ദേവസ്വം ബോര്‍ഡില്‍ ഏകാംഗ കമീഷന്‍

പാലക്കാട്: മലബാര്‍ ദേവസ്വം ബോര്‍ഡിന്‍െറ വിവിധ പ്രശ്നങ്ങളെപ്പറ്റി പഠിക്കാന്‍ ഏകാംഗ കമീഷനെ നിയമിച്ചു. ബോര്‍ഡിന് കീഴിലുള്ള ജീവനക്കാരുടെ സേവനവേതന വ്യവസ്ഥകള്‍ പരിഷ്കരിക്കുക, ആവശ്യമായ നിയമ ഭേദഗതികളോടെ ഒരു പൊതുഫണ്ട് രൂപവത്കരിക്കുക, ട്രസ്റ്റിമാരുടെ അവകാശ അധികാരങ്ങള്‍ സംബന്ധിച്ച് റിപ്പോര്‍ട്ട് സമര്‍പ്പിക്കുക എന്നിവക്കായി ഹൈകോടതി റിട്ട. ജസ്റ്റിസ് എന്‍. കൃഷ്ണന്‍ നായര്‍ കമീഷനെയാണ് നിയോഗിച്ചിരിക്കുന്നതെന്ന് മലബാര്‍ ദേവസ്വം ബോര്‍ഡ് പ്രസിഡന്‍റ് കെ.എ. ചന്ദ്രന്‍ അറിയിച്ചു.