കാര്‍ ബാരിക്കേഡില്‍ ഇടിച്ച് രണ്ടു പൊലീസുകാര്‍ മരിച്ചു

ന്യൂഡൽഹി: തെക്കൻ ഡൽഹിയിലെ കാളിന്ദി കുഞ്ചിൽ അമിത വേഗതയിൽ വന്ന കാ൪ ബാരിക്കേഡിൽ ഇടിച്ച് രണ്ടു പൊലീസുകാ൪ മരിച്ചു. ഒരാൾക്ക് പരിക്കേറ്റു. അഡീഷണൽ സബ് ഇൻസ്പെക്ടറും കോൺസ്റ്റബിളുമാണ് മരിച്ചത്.
ഞായറാഴ്ച രാവിലെയായിരുന്നു സംഭവം. അമിത വേഗത്തിൽ വന്ന കാ൪ ദേശീയപാതക്കരികിൽ വെച്ച പൊലീസ് ബാരിക്കേഡിൽ ഇടിച്ചു നിൽക്കുകയായിരുന്നു. ബാരിക്കേഡിന് സമീപം നിന്നിരുന്ന പൊലീസുകാരാണ് മരിച്ചത്. പരിക്കേറ്റയാളെ അപ്പോളോ ആശുപത്രിയിൽ പ്രവേശിപ്പിച്ചു.
സംഭവത്തിൽ കാ൪ ഡ്രൈവറെ പൊലീസ് അറസ്റ്റു ചെയ്തു.