ലോസ് ആഞ്ജലസില്‍ പൊലീസ് കാറിനു നേരെ വെടിവെപ്പ്

ന്യൂയോ൪ക്: കറുത്ത വ൪ഗക്കാ൪ക്കെതിരെയുള്ള പൊലീസ് നടപടിയിൽ പ്രതിഷേധിച്ച് അമേരിക്കയിൽ അക്രമങ്ങൾ തുടരുന്നു. പടിഞ്ഞാറൻ ലോസ് ആഞ്ജലസിൽ പട്രോളിങ് നടത്തുകയായിരുന്ന പൊലീസ് വാഹനത്തിനു നേരെ രണ്ടുപേ൪ വെടിയുതി൪ത്തു. കാറിനുള്ളിൽ ഉണ്ടായിരുന്ന രണ്ടു പൊലീസുകാ൪ പരിക്കേൽക്കാതെ രക്ഷപ്പെട്ടു.
അക്രമികൾ നി൪ത്തിയിട്ട കാറിനു നേരെ വെടിയുതി൪ക്കുകയായിരുന്നു. കൃത്യത്തിനു ശേഷം രക്ഷപ്പെടാൻ ശ്രമിച്ച അക്രമികളിൽ ഒരാളെ പൊലീസ് അറസ്റ്റ് ചെയ്തു. മറ്റൊരാൾക്കു വേണ്ടിയുള്ള തിരച്ചിൽ തുടരുകയാണ്.