ബാറുകള്‍ നാളെ രാത്രി 11 മണി വരെ

തിരുവനന്തപുരം: സംസ്ഥാനത്തെ ഫോ൪ സ്റ്റാ൪ വരെയുള്ള ബാറുകൾ വ്യാഴാഴ്ച രാത്രി 11-ന് അടച്ചുപൂട്ടുമെന്ന് എക്സൈസ് മന്ത്രി കെ. ബാബു അറിയിച്ചു. ബാറുകൾ പൂട്ടുന്ന സാഹചര്യം വിലയിരുത്താൻ ഉന്നത ഉദ്യോഗസ്ഥരുമായി നടത്തിയ ച൪ച്ചക്കു ശേഷം തിരുവനന്തപുരത്ത് മാധ്യമങ്ങളോടു സംസാരിക്കുകയായിരുന്നു അദ്ദേഹം.

അടച്ചു പൂട്ടിയ ബാറുകളിലെ തൊഴിലാളികൾക്ക് 5,000 രൂപ വീതം നല്കാൻ തീരുമാനമായതായും ഇതിനായി 3.435 കോടി രൂപ വകയിരുത്തിയതായും അദ്ദേഹം അറിയിച്ചു.

അടച്ചു പൂട്ടുന്ന ബാറുകൾക്ക് ലൈസൻസ് ഫീ ഇനത്തിൽ 40 കോടിയോളം രൂപ തിരിച്ചു നല്കും. ബാറുകളിലെ മദ്യം ബിവറേജസ് കോ൪പറേഷൻ ഏറ്റെടുക്കുമെന്നും മന്ത്രി പറഞ്ഞു.