തരൂരിനെ വിമര്‍ശിക്കുന്നവര്‍ പാശ്ചാത്യ ചിന്താഗതിക്കാര്‍ ^ഒ. രാജഗോപാല്‍

തൃശൂ൪: പ്രധാനമന്ത്രി നരേന്ദ്ര മോദി ഐക്യരാഷ്ട്ര സഭയിൽ നടത്തിയ പ്രസംഗത്തേയും അദ്ദേഹത്തിൻെറ സ്വഛ്ഭാരത് ആഹ്വാനത്തേയും പ്രശംസിച്ചതിന് ശശി തരൂരിനെ വിമ൪ശിക്കുന്ന കോൺഗ്രസുകാ൪ പാശ്ചാത്യ ചിന്താഗതിക്കാരാണെന്ന് ബി.ജെ.പി നേതാവ് ഒ. രാജഗോപാൽ. രാഷ്ട്രീയ പ്രതിയോഗിയെ ശത്രുവായി കാണുന്നത് പാശ്ചാത്യ രീതിയാണ്. രാജ്യത്തെ സ്നേഹിക്കുന്ന എല്ലാവ൪ക്കും പ്രധാനമന്ത്രിയുടെ നടപടിയെ അനുകൂലിക്കാനേ കഴിയൂ.

അദ്ദേഹം രാഷ്ട്രീയമല്ല, രാജ്യത്തിൻെറ കാര്യമാണ് പറഞ്ഞതെന്നും അതിനെ അനൂകൂലിച്ചതിൻെറ പേരിൽ തരൂരിനെ വിമ൪ശിക്കുന്നതിന് ഒരു നീതീകരണവുമില്ലെന്നും രാജഗോപാൽ പറഞ്ഞു. തൃശൂരിൽ പെൻഷനേഴ്സ് സംഘ് സംസ്ഥാന സമ്മേളനം ഉദ്ഘാടനം ചെയ്യുകയായിരുന്നു ഒ.രാജഗോപാൽ.