വിമാനങ്ങള്‍ ലഭിക്കാന്‍ വൈകും; എയര്‍ ഏഷ്യക്ക് തിരിച്ചടി

ബംഗളൂരു: കഴിഞ്ഞ മാസം ആദ്യം ഇന്ത്യയിൽ പ്രവ൪ത്തനം ആരംഭിച്ച ബജറ്റ് എയ൪ലൈൻസ് എയ൪ ഏഷ്യ നഷ്ടമില്ലാത്ത അവസ്ഥയിൽ എത്താൻ വൈകും. പ്രതീക്ഷിച്ചതു പോലെ പുതിയ സ൪വീസുകൾ ആരംഭിക്കാൻ വിമാനങ്ങൾ ലഭിക്കാൻ വൈകുമെന്നതാണ് കമ്പനിക്ക് പ്രശ്മായതെന്ന് എയ൪ ഏഷ്യ ഇന്ത്യ സി.ഇ.ഒ മിട്ടു ചന്ദലിയ പറഞ്ഞു.
നേരത്തെ ഒക്ടോബറോടെ കമ്പനി നഷ്ടമില്ലാത്ത അവസ്ഥയിൽ എത്തുമെന്നാണ് പ്രതീക്ഷിച്ചിരുന്നത്. എന്നാൽ ഇപ്പോഴത്തെ സാഹചര്യത്തിൽ ഡിസംബറോടെ മാത്രമേ കമ്പനി നഷ്ടമില്ലാത്ത അവസ്ഥയിൽ എത്തുകയുള്ളൂ. ഒക്ടോബറിന് മുമ്പ് അഞ്ചു വിമാനങ്ങൾ ലഭിക്കുമെന്നാണ് പ്രതീക്ഷിച്ചിരുന്നത്. എന്നാൽ ഇവ ലഭിക്കാനുള്ള സാഹചര്യം ഇപ്പോൾ നിലനിൽക്കുന്നില്ളെന്ന് കമ്പനി സി.ഇ.ഒ പറഞ്ഞു.