സഹകരണ ആശുപത്രി ആരോഗ്യരംഗത്ത് മാതൃക – മന്ത്രി

പാലക്കാട്: കുറഞ്ഞ ചെലവില്‍ ചികിത്സയും രോഗ നിര്‍ണയസൗകര്യവും ജനങ്ങള്‍ക്ക് നല്‍കുന്ന ജില്ലാ സഹകരണ ആശുപത്രിയുടെ പ്രവര്‍ത്തനങ്ങള്‍ ആരോഗ്യ രംഗത്ത് മാതൃകയാണെന്ന് ടൂറിസം-പട്ടികജാതി ക്ഷേമ മന്ത്രി എ.പി അനില്‍കുമാര്‍. കല്ളേക്കാട് രാജീവ് ഗാന്ധി സഹകരണ ആശുപത്രിയില്‍ കോ ഓപറേറ്റീവ് സ്കാന്‍ സെന്‍റര്‍ ഉദ്ഘാടനം ചെയ്യുകയായിരുന്നു അദ്ദേഹം. കോ ഓപറേറ്റീവ് ഇന്‍ഫര്‍ട്ടിലിറ്റി ക്ളിനിക് സി.പി. മുഹമ്മദ് എം.എല്‍.എ ഉദ്ഘാടനം ചെയ്തു. കെ.എ. ചന്ദ്രന്‍ അധ്യക്ഷത വഹിച്ചു. എം. ഇസ്മായില്‍, പി.എസ്. ഷബീര്‍ അലി കാരാകുറുശ്ശി, എന്‍. ദിവാകരന്‍, ആര്‍.ദേവദാസ് എന്നിവര്‍ സംസാരിച്ചു. പി.എം. മുഹമ്മദ് അഷ്റഫ് നന്ദിയും പറഞ്ഞു.