ബിഹാർ പിടിക്കാൻ ബി.ജെ.പിയുടെ ചൂതാട്ടം

ബി​ഹാ​റി​ൽ അ​ടു​ത്തി​ടെ ന​ട​ന്ന മ​ന്ത്രി​സ​ഭാ പു​നഃ​സം​ഘ​ട​ന ആ ​സം​സ്ഥാ​ന​ത്തെ അ​ധി​കാ​ര ഘ​ട​ന​യി​ലെ ഗ​ണ്യ​മാ​യ മാ​റ്റ​ത്തെ അ​ട​യാ​ള​പ്പെ​ടു​ത്തു​ന്നു. സ​ഖ്യ​ത്തി​ൽ ഭാ​ര​തീ​യ ജ​ന​ത പാ​ർ​ട്ടി (ബി.​ജെ.​പി) പി​ടി മു​റു​ക്കി​യ​തോ​ടെ നി​തീ​ഷ് കു​മാ​റി​ന്റെ മേ​ൽ​ക്കൈ ന​ഷ്ട​മാ​വു​ക​യാ​ണ്. 36 മ​ന്ത്രി​സ്ഥാ​ന​ങ്ങ​ളി​ൽ 21 എ​ണ്ണ​വും ബി.​ജെ.​പി കൈ​വ​ശ​പ്പെ​ടു​ത്തി​യ ഈ ​പു​നഃ​സം​ഘ​ട​ന, സ​ഖ്യ​ത്തി​നു​ള്ളി​ൽ നി​തീ​ഷ് നി​ർ​ദേ​ശി​ച്ച നി​ബ​ന്ധ​ന​ക​ളി​ൽ നി​ന്നു​ള്ള ശ​ക്ത​മാ​യ വ്യ​തി​ച​ല​ന​മാ​ണ്. ബി​ഹാ​റി​ലെ ഒ​രു ജൂ​നി​യ​ർ സ​ഖ്യ​ക​ക്ഷി എ​ന്ന നി​ല​യി​ൽ നി​ന്ന് പ്ര​ധാ​ന ശ​ക്തി എ​ന്ന നി​ല​യി​ലേ​ക്കു​ള്ള ബി.​ജെ. പി​യു​ടെ പ​രി​വ​ർ​ത്ത​ന​ത്തെ​യാ​ണ് ഇ​ത് സൂ​ചി​പ്പി​ക്കു​ന്ന​ത്. 2025ൽ ​നി​യ​മ​സ​ഭാ തെ​ര​ഞ്ഞെ​ടു​പ്പ് ന​ട​ക്കാ​നി​രി​ക്കെ​യു​ള്ള നി​ർ​ണാ​യ​ക​മാ​യ ഒ​രു മാ​റ്റം.

ബി.​ജെ.​പി​യെ സം​ബ​ന്ധി​ച്ചി​ട​ത്തോ​ളം ഈ ​പു​നഃ​സം​ഘ​ട​ന കേ​വ​ലം അ​ക്ക​ങ്ങ​ള​ല്ല; മ​റി​ച്ച് അ​ധി​കാ​ര​ത്തി​ന്മേ​ലു​ള്ള അ​വ​കാ​ശ​വാ​ദ​മാ​ണ്. 2024ലെ ​ലോ​ക്സ​ഭാ തെ​ര​ഞ്ഞെ​ടു​പ്പി​ൽ സ​ഖ്യ​ക​ക്ഷി​ക​ൾ​ക്കാ​യി ക്ര​മീ​ക​ര​ണ​ങ്ങ​ൾ ന​ട​ത്താ​ൻ സ​ന്ന​ദ്ധ​ത പ്ര​ക​ടി​പ്പി​ച്ച പാ​ർ​ട്ടി ഇ​പ്പോ​ൾ സം​സ്ഥാ​ന സ​ർ​ക്കാ​റി​നു​ള്ളി​ൽ ത​ങ്ങ​ളു​ടെ സ്ഥാ​നം ശ​ക്തി​പ്പെ​ടു​ത്തു​ക​യാ​ണ്. പാ​ർ​ട്ടി​യു​ടെ സാ​ധ്യ​ത​ക​ൾ ഇ​നി​മേ​ൽ നി​തീ​ഷി​ന്റെ സ​ൽ​പേ​രി​നെ ആ​ശ്ര​യി​ച്ച​ല്ലെ​ന്ന് ഉ​റ​പ്പാ​ക്കു​ക​യും ചെ​യ്യു​ന്നു. പാ​ർ​ട്ടി ദേ​ശീ​യ നേ​തൃ​ത്വം ജാ​തി പ​രി​ഗ​ണ​ന​ക​ളെ ശ്ര​ദ്ധാ​പൂ​ർ​വം സ​ന്തു​ലി​ത​മാ​ക്കി​യി​ട്ടു​ണ്ട്. അ​തി പി​ന്നാ​ക്ക വി​ഭാ​ഗ​ങ്ങ​ൾ (ഇ.​ബി.​സി) ഉ​ൾ​പ്പെ​ടെ​യു​ള്ള സ​മൂ​ഹ​ങ്ങ​ൾ​ക്ക് പ്രാ​തി​നി​ധ്യം ഉ​റ​പ്പാ​ക്കി​യ​തി​നൊ​പ്പം ഉ​പേ​ന്ദ്ര കു​ശ്വാ​ഹ, ജി​ത​ൻ റാം ​മാ​ഞ്ചി തു​ട​ങ്ങി​യ മ​ത്സ​രാ​ർ​ഥി​ക​ൾ​ക്ക് പ്ര​യോ​ജ​നം ചെ​യ്തു​കൊ​ണ്ട് നി​തീ​ഷി​ന്റെ സ്വാ​ധീ​ന​ത്തെ സൂ​ക്ഷ്മ​മാ​യി ദു​ർ​ബ​ല​പ്പെ​ടു​ത്താ​നും ശ്ര​മി​ക്കു​ന്നു ബി.​ജെ.​പി.

ആ​ക്ര​മ​ണാ​ത്മ​ക​മാ​യ ഈ ​നീ​ക്ക​ത്തി​ന് അ​പ​ക​ട​സാ​ധ്യ​ത​ക​ളു​മു​ണ്ട്. സ്വാ​ധീ​നം കു​റ​യു​ന്നു​ണ്ടെ​ങ്കി​ലും നി​തീ​ഷ് ഇ​ന്നും ബി​ഹാ​ർ രാ​ഷ്ട്രീ​യ​ത്തി​ലെ ശ​ക്ത​നാ​യ താ​ര​മാ​ണ്. ത​രാ​ത​രം പാ​ള​യം മാ​റാ​നു​ള്ള സാ​മ​ർ​ഥ്യം ര​ണ്ട് പ​തി​റ്റാ​ണ്ടാ​യി അ​ദ്ദേ​ഹ​ത്തെ പ്ര​സ​ക്ത​നാ​ക്കു​ന്നു. പൂ​ർ​ണ​മാ​യും ഒ​തു​ക്കി​നി​ർ​ത്താ​ൻ ബി.​ജെ.​പി ശ്ര​മി​ക്കു​ക​യാ​ണെ​ന്ന് അ​ദ്ദേ​ഹ​ത്തി​ന് മ​ന​സ്സി​ലാ​യാ​ൽ, നി​തീ​ഷ് ബ​ദ​ൽ മാ​ർ​ഗ​ങ്ങ​ൾ തേ​ടി​യേ​ക്കാം. മ​റ്റ് പ്ര​ബ​ല ജാ​തി വി​ഭാ​ഗ​ങ്ങ​ളു​മാ​യി താ​ര​ത​മ്യ​പ്പെ​ടു​ത്തു​മ്പോ​ൾ നി​തീ​ഷി​ന്റെ കു​ർ​മി പി​ന്തു​ണ​യു​ടെ അ​ടി​ത്ത​റ ചെ​റു​താ​ണെ​ങ്കി​ലും ഉ​റ​പ്പു​ള്ള​താ​ണ്. അ​ദ്ദേ​ഹ​ത്തി​ന്റെ ഭ​ര​ണ വി​ശ്വാ​സ്യ​ത ഇ​പ്പോ​ഴും വി​വി​ധ വോ​ട്ട​ർ വി​ഭാ​ഗ​ങ്ങ​ളെ ആ​ക​ർ​ഷി​ക്കു​ന്നു. കൂ​ടു​ത​ൽ സ​മ്മ​ർ​ദം വ​ന്നാ​ൽ സ്വ​യം ചു​രു​ങ്ങു​ന്ന​തി​നു​പ​ക​രം സ​ഖ്യ​ത്തെ അ​സ്ഥി​ര​പ്പെ​ടു​ത്താ​നും അ​ദ്ദേ​ഹം മു​തി​ർ​ന്നേ​ക്കാം.

ഈ ​പി​രി​മു​റു​ക്കം ദേ​ശീ​യ​ത​ല​ത്തി​ലേ​ക്കും പ​ട​രു​ന്നു​ണ്ട്. നാ​ല് ബി.​ജെ.​പി ഇ​ത​ര​ർ ഉ​ൾ​പ്പെ​ടെ ബി​ഹാ​റി​ൽ നി​ന്ന് എ​ട്ട് എം.​പി​മാ​രെ പ്ര​ധാ​ന​മ​ന്ത്രി ന​രേ​ന്ദ്ര മോ​ദി​യു​ടെ മ​ന്ത്രി​സ​ഭ​യി​ൽ ഉ​ൾ​പ്പെ​ടു​ത്താ​നു​ള്ള ബി.​ജെ.​പി​യു​ടെ തീ​രു​മാ​നം ജാ​തി​സാ​ധ്യ​ത​ക​ൾ ഉ​റ​പ്പി​ച്ചു​കൊ​ണ്ട് സ​ഖ്യ​ഘ​ട​ന​യെ ശ​ക്തി​പ്പെ​ടു​ത്താ​നു​ള്ള ആ​സൂ​ത്രി​ത ശ്ര​മ​മാ​യി​രു​ന്നു. എ​ന്നി​രു​ന്നാ​ലും, പ​ര​മ്പ​രാ​ഗ​ത​മാ​യി ബി.​ജെ.​പി​യെ പി​ന്തു​ണ​ച്ചു പോ​രു​ന്ന വൈ​ശ്യ, ര​ജ​പു​ത്ര വി​ഭാ​ഗ​ങ്ങ​ൾ​ക്ക് പ്രാ​തി​നി​ധ്യം കു​റ​ഞ്ഞ​ത് അ​സം​തൃ​പ്ത​മാ​യ പി​റു​പി​റു​ക്ക​ലു​ക​ൾ​ക്ക് വ​ഴി​വെ​ച്ചു. പ്ര​ധാ​ന സാ​മൂ​ഹി​ക ഗ്രൂ​പ്പു​ക​ളെ അ​ക​റ്റാ​തെ ബി​ഹാ​റി​ൽ ത​ങ്ങ​ളു​ടെ പി​ടി ഉ​റ​പ്പി​ക്കാ​ൻ ശ്ര​മി​ക്കു​ക​യാ​ണ് ബി.​ജെ.​പി.

നി​തീ​ഷി​നെ പൂ​ർ​ണ​മാ​യി ഒ​തു​ക്കാ​തെ ബി.​ജെ.​പി​ക്ക് ആ​ധി​പ​ത്യം നി​ല​നി​ർ​ത്താ​ൻ ക​ഴി​യു​മോ എ​ന്ന​താ​ണ് വ​ലി​യ ചോ​ദ്യം. ബി.​ജെ.​പി​ക്ക് അ​ദ്ദേ​ഹ​ത്തെ ഇ​പ്പോ​ൾ ആ​വ​ശ്യ​മു​ണ്ട്, പ​ക്ഷേ അ​വ​രു​ടെ ദീ​ർ​ഘ​കാ​ല ല​ക്ഷ്യം ജ​ന​താ​ദ​ളി(​യു)​നെ ആ​ശ്ര​യി​ക്കേ​ണ്ട​തി​ല്ലാ​ത്ത ഒ​രു ബി​ഹാ​റാ​ണെ​ന്ന് തോ​ന്നു​ന്നു.

പ്രതിപക്ഷവും ഉറച്ചു തന്നെ

എ​ൻ.​ഡി.​എ​ക്കു​മേ​ലു​ള്ള നി​യ​ന്ത്ര​ണം ശ​ക്തി​പ്പെ​ടു​ത്താ​നു​ള്ള പ്ര​വ​ർ​ത്ത​ന​ങ്ങ​ൾ ബി.​ജെ.​പി തു​ട​ര​വേ സ്വാ​ധീ​നം വി​പു​ല​പ്പെ​ടു​ത്തി​വ​രു​ക​യാ​ണ് തേ​ജ​സ്വി യാ​ദ​വി​ന്റെ രാ​ഷ്ട്രീ​യ ജ​ന​താ​ദ​ൾ (ആ​ർ.​ജെ.​ഡി). ബി.​ജെ.​പി​യോ​ടും ജെ.​ഡി.​യു​വി​നോ​ടും വി​യോ​ജി​പ്പു​ള്ള​വ​ർ​ക്ക് ഒ​രു യോ​ജി​ച്ച ബ​ദ​ലാ​യി ആ​ർ.​ജെ.​ഡി നി​ല​കൊ​ള്ളു​ന്നു. കോ​യേ​രി-​കു​ർ​മി വോ​ട്ട​ർ അ​ടി​ത്ത​റ​യി​ലേ​ക്ക് ക​ട​ന്നു​ക​യ​റു​ന്ന തേ​ജ​സ്വി​യു​ടെ ത​ന്ത്രം നി​തീ​ഷി​ന്റെ​യും ബി.​ജെ.​പി​യു​ടെ​യും അ​ഭി​ലാ​ഷ​ങ്ങ​ൾ​ക്ക് നേ​രി​ട്ട് വി​ഘാ​തം സൃ​ഷ്ടി​ക്കു​ന്നു.

ലോ​ക്സ​ഭ​യി​ലെ പാ​ർ​ല​മെ​ന്റ​റി സ​മി​തി മേ​ധാ​വി​യാ​യി അ​ഭ​യ് കു​മാ​ർ കു​ശ്വാ​ഹ​യെ ആ​ർ.​ജെ.​ഡി നി​യ​മി​ച്ച​തു​പോ​ലും ബി​ഹാ​റി​ലെ യാ​ദ​വ് ഇ​ത​ര പി​ന്നാ​ക്ക വി​ഭാ​ഗ​ങ്ങ​ൾ​ക്കി​ട​യി​ൽ (ഒ.​ബി.​സി) ആ​ക​ർ​ഷ​ണം വി​പു​ലീ​ക​രി​ക്കു​ന്ന​തി​നു​ള്ള ആ​സൂ​ത്രി​ത നീ​ക്ക​ത്തി​ന്റെ ഭാ​ഗ​മാ​ണ്. പാ​ർ​ട്ടി​യു​ടെ പ​ര​മ്പ​രാ​ഗ​ത മു​സ്‍ലിം-​യാ​ദ​വ് അ​ടി​ത്ത​റ​ക്ക് പു​റ​ത്തു​ള്ള ഗ്രൂ​പ്പു​ക​ളെ ല​ക്ഷ്യ​മി​ട്ട് ജാ​തി സ​ഖ്യ​ങ്ങ​ൾ പു​നഃ​ക്ര​മീ​ക​രി​ക്കു​ക​യാ​ണ് തേ​ജ​സ്വി. ഈ ​ത​ന്ത്രം 2024ലെ ​ലോ​ക്സ​ഭാ തെ​ര​ഞ്ഞെ​ടു​പ്പി​ൽ ഷ​ഹാ​ബാ​ദി​ലെ അ​റ, ബ​ക്സ​ർ, സ​സാ​റാം, ഔ​റം​ഗ​ബാ​ദ് എ​ന്നി​വ ഉ​ൾ​ക്കൊ​ള്ളു​ന്ന മേ​ഖ​ല​യി​ൽ ഇ​ൻ​ഡ്യാ സ​ഖ്യ​ത്തി​ന് നേ​ട്ട​മു​ണ്ടാ​ക്കി​ക്കൊ​ടു​ത്തു, എ​ൻ.​ഡി.​എ 2019ൽ ​ആ​ധി​പ​ത്യം പു​ല​ർ​ത്തി​യ നാ​ല് സീ​റ്റു​ക​ളാ​ണ് ഇ​ൻ​ഡ്യാ സ​ഖ്യം പി​ടി​ച്ചെ​ടു​ത്ത​ത്.

2023ലെ ​ജാ​തി സ​ർ​വേ പ്ര​കാ​രം 36.01ശ​ത​മാ​നം അ​തി പി​ന്നാ​ക്ക വി​ഭാ​ഗ​ങ്ങ​ൾ, 27.12ശ​ത​മാ​നം മ​റ്റു പി​ന്നാ​ക്ക വി​ഭാ​ഗ​ങ്ങ​ൾ, 19.65 ശ​ത​മാ​നം പ​ട്ടി​ക​ജാ​തി, 15.52 മു​ന്നാ​ക്ക ജാ​തി​ക​ൾ എ​ന്നി​ങ്ങ​നെ​യാ​ണ് ബി​ഹാ​റി​ന്റെ ജാ​തി​ഘ​ട​ന. നി​ഷാ​ദ സ​മു​ദാ​യ​ത്തെ പ്ര​തി​നി​ധാ​നം​ചെ​യ്യു​ന്ന വി​കാ​സ്ശീ​ൽ ഇ​ൻ​സാ​ൻ പാ​ർ​ട്ടി (വി.​ഐ.​പി) പോ​ലു​ള്ള​വ​രു​ടെ പി​ന്തു​ണ​യോ​ടെ ശ​ക്തി​പ്പെ​ട്ട ആ​ർ.​ജെ.​ഡി​യു​ടെ ഇ​ട​പെ​ട​ൽ, തൊ​ഴി​ലി​ല്ലാ​യ്മ പ്ര​ശ്ന​ങ്ങ​ളും നി​തീ​ഷ് സ​ർ​ക്കാ​റി​​നെ​തി​രാ​യ ഭ​ര​ണ​വി​രു​ദ്ധ വി​കാ​ര​വും മു​ത​ലെ​ടു​ത്തു​കൊ​ണ്ടു​ള്ള ഒ​രു കൂ​ട്ടാ​യ്മ​ക്ക് രൂ​പം ന​ൽ​കി. ബി.​ജെ.​പി-​ജെ.​ഡി.​യു സ​ഖ്യം ഈ ​ജാ​തി കേ​ന്ദ്രീ​ക​ര​ണം അ​വ​ഗ​ണി​ക്കു​ക​യും സാ​മ്പ​ത്തി​ക ആ​വ​ലാ​തി​ക​ൾ പ​രി​ഹ​രി​ക്കു​ന്ന​തി​ൽ പ​രാ​ജ​യ​പ്പെ​ടു​ക​യും ചെ​യ്താ​ൽ, ജാ​തി​ഗ​ണി​ത​ത്തെ ജ​ന​കീ​യ വാ​ഗ്ദാ​ന​ങ്ങ​ളു​മാ​യി ന​ന്നാ​യി സം​യോ​ജി​പ്പി​ക്കു​ന്ന ആ​ർ.​ജെ.​ഡി​യി​ലേ​ക്ക് കൂ​ടു​ത​ൽ പി​ന്തു​ണ ഒ​ഴു​കി​പ്പോ​കാ​ൻ സാ​ധ്യ​ത​യു​ണ്ട്. 

ഉ​പേ​ന്ദ്ര കു​ശ്വാ​ഹ​യെ രാ​ജ്യ​സ​ഭ​യി​ലേ​ക്ക് നാ​മ​നി​ർ​ദേ​ശം ചെ​യ്യാ​നു​ള്ള ബി.​ജെ.​പി തീ​രു​മാ​നം അ​വ​ർ വി​ക​സി​പ്പി​ച്ചു​കൊ​ണ്ടി​രി​ക്കു​ന്ന ബി​ഹാ​ർ ത​ന്ത്ര​ത്തി​ന്റെ മ​റ്റൊ​രു നി​ർ​ണാ​യ​ക സൂ​ച​ന​യാ​ണ്. നി​ര​വ​ധി ത​വ​ണ കൂ​റു​മാ​റി​യ നേ​താ​വാ​ണെ​ങ്കി​ലും ഉ​പേ​ന്ദ്ര കു​ശ്വാ​ഹ, സം​സ്ഥാ​ന​ത്തെ ജാ​തി രാ​ഷ്ട്രീ​യ​ത്തി​ലെ നി​ർ​ണാ​യ​ക വോ​ട്ടി​ങ് ബ്ലോ​ക്കാ​യ കൊ​യേ​രി സ​മു​ദാ​യ​ത്തെ പ്ര​തി​നി​ധാ​നം​ചെ​യ്യു​ന്നു. അ​സം​തൃ​പ്ത​നാ​യ ദ​ലി​ത് നേ​താ​വ് പ​ശു​പ​തി പ​ര​ക്ക് പ​ക​രം രാ​ജ്യ​സ​ഭ​യി​ൽ അ​ദ്ദേ​ഹ​ത്തെ ഉ​ൾ​പ്പെ​ടു​ത്തി​യ​ത് ച​രി​ത്ര​പ​ര​മാ​യി ജെ.​ഡി.​യു​വി​ന്റെ തെ​ര​ഞ്ഞെ​ടു​പ്പ് ശ​ക്തി​യു​ടെ അ​ടി​ത്ത​റ​യാ​യ കൊ​യേ​രി-​കു​ർ​മി വോ​ട്ടു ബാ​ങ്കി​ൽ നി​തീ​ഷ് കു​മാ​റി​നു​ള്ള പി​ടി ദു​ർ​ബ​ല​പ്പെ​ടു​ത്താ​നു​ള്ള ത​ന്ത്ര​പ​ര​മാ​യ നീ​ക്ക​മാ​യി​രു​ന്നു.

എ​ന്നി​രു​ന്നാ​ലും, ഉ​പേ​ന്ദ്ര കു​ശ്വാ​ഹ​യു​ടെ സ​മീ​പ​കാ​ല തെ​ര​ഞ്ഞെ​ടു​പ്പ് പ്ര​ക​ട​നം അ​ദ്ദേ​ഹ​ത്തി​ന്റെ സ്വാ​ധീ​നം സം​ബ​ന്ധി​ച്ച് സം​ശ​യ​ങ്ങ​ളു​യ​ർ​ത്തു​ന്നു. 2024ലെ ​പൊ​തു​തെ​ര​ഞ്ഞെ​ടു​പ്പി​ൽ കാ​ര​ക്ക​ട്ടി​ൽ മൂ​ന്നാം സ്ഥാ​ന​ത്തൊ​തു​ങ്ങി​യ​ത് അ​ദ്ദേ​ഹ​ത്തി​ന്റെ പ്ര​ഭാ​വം കു​റ​യു​ന്നു​വെ​ന്ന് സൂ​ചി​പ്പി​ക്കു​ന്നു. ഇ​ത്ത​ര​മൊ​രു തി​രി​ച്ച​ടി ഉ​ണ്ടാ​യി​രു​ന്നി​ട്ടും, ആ​ർ.​ജെ.​ഡി​യു​മാ​യി സ​ഖ്യ​മു​ണ്ടാ​ക്കു​ന്ന​തി​ൽ നി​ന്ന് ത​ട​ഞ്ഞ് കു​ശ്വാ​ഹ​യെ എ​ൻ.​ഡി.​എ​യി​ൽ നി​ല​നി​ർ​ത്തു​ന്ന​തി​ൽ ബി.​ജെ.​പി മൂ​ല്യം കാ​ണു​ന്നു. ഒ​രു സ​ഖ്യ​ക​ക്ഷി​യെ മാ​നി​ക്കു​ക മാ​ത്ര​മ​ല്ല, കൊ​യേ​രി സ​മു​ദാ​യ​ത്തി​നു​ള്ളി​ൽ ഒ​രു ബ​ദ​ൽ നേ​തൃ​ത്വം സൃ​ഷ്ടി​ക്ക​ൽ കൂ​ടി​യാ​ണ് ബി.​ജെ.​പി അ​തു​വ​ഴി ല​ക്ഷ്യ​മി​ടു​ന്ന​ത്. 

നി​തീ​ഷി​നെ സം​ബ​ന്ധി​ച്ചി​ട​ത്തോ​ളം ഈ ​സം​ഭ​വ​വി​കാ​സ​ങ്ങ​ളെ​ല്ലാം സ​ങ്കീ​ർ​ണ​മാ​യ വെ​ല്ലു​വി​ളി​യാ​ണ്. എ​ൻ.​ഡി.​എ​ക്കു​ള്ളി​ൽ അ​ദ്ദേ​ഹ​ത്തി​ന്റെ സ്ഥാ​നം എ​ന്ന​ത്തേ​ക്കാ​ളും ദു​ർ​ബ​ല​മാ​ണ്. മു​ൻ​കാ​ല കൂ​റു​മാ​റ്റ​ങ്ങ​ൾ ക​ണ​ക്കി​ലെ​ടു​ക്കു​മ്പോ​ൾ ആ​ർ.​ജെ.​ഡി​യു​മാ​യി വീ​ണ്ടും സ​ഖ്യ​മു​ണ്ടാ​ക്കു​ന്ന​ത് വി​ശ്വാ​സ്യ​ത കൂ​ടു​ത​ൽ ന​ഷ്ട​പ്പെ​ടു​ത്തും. മാ​ത്ര​മ​ല്ല, ഇ​നി നി​തീ​ഷി​ന് പി​റ​കി​ൽ പ​ക്ക​മേ​ള​ക്കാ​ര​നാ​യി ഒ​തു​ങ്ങാ​ൻ തേ​ജ​സ്വി ത​യാ​റ​ല്ല. വ്യ​ക്ത​മാ​യ ഉ​റ​പ്പു​ക​ളി​ല്ലാ​തെ നി​തീ​ഷി​നെ വീ​ണ്ടും കൂ​ടെ​ക്കൂ​ട്ടു​ന്ന​തി​ൽ കോ​ൺ​ഗ്ര​സും ഇ​ട​തു​പ​ക്ഷ പാ​ർ​ട്ടി​ക​ളും ര​ണ്ടാ​മ​തൊ​ന്നാ​ലോ​ചി​ക്കും.

ബി​ഹാ​റി​ലെ ബി.​ജെ.​പി ത​ന്ത്രം ഒ​രേ സ​മ​യം ക​ടു​ത്ത അ​പ​ക​ട​സാ​ധ്യ​ത​യും ഉ​യ​ർ​ന്ന പ്ര​തി​ഫ​ല സാ​ധ്യ​ത​യു​ള്ള​തു​മാ​യ ക​ളി​യാ​ണ്. ഒ​രു​വ​ശ​ത്ത്, അ​വ​ർ സ​ഖ്യ​ത്തി​ന്റെ മേ​ൽ ആ​ധി​പ​ത്യം വി​ജ​യ​ക​ര​മാ​യി ഉ​റ​പ്പി​ക്കു​ക​യും ഇ​നി നി​തീ​ഷി​ന്റെ കാ​രു​ണ്യം ആ​വ​ശ്യ​മി​ല്ലെ​ന്ന് ഉ​റ​പ്പാ​ക്കു​ക​യും ചെ​യ്യു​ന്നു. മ​റു​വ​ശ​ത്ത്, അ​തി​ന്റെ ആ​ക്ര​മ​ണാ​ത്മ​ക​മാ​യ നീ​ക്കം എ​ൻ. ഡി.​എ​യെ അ​സ്ഥി​ര​പ്പെ​ടു​ത്തു​ക​യും ആ​ഭ്യ​ന്ത​ര വി​ള്ള​ലു​ക​ൾ മു​ത​ലെ​ടു​ക്കാ​ൻ പ്ര​തി​പ​ക്ഷ​ത്തി​ന് വാ​തി​ൽ തു​റ​ക്കു​ക​യും ചെ​യ്യും. ബി.​ജെ.​പി​യു​ടെ ക​ണ​ക്കു​കൂ​ട്ട​ലു​ക​ൾ തെ​റ്റാ​ണെ​ന്ന് തെ​ളി​ഞ്ഞാ​ൽ, 2025ലെ ​നി​യ​മ​സ​ഭാ തെ​ര​ഞ്ഞെ​ടു​പ്പി​ൽ പ്ര​തീ​ക്ഷി​ച്ച​തി​ലും ശ​ക്ത​മാ​യ വെ​ല്ലു​വി​ളി അ​വ​ർ നേ​രി​ടേ​ണ്ടി​വ​രും.