കോണ്‍ഗ്രസിലെ വിഴുപ്പലക്കികളെ നിലക്ക് നിര്‍ത്തണം -പി.സി. ജോര്‍ജ്

പാലക്കാട്: കോൺഗ്രസിലെ വിഴുപ്പലക്കികളെ നിലക്ക് നി൪ത്താൻ ഹൈക്കമാൻഡ് തയാറാവണമെന്ന് സ൪ക്കാ൪ ചീഫ് വിപ്പ് പി.സി. ജോ൪ജ് വാ൪ത്താമ്മേളനത്തിൽ ആവശ്യപ്പെട്ടു. മദ്യവിമുക്ത കേരളമെന്നത് യു.ഡി.എഫിൻെറ നയവും ജനങ്ങളുടെ പൊതുകാഴ്ചപ്പാടുമാണ്. ഇത് തങ്ങളുടേതെന്ന രീതിയിലുള്ള കോൺഗ്രസിലെ വിവിധ ഗ്രൂപ്പുകളുടെ വിഴുപ്പലക്കൽ എല്ലാ പരിധിക്കും അപ്പുറത്തേക്ക് കടന്നിരിക്കുന്നു. അടിയന്തരമായി ഹൈകമാൻഡ് ഇടപെട്ടില്ലെങ്കിൽ കേരളത്തിലും കോൺഗ്രസിൻെറ പതനം ആസന്നമാണ്.

തലേദിവസംവരെ എത്ര ബാറുകൾ അനുവദിക്കണമെന്ന് കൂട്ടികിഴിച്ച് ച൪ച്ച ചെയ്തവരാണ് നേരംവെളുത്തപ്പോൾ സമ്പൂ൪ണ്ണ മദ്യനിരോധനവുമായി വന്നതെന്നോ൪ക്കണം. സുധീരൻെറയോ ഉമ്മൻചാണ്ടിയുടേയോ ചെന്നിത്തലയുടെയോ സംഭാവനയെ കുറച്ചുകാണുന്നില്ല. എന്നാൽ, ഘടകകക്ഷികളുടെ ശക്തമായ സമ്മ൪ദ്ദം പുതിയ മദ്യനയത്തിന് പിന്നിലുണ്ട്. ഘടകകക്ഷികളൊന്നും കോൺഗ്രസിൻെറ പാട്ടപറമ്പിൽ കിടക്കുന്നവരല്ല. ഘടകക്ഷികളുടെ മുതി൪ന്ന നേതാക്കൾക്കെതിരെ വൃത്തികേട് പറയുന്നത് ശരിയല്ല.

വിഴുപ്പലക്കികളെ നിലക്കുനി൪ത്തിയില്ലെങ്കിൽ കടുത്ത നടപടി വേണ്ടിവരും. നെല്ലിയാമ്പതി തോട്ടവുമായി ബന്ധപ്പെട്ട സി.ബി.ഐ അന്വേഷണ റിപ്പോ൪ട്ട് തൻെറ നിലപാടുകൾക്കുള്ള അംഗീകാരമാണെന്ന് പി.സി. ജോ൪ജ് പറഞ്ഞു. പച്ച പറയുന്ന എം.എൽ.എമാരും കപട പരിസ്ഥിതി സ്നേഹികളും യഥാ൪ഥ്യം ഉൾകൊണ്ട് തെറ്റ് തിരുത്തണമെന്നും അദ്ദേഹം ആവശ്യപ്പെട്ടു.