എ​ഴു​ത്തും വാ​യ​ന​യും പ​ഠി​ക്കാ​ത്ത സ്കൂ​ളി​ങ്​ കൊ​ണ്ട് എ​ന്തു​കാ​ര്യം?

അ​ടു​ത്ത അ​ധ്യ​യ​ന വ​ർ​ഷ​ത്തി​ലേ​ക്ക് കു​ഞ്ഞു​ങ്ങ​ളെ അ​യ​ക്കാ​നൊ​രു​ങ്ങു​ന്ന ഈ ​വേ​ള ന​മ്മു​ടെ വി​ദ്യാ​ഭ്യാ​സ സ​മ്പ്ര​ദാ​യം എ​ത്ര​ത്തോ​ളം കാ​ര്യ​ക്ഷ​മ​മാ​ണ് എ​ന്ന് ആ​ലോ​ചി​ക്കാ​ൻ കൂ​ടി വി​നി​യോ​ഗി​ക്കേ​ണ്ട സ​മ​യ​മാ​ണ്. വി​ദ്യാ​ഭ്യാ​സം ഒ​രു കു​ട്ടി​യു​ടെ ഭാ​വി മാ​ത്ര​മ​ല്ല, സ​മൂ​ഹ​ത്തി​ന്റെ ത​ന്നെ ഭാ​വി​യാ​ണ് രൂ​പ​പ്പെ​ടു​ത്തു​ന്ന​ത്. ശ​ക്ത​മാ​യ സ്കൂ​ൾ സം​വി​ധാ​ന​ത്തി​ൽ നി​ന്നാ​ണ് അ​റി​വും പ്രാ​പ്തി​യു​മു​ള്ള, വെ​ല്ലു​വി​ളി​ക​ളെ നേ​രി​ടാ​ൻ സ​ജ്ജ​രാ​യ നാ​ളെ​യു​ടെ പൗ​ര​ർ വ​ള​ർ​ന്നു​വ​രു​ന്ന​ത്. ആ ​കു​ഞ്ഞു​ങ്ങ​ൾ നാ​ള​ത്തെ ശാ​സ്ത്ര​ജ്ഞ​രും ഡോ​ക്ട​ർ​മാ​രും ക​ലാ​കാ​യി​ക താ​ര​ങ്ങ​ളും എ​ൻ​ജി​നീ​യ​ർ​മാ​രും നാ​ടി​ൻ നാ​യ​ക​രു​മൊ​ക്കെ​യാ​വു​ന്നു.

അ​നു​ദി​നം പ​രി​വ​ർ​ത്ത​നം സം​ഭ​വി​ച്ചു​കൊ​ണ്ടി​രി​ക്കു​ന്ന ഈ ​ലോ​ക​ത്ത് ന​മ്മു​ടെ ജീ​വി​തം മു​മ്പ​ത്തേ​ക്കാ​ളു​മേ​റെ ശാ​സ്ത്ര- സാ​ങ്കേ​തി​ക വി​ദ്യ​യു​മാ​യി ബ​ന്ധ​പ്പെ​ട്ടി​രി​ക്കു​ന്നു. ന​വ​സാ​ങ്കേ​തി​ക വി​ദ്യ​ക​ളും പു​തു​ത​ല​മു​റ ജോ​ലി​ക​ളും കാ​ര്യ​ങ്ങ​ൾ ചെ​യ്യാ​നു​ള്ള പു​തി​യ വ​ഴി​ക​ളും തു​റ​ന്നു​വ​രു​ന്നു. അ​ത്ത​ര​മൊ​രു കാ​ല​ത്ത്, അ​ടി​സ്ഥാ​ന അ​റി​വ് മാ​ത്രം മ​തി​യാ​വി​ല്ല. കു​ട്ടി​ക​ൾ സ്വ​യം ചി​ന്തി​ക്കാ​നും പ്ര​ശ്ന​ങ്ങ​ൾ​ക്ക് പ​രി​ഹാ​രം ക​ണ്ടെ​ത്താ​നും ജീ​വി​ത​കാ​ലം മു​ഴു​വ​ൻ പു​തി​യ അ​റി​വു​ക​ൾ സ്വാ​യ​ത്ത​മാ​ക്കാ​നും പ​ഠി​ക്കേ​ണ്ട​തു​ണ്ട്.

ക​മ്പ്യൂ​ട്ടി​ങ്, മെ​ഡി​ക്ക​ൽ, ബി​സി​ന​സ്, കൃ​ഷി തു​ട​ങ്ങി ഭാ​വി​യി​ൽ ഏ​തൊ​രു തൊ​ഴി​ൽ മേ​ഖ​ല​യി​ലും വ്യ​ക്ത​ത​യോ​ടെ ചി​ന്തി​ക്കാ​നും വി​ശ​ക​ല​നം ചെ​യ്യാ​നും ബു​ദ്ധി​പ​ര​മാ​യ തീ​രു​മാ​ന​ങ്ങ​ളെ​ടു​ക്കാ​നും ക​ഴി​വു​ള്ള​വ​രെ ആ​വ​ശ്യ​മാ​യി വ​രും. കാ​ണാ​പ്പാ​ഠം പ​ഠി​ക്കു​ന്ന​തി​ലു​പ​രി ഡി​ജി​റ്റ​ൽ സാ​ക്ഷ​ര​ത, യു​ക്തി​സ​ഹ​മാ​യ ചി​ന്ത, സ​ർ​ഗാ​ത്മ​ക​ത എ​ന്നി​വ​ക്കാ​ണ് ഭാ​വി​യി​ൽ പ്രാ​ധാ​ന്യ​മു​ണ്ടാ​വു​ക. സോ​ഫ്റ്റ് വെ​യ​ർ, ഡേ​റ്റാ സ​യ​ൻ​സ്, ആ​ർ​ട്ടി​ഫി​ഷ്യ​ൽ ഇ​ന്റ​ലി​ജ​ൻ​സ്, റോ​ബോ​ട്ടി​ക്സ് തു​ട​ങ്ങി​യ ഇ​ന്ന​ത്തെ സാ​ങ്കേ​തി​ക​വി​ദ്യ​ക​ൾ യു​ക്തി​യും ഗ​ണി​ത​വും ഉ​പ​യോ​ഗി​ച്ച് ഉ​റ​ച്ച ചി​ന്ത​യു​ടെ ക​ഴി​വു​ക​ളെ അ​ടി​സ്ഥാ​ന​മാ​ക്കി​യു​ള്ള​താ​ണ്. അ​തി​വേ​ഗം വ​ള​രു​ന്ന ഈ ​മേ​ഖ​ല​ക​ളി​ൽ കേ​വ​ലം എ​ഴു​ത്തും വാ​യ​ന​യും അ​റി​ഞ്ഞാ​ൽ പോ​രാ, ക​മ്പ്യൂ​ട്ട​റി​നെ​പ്പോ​ലെ ചി​ന്തി​ക്കാ​നും പ്ര​ശ്ന​ങ്ങ​ൾ​ക്ക് ക്രി​യാ​ത്മ​ക​മാ​യ പോം​വ​ഴി ക​ണ്ടെ​ത്താ​നും​കൂ​ടി ക​ഴി​യ​ണം.

ചെ​റി​യ ക്ലാ​സു​ക​ളി​ൽ​ത്ത​ന്നെ വാ​യ​ന, എ​ഴു​ത്ത്, ക​ണ​ക്ക് എ​ന്നി​വ​യി​ൽ ശ​ക്ത​മാ​യ അ​ടി​ത്ത​റ നേ​ടു​ന്നി​ല്ലെ​ങ്കി​ൽ പി​ന്നീ​ട് അ​ത് പ​ഠി​ച്ചെ​ടു​ക്കാ​ൻ കു​ട്ടി​ക​ൾ​ക്ക് വ​ല്ലാ​ത്ത ബു​ദ്ധി​മു​ട്ടാ​യി​വ​രും. തൊ​ഴി​ൽ മേ​ഖ​ല​യി​ൽ മാ​ത്ര​മ​ല്ല, ശ​ക്ത​മാ​യ സ്കൂ​ൾ സം​വി​ധാ​ന​മു​ള്ള രാ​ജ്യ​ങ്ങ​ൾ ന​വീ​ക​ര​ണ​ത്തി​ലും മു​ന്നി​ലാ​ണ്. അ​വ​ർ കൂ​ടു​ത​ൽ കൂ​ടു​ത​ൽ ആ​ശ​യ​ങ്ങ​ൾ മു​ന്നോ​ട്ടു​വെ​ക്കു​ന്നു, കൂ​ടു​ത​ൽ വാ​ണി​ജ്യ സാ​ധ്യ​ത​ക​ൾ തു​റ​ന്നി​ടു​ന്നു, ലോ​കം നേ​രി​ടു​ന്ന പ്ര​ശ്ന​ങ്ങ​ൾ​ക്ക് ബു​ദ്ധി​പ​ര​മാ​യ പ​രി​ഹാ​ര​ങ്ങ​ൾ നി​ർ​ദേ​ശി​ക്കു​ന്നു. അ​തേ​സ​മ​യം, ദു​ർ​ബ​ല​മാ​യ വി​ദ്യാ​ഭ്യാ​സ സ​മ്പ്ര​ദാ​യ​മു​ള്ള രാ​ജ്യ​ങ്ങ​ൾ പ​ല​പ്പോ​ഴും ശാ​സ്ത്ര​ത്തി​ലും സാ​ങ്കേ​തി​ക​വി​ദ്യ​യി​ലും പു​രോ​ഗ​തി​യി​ലും പി​ന്നി​ലാ​ണ്.

ക​ഴി​ഞ്ഞ 20 വ​ർ​ഷ​ത്തി​നി​ടെ, ന​മ്മു​ടെ രാ​ജ്യ​ത്തെ കൊ​ച്ചു​ഗ്രാ​മ​ങ്ങ​ളി​ൽ നി​ന്നു​ൾ​പ്പെ​ടെ നി​ര​വ​ധി യു​വ​ജ​ന​ങ്ങ​ൾ എ​ൻ​ജി​നീ​യ​റി​ങ്ങു​ൾ​പ്പെ​ടെ​യു​ള്ള സാ​ങ്കേ​തി​ക മേ​ഖ​ല​ക​ളി​ലേ​ക്ക് ഉ​യ​ർ​ന്നു​വ​ന്നി​ട്ടു​ണ്ട്. ഇ​ത് ഏ​റെ ഗു​ണ​പ​ര​മാ​യ ഒ​രു മാ​റ്റ​മാ​ണ്. എ​ന്നാ​ൽ, സൂ​ക്ഷ്മ നോ​ട്ട​ത്തി​ൽ കാ​ര്യ​ങ്ങ​ൾ നാം ​ക​രു​തു​ന്ന​ത്ര ഗു​ണ​ക​ര​മ​ല്ല, പ്ര​ത്യേ​കി​ച്ച് ഗ്രാ​മ​പ്ര​ദേ​ശ​ങ്ങ​ളി​ൽ. ഗ്രാ​മ​പ്ര​ദേ​ശ​ങ്ങ​ളി​ലെ കു​ട്ടി​ക​ളു​ടെ അ​ടി​സ്ഥാ​ന പ​ഠ​ന നി​ല​വാ​രം വി​ല​യി​രു​ത്തു​ന്ന, രാ​ജ്യ​വ്യാ​പ​ക​മാ​യി ന​ട​ക്കു​ന്ന സർവേയെ അടിസ്ഥാനപ്പെടുത്തിയ ASER പോ​ലു​ള്ള റി​പ്പോ​ർ​ട്ടു​ക​ൾ കാ​ണി​ക്കു​ന്ന​ത് ഇ​ന്നും ഗ്രാ​മ​ങ്ങ​ളി​ലെ ഒ​ട്ട​ന​വ​ധി കു​ട്ടി​ക​ൾ വാ​യ​ന​യി​ലും അ​ടി​സ്ഥാ​ന ഗ​ണി​ത​ത്തി​ലും ബു​ദ്ധി​മു​ട്ടു​ന്നു​വെ​ന്നാ​ണ്.

കേ​ര​ള​ത്തി​ലെ ASER പ​ഠ​നം ന​ൽ​കു​ന്ന​ത് ന​മ്മു​ടെ വി​ദ്യാ​ഭ്യാ​സ സ​മ്പ്ര​ദാ​യ​ത്തി​ന്റെ സ​മ്മി​ശ്ര ചി​ത്ര​മാ​ണ്. ആ​റി​നും 14 നു​മി​ട​യി​ൽ പ്രാ​യ​മു​ള്ള മി​ക്ക​വാ​റും എ​ല്ലാ കു​ട്ടി​ക​ളും സ്കൂ​ളി​ൽ ചേ​ർ​ന്നി​ട്ടു​ണ്ടെ​ന്ന​ത് അ​ഭി​മാ​ന​ക​ര​മാ​യ മി​ക​ച്ച നേ​ട്ട​മാ​ണ്. പ​ല ജി​ല്ല​ക​ളി​ലും സ്കൂ​ളി​ൽ പോ​കാ​ത്ത കു​ട്ടി​ക​ളു​ടെ എ​ണ്ണം 0.1 ശ​ത​മാ​ന​ത്തി​ൽ താ​ഴെ​യാ​ണ്. അ​താ​യ​ത് കേ​ര​ള​ത്തി​ലെ ഗ്രാ​മ​പ്ര​ദേ​ശ​ങ്ങ​ളി​ൽ മി​ക്ക​വാ​റും എ​ല്ലാ കു​ട്ടി​ക​ളും സ്കൂ​ളി​ൽ പോ​കു​ന്നു​ണ്ട്. ഈ ​കു​ട്ടി​ക​ൾ ശ​രി​ക്കും പ​ഠി​ക്കു​ന്നു​ണ്ടോ എ​ന്ന് ചോ​ദി​ച്ചാ​ൽ നി​ർ​ഭാ​ഗ്യ​വ​ശാ​ൽ, ഇ​ല്ല അ​ഥ​വാ പ​ര്യാ​പ്ത​മ​ല്ല എ​ന്നാ​ണ് ഉ​ത്ത​രം. എ​ട്ടാം ക്ലാ​സി​ലെ കു​ട്ടി​ക​ളി​ൽ പ​ല​ർ​ക്കും ചെ​റി​യൊ​രു വാ​ച​കം കൂ​ട്ടി​വാ​യി​ക്കാ​നോ ല​ളി​ത​മാ​യ ഗ​ണി​ത പ്ര​ശ്ന​ങ്ങ​ൾ പ​രി​ഹ​രി​ക്കാ​നോ പോ​ലും അ​റി​യി​ല്ല. കു​ട്ടി​ക​ൾ ര​ണ്ടോ മൂ​ന്നോ വ​ർ​ഷം മു​മ്പ് നേ​ടി​യി​രി​ക്കേ​ണ്ട ശേ​ഷി​ക​ളാ​ണി​വ.

ഏ​റ്റ​വും ന​ടു​ക്കു​ന്ന ഫ​ല​ങ്ങ​ൾ ക​ണ്ട​ത് സ​ർ​ക്കാ​ർ സ്കൂ​ളു​ക​ളി​ൽ പ്ര​വേ​ശ​നം വ​ള​രെ കൂ​ടു​ത​ലു​ള്ള ചി​ല ജി​ല്ല​ക​ളി​ലാ​ണ്. 56.9 ശ​ത​മാ​നം കു​ട്ടി​ക​ൾ സ​ർ​ക്കാ​ർ സ്കൂ​ളു​ക​ളി​ൽ പ​ഠി​ക്കു​ന്ന വ​യ​നാ​ട്ടി​ൽ ആ​റു​മു​ത​ൽ എ​ട്ടു​വ​രെ​യു​ള്ള ക്ലാ​സു​ക​ളി​ലെ 19.8 ശ​ത​മാ​നം പേ​ർ​ക്ക് മാ​ത്ര​മേ ല​ളി​ത​മാ​യ ഒ​രു ഹ​ര​ണ പ്ര​ശ്നം പ​രി​ഹ​രി​ക്കാ​ന​റി​യൂ. 67.1 ശ​ത​മാ​നം കു​ട്ടി​ക​ൾ സ​ർ​ക്കാ​ർ സ്കൂ​ളു​ക​ളി​ൽ പ​ഠി​ക്കു​ന്ന കാ​സ​ർ​കോ​ട്ട് 23.1ശ​ത​മാ​നം പേ​ർ​ക്കും 60.3 ശ​ത​മാ​നം പേ​ർ പ​ഠി​ക്കു​ന്ന മ​ല​പ്പു​റ​ത്ത് 21.7 ശ​ത​മാ​നം പേ​ർ​ക്കും മാ​ത്ര​മേ ഹ​ര​ണ​മ​റി​യൂ.

ഭൂ​രി​ഭാ​ഗം കു​ട്ടി​ക​ൾ സ​ർ​ക്കാ​ർ സ്കൂ​ളു​ക​ളെ ആ​ശ്ര​യി​ക്കു​ന്ന ജി​ല്ല​ക​ളും ഇ​വ​യാ​ണ്. അ​തേ സ​മ​യം, തി​രു​വ​ന​ന്ത​പു​രം, ക​ണ്ണൂ​ർ പോ​ലു​ള്ള ജി​ല്ല​ക​ളി​ലെ നി​ല​വാ​രം വ​ള​രെ മി​ക​ച്ച​താ​ണ്. ക​ണ്ണൂ​രി​ൽ, മു​തി​ർ​ന്ന ക്ലാ​സു​ക​ളി​ൽ പ​ഠി​ക്കു​ന്ന 87 ശ​ത​മാ​നം പേ​ർ​ക്കും അ​വ​രു​ടെ പാ​ഠ​പു​സ്ത​ക​ങ്ങ​ൾ വാ​യി​ക്കാ​ൻ ക​ഴി​യും. തി​രു​വ​ന​ന്ത​പു​ര​ത്ത്, പ​കു​തി​യി​ല​ധി​കം പേ​ർ​ക്കും ഹ​ര​ണ പ്ര​ശ്ന​ങ്ങ​ൾ പ​രി​ഹ​രി​ക്കാ​ന​റി​യും. പ​ഠ​ന ഫ​ല​ങ്ങ​ളി​ലെ അ​ന്ത​രം പ്ര​ക​ട​മാ​ക്കു​ന്ന​ത് വി​ദ്യാ​ഭ്യാ​സ സ​മ്പ്ര​ദാ​യ​ത്തി​ലെ വ്യ​ക്ത​മാ​യ അ​സ​മ​ത്വ​മാ​ണ്. കേ​ര​ള​ത്തി​ന്റെ ചി​ല ഭാ​ഗ​ങ്ങ​ളി​ലെ കു​ട്ടി​ക​ൾ​ക്ക് മി​ക​ച്ച വി​ദ്യാ​ഭ്യാ​സം ല​ഭി​ക്കു​ന്നു, മ​റ്റു​ള്ള​വ​ർ പി​ന്നാ​ക്കം പോ​കു​ന്നു. നി​ർ​ഭാ​ഗ്യ​വ​ശാ​ൽ, പി​ന്നോ​ട്ടു​പോ​കു​ന്ന കു​ട്ടി​ക​ൾ പ​ല​പ്പോ​ഴും ദ​രി​ദ്ര-​പി​ന്നാ​ക്ക സ​മൂ​ഹ​ങ്ങ​ളി​ൽ നി​ന്നു​ള്ള​വ​രാ​ണ്.

കു​ട്ടി​ക​ൾ ഏ​റെ​യും സ്കൂ​ളി​ൽ ചേ​ർ​ന്നു​വെ​ന്ന് കേ​ൾ​ക്കു​മ്പോ​ൾ കാ​ര്യ​ങ്ങ​ളെ​ല്ലാം ശു​ഭ​ക​ര​മാ​ണെ​ന്ന് തോ​ന്നി​പ്പോ​കും. എ​ന്നാ​ൽ, അ​വ​ശ്യം നേ​ടി​യി​രി​ക്കേ​ണ്ട അ​ടി​സ്ഥാ​ന പ​ഠ​നം പോ​ലു​മി​ല്ലാ​തെ അ​വ​രെ വി​ജ​യി​പ്പി​ക്കു​ക വ​ഴി ആ​ഴ​ത്തി​ൽ വേ​രൂ​ന്നി​യ പ്ര​ശ്ന​ങ്ങ​ൾ മ​റ​ച്ചു​പി​ടി​ക്ക​പ്പെ​ടു​ക​യാ​ണ്. ദ​രി​ദ്ര പി​ന്നാ​ക്ക ചു​റ്റു​പാ​ടു​ക​ളി​ലെ സ​ർ​ക്കാ​ർ സ്കൂ​ളു​ക​ളി​ൽ പ​ഠി​ക്കു​ന്ന കു​ട്ടി​ക​ളെ​യാ​ണ് ഇ​ത് ഏ​റ്റ​വും കൂ​ടു​ത​ൽ ബാ​ധി​ക്കു​ന്ന​ത്.

കാ​ല​ക്ര​മേ​ണ, ഇ​ത് ആ​ഴ​ത്തി​ലു​ള്ള സാ​മൂ​ഹി​ക വി​ഭ​ജ​ന​ത്തി​ലേ​ക്കാ​ണ് കൊ​ണ്ടെ​ത്തി​ക്കു​ക. മെ​ച്ച​പ്പെ​ട്ട കു​ടും​ബ​ങ്ങ​ളി​ലെ കു​ട്ടി​ക​ൾ ഒ​ന്നാം സ്ഥാ​ന​ക്കാ​രാ​കു​മ്പോ​ൾ, മ​റ്റു​ള്ള​വ​ർ​ക്ക് അ​വ​സ​രം ഇ​ല്ലാ​താ​കു​ന്നു. പ്രൈ​മ​റി സ്കൂ​ളി​ൽ പി​ന്നാ​ക്കം​പോ​യ പ​ല കു​ട്ടി​ക​ളും ഉ​യ​ർ​ന്ന ക്ലാ​സു​ക​ളി​ൽ ഒ​ന്നും പ​ഠി​ക്കാ​നാ​വാ​തെ വ​രു​മ്പോ​ൾ സ്കൂ​ളു​ക​ൾ ത​ന്നെ ഉ​പേ​ക്ഷി​ക്കു​ന്നു. നി​രാ​ശ​യും നി​സ്സ​ഹാ​യ​ത​യും നാ​ണ​ക്കേ​ടും വ​ന്നു​മൂ​ടു​ന്ന​തോ​ടെ കാ​ല​ക്ര​മേ​ണ, പ​ഠ​ന​ത്തി​ൽ താ​ൽ​പ​ര്യം ന​ഷ്ട​പ്പെ​ട്ട് നി​ശ്ശ​ബ്ദ​മാ​യി അ​വ​ർ പി​ൻ​വാ​ങ്ങു​ന്നു.

കു​ട്ടി​ക​ളു​ടെ മ​ടി​യോ ക​ഴി​വു​കേ​ടോ അ​ല്ല ഇ​തി​നു കാ​ര​ണം, മ​റി​ച്ച് ശ​രി​യാം വി​ധ​ത്തി​ലെ അ​ധ്യാ​പ​ന​ത്തി​ന്റെ പ​രാ​ജ​യ​മാ​ണെ​ന്നാ​ണ് എ​ന്റെ പ​ക്ഷം. പ​ല അ​ധ്യാ​പ​ക​രും അ​മി​ത​ഭാ​രം അ​നു​ഭ​വി​ക്കു​ന്നു, ശ​രി​യാ​യ പ​രി​ശീ​ല​ന​ത്തി​ന്റെ അ​ഭാ​വം അ​വ​ർ​ക്കു​ണ്ട്, അ​ല്ലെ​ങ്കി​ൽ കു​ട്ടി​ക്ക് അ​ടി​സ്ഥാ​ന​കാ​ര്യ​ങ്ങ​ൾ മ​ന​സ്സി​ലാ​യോ എ​ന്ന് പ​രി​ഗ​ണി​ക്കാ​തെ കൂ​ടു​ത​ൽ പു​തി​യ വി​ഷ​യ​ങ്ങ​ൾ പ​ഠി​പ്പി​ക്കാ​ൻ നി​ർ​ബ​ന്ധി​ത​രാ​കു​ന്നു. ASER റി​പ്പോ​ർ​ട്ടു​ക​ളി​ൽ പ​ത്തു​വ​ർ​ഷ​മാ​യി ഇ​തേ പ്ര​വ​ണ​ത തു​ട​രു​ക​യാ​ണെ​ങ്കി​ലും കാ​ര്യ​മാ​യ മാ​റ്റ​ങ്ങ​ളൊ​ന്നു​മു​ണ്ടാ​യി​ല്ല എ​ന്ന​ത് ഞെ​ട്ടി​പ്പി​ക്കു​ന്നു. കേ​ര​ള​ത്തി​ൽ സ​ന്ന​ദ്ധ സം​ഘ​ട​ന​ക​ളും രാ​ഷ്ട്രീ​യ പാ​ർ​ട്ടി​ക​ളും സ​മു​ദാ​യ കൂ​ട്ടാ​യ്മ​ക​ളും സ​ജീ​വ​വും ശ​ക്ത​വു​മാ​ണെ​ങ്കി​ലും ഈ ​പ്ര​ധാ​ന പ്ര​ശ്ന​ത്തി​ൽ ക്രി​യാ​ത്മ​ക​മാ​യി ഇ​ട​പെ​ട്ട് പ​രി​ഹാ​രം ക​ണ്ടെ​ത്താ​ൻ അ​വ​ർ​ക്കാ​ർ​ക്കും സാ​ധി​ച്ചി​ട്ടി​ല്ല.

പ​ഞ്ചാ​യ​ത്തു​ക​ളും ത​ദ്ദേ​ശ സ്വ​യം​ഭ​ര​ണ സ്ഥാ​പ​ന​ങ്ങ​ളും സ്കൂ​ളു​ക​ളെ നി​രീ​ക്ഷി​ക്കു​ക​യും, സാ​യാ​ഹ്ന​പ​ഠ​ന ഗ്രൂ​പ്പു​ക​ളെ പി​ന്തു​ണ​ക്കു​ക​യും വേ​ണം. ഹാ​ജ​ർ നി​ല​യി​ൽ മാ​ത്ര​മ​ല്ല, യ​ഥാ​ർ​ഥ പ​ഠ​ന​ത്തി​ൽ പു​രോ​ഗ​തി​യു​ണ്ടാ​ക്കു​ന്ന സ്കൂ​ളു​ക​ളെ പു​ര​സ്ക​രി​ക്കു​ക​യും വേ​ണം. ദ​ശ​ക​ങ്ങ​ൾ മു​മ്പ് സാ​ക്ഷ​ര​താ നി​ല​വാ​രം വ​ർ​ധി​പ്പി​ക്കു​ന്ന​തി​ന് നാം ​ന​ട​ത്തി​യ​തു​പോ​ലു​ള്ള പ്ര​യ​ത്നം സ്കൂ​ൾ വി​ദ്യാ​ഭ്യാ​സ​ത്തി​ന്റെ നി​ല​വാ​ര​മു​യ​ർ​ത്തു​ന്ന​തി​നും ആ​വ​ശ്യ​മാ​ണ്.

വി​ദ്യാ​സ​മ്പ​ന്ന​രാ​യ യു​വ​ജ​ന​ങ്ങ​ളും സ​ന്ന​ദ്ധ സം​ഘ​ട​ന​ക​ളും ഇ​തി​ന് മു​ന്നി​ട്ടി​റ​ങ്ങ​ണം. പ​ഠ​ന​ത്തി​ൽ പി​ന്നാ​ക്കം പോ​കു​ന്ന കു​ട്ടി​ക​ൾ​ക്ക് പി​ന്തു​ണ​യേ​കാ​ൻ പ്രാ​ദേ​ശി​ക പ​ഠ​ന ഗ്രൂ​പ്പു​ക​ളും വാ​രാ​ന്ത്യ ക്ലാ​സു​ക​ളും ഒ​രു​ക്ക​ണം. മ​ന​സ്സു​വെ​ച്ചാ​ൽ എ​ളു​പ്പം സാ​ധി​ക്കു​ന്ന ഉ​ദ്യ​മ​മാ​ണി​ത്. ഇ​ത് കേ​വ​ല​മൊ​രു വി​ദ്യാ​ഭ്യാ​സ പ്ര​ശ്ന​മ​ല്ല, ഭാ​വി​യെ ബാ​ധി​ക്കാ​നി​രി​ക്കു​ന്ന ക​ടു​ത്ത പ്ര​തി​സ​ന്ധി​യാ​ണ്. വി​ദ്യാ​ല​യ​ത്തി​ൽ പോ​കു​ന്ന, വി​ദ്യാ​ഭ്യാ​സം ല​ഭി​ക്കാ​ത്ത ഒ​രു ത​ല​മു​റ​യെ​യാ​ണ് ന​മ്മ​ൾ സൃ​ഷ്ടി​ച്ചു​കൊ​ണ്ടി​രി​ക്കു​ന്ന​ത്. ഇ​പ്പോ​ൾ ന​ട​പ​ടി​യെ​ടു​ക്കു​ക​യാ​ണെ​ങ്കി​ൽ, ന​മു​ക്ക​ത് പ​രി​ഹ​രി​ക്കാ​ൻ സാ​ധി​ക്കും. ഇ​നി​യും കാ​ത്തി​രു​ന്നാ​ൽ, ഒ​രു ത​ല​മു​റ മു​ഴു​വ​ൻ അ​തി​ന് വി​ല ന​ൽ​കേ​ണ്ടി​വ​രും.