ആലങ്കോട് ഗ്രാമപഞ്ചായത്ത് പ്രസിഡന്‍റ് ഇന്ന് രാജിവെക്കും

ചങ്ങരംകുളം: ആലങ്കോട് ഗ്രാമപഞ്ചായത്ത് പ്രസിഡന്‍റ് സുലൈമാന്‍ മാന്തടം ബുധനാഴ്ച പ്രസിഡന്‍റ് സ്ഥാനം രാജിവെക്കും. യു.ഡി.എഫ് സംവിധാനത്തില്‍ ആലങ്കോട് ഗ്രാമപഞ്ചായത്തില്‍ ഒരു വര്‍ഷത്തേക്കാണ് കോണ്‍ഗ്രസില്‍നിന്ന് പ്രസിഡന്‍റായി സുലൈമാനെ തെരഞ്ഞെടുത്തത്. ബുധനാഴ്ചത്തേക്ക് ഒരു വര്‍ഷം പൂര്‍ത്തിയാകുന്നതോടെയാണ് ഈ രാജി. ഗ്രാമപഞ്ചായത്ത് വൈസ് പ്രസിഡന്‍റ് മുസ്ലിം ലീഗിന്‍െറ സല്‍മ മുഹമ്മദ്കുട്ടിയും രാജി സമര്‍പ്പിക്കും. ഇനി ശേഷിക്കുന്ന ഒരുവര്‍ഷം യു.ഡി.എഫ് സംവിധാനത്തില്‍ തുടരുമെന്ന് യു.ഡി.എഫ് നേതാക്കള്‍ അറിയിച്ചു. വരുന്ന ഒരുവര്‍ഷം മുസ്ലിം ലീഗില്‍നിന്ന് പ്രസിഡന്‍റും കോണ്‍ഗ്രസില്‍നിന്ന് വൈസ് പ്രസിഡന്‍റുമായുള്ള ഭരണസമിതി പഞ്ചായത്തിനെ നയിക്കും.