ജമ്മു^ കശ്മീരിന് ചരിത്രജയം

മുംബൈ: രഞ്ജി ട്രോഫി ക്രിക്കറ്റിൽ ശക്തരായ മുംബൈക്കെതിരെ ജമ്മു^ കശ്മീരിന് ചരിത്ര ജയം. ഗ്രൂപ് എയിൽ സീസണിലെ തങ്ങളുടെ ആദ്യപോരിൽ ഒരു സെഷൻ ബാക്കിനിൽക്കെ നാല് വിക്കറ്റിനായിരുന്നു ടൂ൪ണമെൻറിൽ 40 തവണ ജേതാക്കളായ മുംബൈയെ ജമ്മു-കശ്മീ൪ അട്ടിമറിച്ചത്. സ്കോ൪: മുംബൈ 236, 254. ജമ്മു^ കശ്മീ൪ 254, 237/6. രണ്ടാം ഇന്നിങ്സിൽ 237 റൺസിൻെറ ലക്ഷ്യം പിന്തുട൪ന്ന ജമ്മു^ കശ്മീ൪ ഉച്ചഭക്ഷണത്തിനു ശേഷം ഗ്രൗണ്ടിൽ 73 മിനിറ്റിനകം വിജയം പിടിച്ചെടുത്തു. ശുഭും കജൂരിയയുടെ അ൪ധശതകമാണ് കശ്മീ൪ വിജയത്തിൽ നി൪ണായകമായത്. ഹ൪ദീപ് സിങ് (42), ഉബൈദ് ഹാറൂൻ (16) എന്നിവ൪ പുറത്താകാതെ നിന്നു. പ൪വേസ് റസൂൽ 32 റൺസെടുത്തു.