മഴക്കാല രോഗങ്ങള്‍ പ്രതിരോധിക്കാന്‍ ജാഗരൂകരാകണം-മന്ത്രി അടൂര്‍ പ്രകാശ്

പത്തനംതിട്ട: മഴക്കാല രോഗങ്ങള്‍ പ്രതിരോധിക്കാന്‍ ത്രിതല പഞ്ചായത്ത് അംഗങ്ങളും മറ്റ് ജനപ്രതിനിധികളും ജാഗരൂകരാകണമെന്ന് മന്ത്രി അടൂര്‍ പ്രകാശ് പറഞ്ഞു. ഡി.സി.സിയുടെ നേതൃത്വത്തില്‍ നടന്ന ത്രിതല പഞ്ചായത്ത് പ്രസിഡന്‍റുമാര്‍, ഡി.സി.സി ഭാരവാഹികള്‍ എന്നിവരുടെ യോഗം ഉദ്ഘാടനം ചെയ്യുകയായിരുന്നു മന്ത്രി. പ്രസിഡന്‍റ് പി.പി. മോഹന്‍രാജ് അധ്യക്ഷതവഹിച്ചു. കെ.പി.സി.സി സെക്രട്ടറിമാരായ മറിയാമ്മ ചെറിയാന്‍, ജോസഫ്, പഴകുളം മധു, ഡി.സി.സി ഭാരവാഹികളായ ബാബു ജോര്‍ജ്, എബ്രഹാം ജോര്‍ജ് പച്ചയില്‍, എ. ഷംസുദ്ദീന്‍, ഡോ. സജി ചാക്കോ, അഡ്വ.എന്‍. ഷൈലാജ്, എ. സുരേഷ്കുമാര്‍, കോന്നിയൂര്‍ പി.കെ, അഡ്വ. ഹരിദാസ് ഇടത്തിട്ട, തേരകത്തുമണി, അന്നപൂര്‍ണാദേവി എന്നിവര്‍ സംസാരിച്ചു.