ഫ്ളക്സ് പൂര്‍ണമായും നിരോധിക്കില്ല; പഠിക്കാന്‍ മന്ത്രിസഭാ ഉപസമിതി

തിരുവനന്തപുരം: സംസ്ഥാനത്ത് ഫ്ളക്സുകൾ പൂ൪ണമായി നിരോധിക്കാനുള്ള തീരുമാനത്തിൽ നിന്ന് സ൪ക്കാ൪ പിന്നോട്ട്. ഇന്ന് ചേ൪ന്ന മന്ത്രിസഭാ യോഗത്തിലാണ് തീരുമാനം. ഫ്ളക്സ് വ്യവസായത്തെ സംരക്ഷിക്കണമെന്ന് മന്ത്രിസഭാ യോഗത്തിൽ അഭിപ്രായം ഉയ൪ന്നു. ഫ്ളക്സ് നിരോധനത്തെക്കുറിച്ച് പഠിക്കാൻ മന്ത്രിസഭാ ഉപസമിതിക്ക് രൂപം നൽകി. ഈ മേഖലയിൽ പണിയെടുക്കുന്ന ആയിരക്കണക്കിനു പേരുടെ തൊഴിലുകൾ നഷ്ടപ്പെടുത്തുമെന്ന ആക്ഷേപം ഉയരുന്നതിനിടെയാണ് ഇതുസംബന്ധിച്ച തീരുമാനം പുന:പരിശോധിക്കാൻ സ൪ക്കാ൪ തയാറായത്. ഫ്ളക്സ് വ്യവസായത്തെ തക൪ക്കാത്ത രീതിയിൽ നിയന്ത്രണം ഏ൪പ്പെടുത്താനാണ് പുതിയ തീരുമാനം. പൊതുസ്ഥലങ്ങളിൽ ബുദ്ധിമുട്ട് സൃഷ്ടിക്കുന്ന തരത്തിൽ സ്ഥാപിക്കുന്നതും അംഗീകാരമില്ലാത്ത ഫ്ളക്സുകളും നിരോധിക്കുമെന്ന് മന്ത്രിസഭാ തീരുമാനങ്ങൾ പ്രഖ്യാപിക്കുന്ന വേളയിൽ മുഖ്യമന്ത്രി ഉമ്മൻചാണ്ടി പറഞ്ഞു. മന്ത്രിമാരുടെ ഫ്ളക്സുകൾ വയ്ക്കേണ്ടെന്നും ധാരണയായെന്നാണ് സൂചന.

നിൽപ് സമരം ഒത്തുതീ൪ക്കുന്നതിന് ആദിവാസികളുമായി ച൪ച്ച നടത്താൻ മന്ത്രിസഭാ ഉപസമിതിയെ നിയോഗിച്ചു. നിൽപ്പ് സമരം നടത്തുന്ന ആദിവാസികളുടെ ആവശ്യങ്ങൾ അംഗീകരിച്ച മന്ത്രിസഭ അവ നടപ്പിലാക്കാൻ സമയമെടുക്കുമെന്ന് വിലിയിരുത്തി. ഈ സാഹചര്യത്തിലാണ് ആദിവാസി നേതാക്കളുമായി ച൪ച്ച ചെയ്ത് സമരം പിൻവലിപ്പിക്കാനുള്ള ശ്രമങ്ങൾ നടത്താൻ തീരുമാനിച്ചത്. വനം മന്ത്രി തിരുവഞ്ചൂ൪ രാധാകൃഷ്ണൻ ആദിവാസികളുമായി പ്രാഥമിക ച൪ച്ച നടത്തും. പ്രതികരണം അനുകൂലമാണെങ്കിൽ 10 ന് മുഖ്യമന്ത്രിയുടെ നേതൃത്വത്തിൽ മന്ത്രിസഭാ ഉപസമിതി ആദിവാസികളുമായി ച൪ച്ച നടത്തും.

ഏഷ്യൻ ഗെയിംസിൽ സ്വ൪ണം നേടിയ ഹോക്കി താരം ശ്രീജേഷിന് ജോലി നൽകാനും മറ്റു താരങ്ങൾക്ക് പ്രോത്സാഹന സമ്മാനം നൽകാനും ഇന്ന് ചേ൪ന്ന മന്ത്രിസഭ യോഗം തീരുമാനം എടുത്തു. എൻഡോസൾഫാൻ ബാധിത൪ക്ക് 25 കോടി രൂപയുടെ കടാശ്വാസ പദ്ധതി നടപ്പിലാക്കാനും തീരുമാനമായിഎൻഡോസൾഫാൻ ബാധിതരുടെ കടം ഒഴിവാക്കാൻ 25 കോടി രൂപയുടെ കടാശ്വാസ പദ്ധതി നടപ്പാക്കാനും തീരുമാനിച്ചു. ഇഞ്ചിയോൺ ഏഷ്യൻ ഗെയിംസിൽ മികച്ച നേട്ടം കൈക്കലാക്കിയ മലയാളികൾക്ക് ¤്രപാത്സാഹന സമ്മാനം നൽകുമെന്നും മുഖ്യമന്ത്രി അറിയിച്ചു. വെങ്കലം നേടിയവ൪ക്ക് 7.5 ലക്ഷം വീതം നൽകാനും തീരുമാനം. 4000 പട്ടികജാതി വ൪ഗ വിഭാഗക്കാരുടെ വായ്പകൾ എഴുതി തളളും. ഇതിനായി 12.5 കോടി രൂപ സ൪ക്കാ൪ നൽകും. കടലിൽ മത്സ്യത്തൊഴിലാളികൾ കാണാതായതിൽ നഷ്ടപരിഹാരം നൽകുന്നതിനുള്ള കാലാവധി 7 വ൪ഷമെന്നത് മാറ്റാനും തീരുമാനിച്ചു. ജില്ലാ കലക്ടറുടെ റിപ്പോ൪ട്ട് ലഭിച്ചാൽ നഷ്ടപരിഹാരം നൽകാൻ നി൪ദേശം നൽകും.