എരുമേലിയില്‍ കടകളില്‍ മിന്നല്‍ പരിശോധന

കാഞ്ഞിരപ്പള്ളി: എരുമേലിയിലെ ഹോട്ടലുകള്‍, പലചരക്ക്, പഴം, പച്ചക്കറി കടകള്‍ എന്നിവിടങ്ങളില്‍ സിവില്‍ സപൈ്ളസ് ഉദ്യോഗസ്ഥര്‍ മിന്നല്‍ പരിശോധന നടത്തി. ഹോട്ടലുകളില്‍ അനധികൃതമായി ഉപയോഗിച്ചിരുന്ന അഞ്ച് ഗാര്‍ഹിക പാചകവാതക സിലിണ്ടറുകള്‍ പിടിച്ചതടക്കം നാലു കേസുകള്‍ രജിസ്റ്റര്‍ ചെയ്തു. താലൂക്ക് സപൈ്ള ഓഫിസര്‍ പി.എസ്. ഷംസുദ്ദീന്‍െറ നേതൃത്വത്തില്‍ റേഷനിങ് ഇന്‍സ്പെക്ടര്‍മാരായ മാര്‍ട്ടിന്‍ മാനുവേല്‍, ടി.പി. ശകുന്തള, ജോണ്‍സണ്‍ ടി.എം. എന്നിവര്‍ പരിശോധനയില്‍ പങ്കെടുത്തു. വരുംദിവസങ്ങളില്‍ താലൂക്കിന്‍െറ എല്ലാ ഭാഗങ്ങളിലും പരിശോധന ശക്തമാക്കുമെന്ന് താലൂക്ക് സപൈ്ള ഓഫിസര്‍ അറിയിച്ചു.