ഉത്തരാഖണ്ഡില്‍ കനത്ത മഴ തുടരുന്നു; മരണസംഖ്യ 19 ആയി

ഡെറാഡൂൺ: മലനിരകൾ ഉൾപ്പെടുന്ന സംസ്ഥാനമായ ഉത്തരാഖണ്ഡിൽ കനത്ത മഴയെത്തുട൪ന്ന് 19 മരണം. പുരി ജില്ലയിലെ യംകേശ്വറിൽ 14 പേരാണ് മരിച്ചത്. മണ്ണിടിച്ചിലിലും വീട് തക൪ന്നുമാണ് അപകടം. ഡെറാഡൂണിൽ രണ്ടുപേരും പിത്തോറാഗാഹിൽ ഒരാളുമാണ് മരണപ്പെട്ടത്.

ഗംഗ അടക്കമുള്ള നദികളിലെ ജലനിരപ്പ് അപകടനിലയെക്കാൾ ഉയ൪ന്നതാണ് മണ്ണിടിച്ചിലിനും മറ്റ് അപകടങ്ങൾക്കും കാരണം. ഇതേതുട൪ന്ന് ചാ൪ധാം തീ൪ഥാടനം താൽകാലികമായി നി൪ത്തിവെച്ചു. സംസ്ഥാനത്ത് അടുത്ത 48 മണിക്കൂറിൽ കൂടുതൽ മഴയ്ക്ക് സാധ്യതയുണ്ടെന്ന് കാലാവാസ്ഥ നിരീക്ഷണ കേന്ദ്രം അറിയിച്ചു.

നദികളുടെ സമീപത്തെ ഗ്രാമങ്ങളിൽ ഉത്തരാഖണ്ഡ് സ൪ക്കാ൪ അതീവ ജാഗ്രതാ നി൪ദേശം പുറപ്പെടുവിച്ചു.