വയനാട് ചുരത്തിലെ കണ്ണാടി തകര്‍ത്തു

ലക്കിടി: താമരശ്ശേരി ചുരത്തിലെ ഒമ്പതാം വളവില്‍ കെ.എസ്.ആര്‍.ടി.സി സ്ഥാപിച്ച ട്രാഫിക് കോണ്‍വെക്സ് കണ്ണാടി സാമൂഹിക വിരുദ്ധര്‍ നശിപ്പിച്ചു. കണ്ണാടി സ്ഥാപിച്ച ഫ്രെയിം മാത്രമാണ് അവശേഷിക്കുന്നത്. ചുരമിറങ്ങുന്ന വാഹനങ്ങള്‍ക്കും കയറുന്ന വാഹനങ്ങള്‍ക്കും എതിരെ വരുന്ന വാഹനങ്ങളെ വ്യക്തമായി കാണുവാന്‍ കണ്ണാടി ഏറെ പ്രയോജനകരമായിരുന്നു. തളിപ്പുഴ വളവിലും കണ്ണാടി സ്ഥാപിച്ചിരുന്നു. അത് ഇപ്പോഴുമുണ്ട്. ഒമ്പതാം വളവ് കഴിയുന്നിടത്താണ് ചുരത്തിലെ വ്യൂ പോയന്‍റ്. ഏറെ വാഹനങ്ങള്‍ പാര്‍ക് ചെയുന്നത് ഇവിടെയാണ്. തിരക്കുള്ള ഭാഗമായിട്ടും ചിലര്‍ കണ്ണാടി നശിപ്പിക്കുകയായിരുന്നു. കെ.എസ്.ആര്‍.ടി.സിയുടെ ഗതാഗത അവബോധ കാമ്പയിന്‍െറ ഭാഗമായാണ് കഴിഞ്ഞവര്‍ഷം കണ്ണാടികള്‍ സ്ഥാപിച്ചത്.