ബേഡഡുക്ക സാമൂഹികാരോഗ്യ കേന്ദ്രത്തില്‍ ഡോക്ടര്‍മാരെ നിയമിക്കും

കാസര്‍കോട്: ബേഡഡുക്ക സാമൂഹികാരോഗ്യ കേന്ദ്രത്തില്‍ ഡോക്ടര്‍മാരെ നിയമിക്കാന്‍ അടിയന്തര നടപടി സ്വീകരിക്കുമെന്ന് ഡി.എം.ഒ അറിയിച്ചു. കാറഡുക്ക ബ്ളോക് പഞ്ചായത്ത്, ബേഡഡുക്ക പഞ്ചായത്തിന്‍െറയും ജനപ്രതിനിധികള്‍ ഡി.എം.ഒയുമായി ചര്‍ച്ച നടത്തിയപ്പോഴാണ് ഇക്കാര്യം അറിയിച്ചത്. ഒരു ഡോക്ടറെ ഇതിനകം നിയമിച്ചിട്ടുണ്ട്. മേയ് 29ന് ഡോക്ടര്‍ ചുമതലയേല്‍ക്കും. ബ്ളോക് പഞ്ചായത്ത് പ്രസിഡന്‍റ് ബി.എം. പ്രദീപ്, വൈസ് പ്രസിഡന്‍റ ് എം. മിനി, ബേഡഡുക്ക പഞ്ചായത്ത് വൈസ് പ്രസിഡന്‍റ ് എം. അനന്തന്‍, പി. ഓമന, സി. സുശീല എന്നിവര്‍ ചര്‍ച്ചയില്‍ പങ്കെടുത്തു. ആവശ്യത്തിന് ഡോക്ടര്‍മാരില്ലത്തതിനാല്‍ ബേഡഡുക്ക സാമൂഹികാരോഗ്യ കേന്ദ്രം പ്രതിസന്ധിയിലായിരുന്നു. ഇതിനെതിരെ നേരത്തേ ആശുപത്രി സംരക്ഷണ സമിതി സമരം നടത്തിയിരുന്നു.