ഇന്ത്യ-പാക് ക്രിക്കറ്റ് പുനരാരംഭിക്കുന്നു

ലാഹോ൪: ഇന്ത്യയും പാകിസ്താനും തമ്മിലുള്ള ക്രിക്കറ്റ് പോരാട്ടങ്ങൾ പുനരാരംഭിക്കുന്നു. 2015നും 23നും ഇടയിൽ ആറ് പരമ്പരകൾ കളിക്കാൻ ധാരണയായതായി പാകിസ്താൻ ക്രിക്കറ്റ് ബോ൪ഡ്(പി.സി.ബി) ചീഫ് ഓപറേറ്റിങ് ഓഫിസ൪ സുബ്ഹാൻ അഹ്മദ് അറിയിച്ചു. ഇതിൽ നാല് പരമ്പരകൾ പാകിസ്താനിൽ നടക്കും. പരമ്പര സംബന്ധിച്ച് ഇരു ക്രിക്കറ്റ് ബോ൪ഡുകളും ധാരണാപത്രം ഒപ്പുവെച്ചു. 2008ലെ മുംബൈ ഭീകരാക്രമണത്തിനു ശേഷമാണ് ഇന്ത്യ പാകിസ്താനെതിരെ ക്രിക്കറ്റ് പരമ്പര നി൪ത്തിവെച്ചത്.