സംസ്ഥാനത്ത് സാമ്പത്തിക പ്രതിസന്ധിയില്ല ആര്യാടന്‍

ന്യൂഡൽഹി: സംസ്ഥാനത്ത് സാമ്പത്തിക പ്രതിസന്ധിയില്ല, സാമ്പത്തിക പ്രയാസമാണുള്ളതെന്ന് വൈദ്യുതി മന്ത്രി ആര്യാടൻ മുഹമ്മദ്. മദ്യനയം സാമ്പത്തിക പ്രതിസന്ധി ഉണ്ടാക്കും. ഓവ൪ ഡ്രാഫ്റ്റ് തിരിച്ചടക്കാൻ കഴിയിയുമെന്നും അദ്ദേഹം പറഞ്ഞു.

മദ്യ നയത്തിൻെറ ക്രെഡിറ്റ് മുസ്ലിം ലീഗിനല്ല. സമ്പൂ൪ണ മദ്യനിരോധം വേണമെന്ന് ലീഗ് ആവശ്യപ്പെട്ടിട്ടില്ല. 418 ബാറുകൾ പൂട്ടണമെന്നാണ് ലീഗ് ആവശ്യപ്പെട്ടതെന്നും ആര്യാടൻ പറഞ്ഞു.
വൈദ്യുതി മന്ത്രിമാരുടെ യോഗത്തിൽ പങ്കെടുക്കാൻ ഡൽഹിയിലെത്തിയതാണ് അദ്ദേഹം. മുല്ലപ്പെരിയാ൪ വിഷയത്തിൽ നിയമസഭ പ്രമേയം പാസാക്കിയതുപോലെ ആതിരപ്പള്ളി പദ്ധതിക്ക് അനുമതി നേടുന്നതിനായും നിയമസഭ പ്രമേയം പാസാക്കണമെന്നും ആര്യാടൻ ആവശ്യപ്പെട്ടു.