വീട്ടുമുറ്റത്ത് കളിക്കുകയായിരുന്ന കുഞ്ഞ് കുളത്തിൽവീണ് മരിച്ചു

ആലപ്പുഴ: വീട്ടുമുറ്റത്ത് കളിച്ചുകൊണ്ടിരുന്ന മൂന്നുവയസ്സുകാരൻ കുളത്തിൽ വീണു മരിച്ചു. മാരാരിക്കുളം വടക്ക് പഞ്ചായത്ത് 14ാം വാർഡിൽ ജയ്സന്റെയും ദീപ്തിയുടെയും മകൻ ഡെയ്ൻ ആണ് മരിച്ചത്.

ദീപ്തിയുടെ പള്ളിപ്പുറത്തെ വീട്ടിൽവെച്ചായിരുന്നു അപകടം. കുട്ടിയുടെ മുത്തച്ഛൻ ജോസും ഭാര്യ വത്സലയും മാത്രമായിരുന്നു സംഭവസമയത്ത് വീട്ടിലുണ്ടായിരുന്നത്.