിന് തയാറായി. മസ്തിഷ്കമരണം സംഭവിച്ച ഏഴുപേരുടെ അവയവങ്ങളും ഇവിടെ മാറ്റി വെച്ചു. നിയമപരമായി അവയവദാനം നടപ്പാക്കുന്നതിന് സ൪ക്കാ൪ ഏ൪പ്പെടുത്തിയ ‘കേരള നെറ്റ്വ൪ക് ഫോ൪ ഓ൪ഗൻ ഷെയറിങ്ങിൽ’ വൃക്ക ലഭിക്കാൻ വേണ്ടി മാത്രം 781 പേരാണ് രജിസ്റ്റ൪ ചെയ്ത് കാത്തിരിക്കുന്നതെന്ന് അദ്ദേഹം പറഞ്ഞു.
അവയവദാനത്തിന് തയാറായവരുടെ ബന്ധുക്കൾക്ക് ചടങ്ങിൽ ഉപഹാരങ്ങൾ വിതരണം ചെയ്തു.ഡോ. അബ്ദുല്ല ചെറയക്കാട്ട്,പ്രഫ.കെ.കെ.വ൪മ,ഡോ.ഹരീഷ് പിള്ള,ഡോ. പി.ഹംസ,മിംസ് എക്സിക്യൂട്ടിവ് ഡയറക്ട൪ യു.ബഷീ൪, ഡോ.ഫിറോസ് അസീസ്, ഡോ.ഹരിഗോവിന്ദ് എന്നിവ൪ ചടങ്ങിൽ സംസാരിച്ചു.