ഫെഡറേഷന്‍ കപ്പ് അത് ലറ്റിക്സ്: ഒ.പി ജെയ്ഷക്ക് സ്വര്‍ണം

ന്യൂഡൽഹി: ഫെഡറേഷൻ കപ്പ് അത്ലറ്റിക്സ് മീറ്റിൽ വനിതകളുടെ 5,000 മീറ്ററിൽ മലയാളിതാരം ഒ.പി ജെയ്ഷക്ക് സ്വ൪ണം. പഞ്ചാബിനുവേണ്ടിയാണ് ജെയ്ഷ മത്സരത്തിനിറങ്ങിയത്. മലയാളി താരം പ്രീജ ശ്രീധരൻ വെള്ളി നേടി. മഹാരാഷ്ട്രയുടെ സ്വാതിക്കാണ് വെങ്കലം.

അടുത്ത മാസം 19 മുതൽ ഒക്ടോബ൪ നാലുവരെ ദക്ഷിണകൊറിയയിലെ ഇഞ്ചിയോണിൽ നടക്കുന്ന ഏഷ്യൻ ഗെയിംസിനുള്ള ടീമിനെ പ്രഖ്യാപിക്കുന്നത് ഫെഡറേഷൻ കപ്പിലെ പ്രകടനത്തിൻെറ അടിസ്ഥാനത്തിലാണ്. 1000ലേറെ അത്ലറ്റുകളാണ് മീറ്റിൽ പങ്കെടുക്കുന്നത്. ഇതുവരെ നടന്നതിൽ ഏറ്റവും കൂടുതൽ താരങ്ങൾ പങ്കെടുക്കുന്ന മീറ്റാണ് ഇത്തവണത്തേത്. കേരളത്തിൽ നിന്നും 43 താരങ്ങൾ മീറ്റിൽ പങ്കെടുക്കുന്നുണ്ട്.