അടൂരില്‍ നിയന്ത്രണംവിട്ട വാന്‍ ഇടിച്ച് മൂന്ന് മരണം

അടൂ൪: ഇടപ്പോണിൽ നിയന്ത്രണംവിട്ട വാൻ ഇടിച്ച് ദമ്പതികളടക്കം മൂന്ന് പേ൪ മരിച്ചു. നൂറനാട് പുലിമേൽ പൂമ്പുളിമലയിൽ പറങ്ങാംവിള പടീറ്റതിൽ രാജു (50), ഭാര്യ മറിയാമ്മ (45), ബന്ധു മറിയ ദാസ് (48) എന്നിവരാണ് മരിച്ചത്.

ഇന്ന് രാവിലെ അടൂ൪ ജംങ്ഷനിലാണ് അപകടം. ബസ് സ്റ്റോപ്പിൽ നിന്നവരുടെ മേൽ നിയന്ത്രണംവിട്ട പാൽ വണ്ടി ഇടിച്ചു കയറുകയായിരുന്നു. അമിതവേഗമാണ് അപകടകാരണമെന്ന് പ്രദേശവാസികൾ പറഞ്ഞു.