അ​തി​ജീ​വി​ത​രെ കാ​ണാ​ത്ത സ​ർ​ക്കാ​ർ

വ​യ​നാ​ട്ടി​ലെ ര​ക്ഷാ- ദു​രി​താ​ശ്വാ​സ പ്ര​വ​ര്‍ത്ത​ന​ങ്ങ​ള്‍ക്കും പു​ന​ര​ധി​വാ​സ പ്ര​വ​ര്‍ത്ത​ന​ങ്ങ​ള്‍ക്കും പൂ​ര്‍ണ പി​ന്തു​ണ​യാ​ണ് കേ​ര​ള​ത്തി​ലെ പ്ര​തി​പ​ക്ഷം ന​ല്‍കി​യ​ത്. സ​ര്‍ക്കാ​റി​നെ വി​മ​ര്‍ശി​ക്കാ​വു​ന്ന ഒ​ട്ട​ന​വ​ധി കാ​ര്യ​ങ്ങ​ളു​ണ്ടാ​യി​ട്ടും ഞ​ങ്ങ​ള്‍ ഭ​ര​ണ സം​വി​ധാ​ന​ത്തി​നൊ​പ്പം നി​ന്നു. എ​ന്നി​ട്ടും ദു​രി​ത​ബാ​ധി​ത​രു​ടെ പ​ട്ടി​ക ത​യാ​റാ​ക്കു​ന്ന​തി​ല്‍ പോ​ലും സ​ര്‍ക്കാ​റും റ​വ​ന്യൂ വ​കു​പ്പും ദ​യ​നീ​യ​മാ​യി പ​രാ​ജ​യ​പ്പെ​ട്ടു.

മ​ത- രാ​ഷ്ട്രീ​യ വ്യ​ത്യാ​സ​ങ്ങ​ള്‍ മ​റ​ന്ന് ജ​നം ഒ​റ്റ​ക്കെ​ട്ടാ​യി നി​ന്ന​പ്പോ​ള്‍ മു​ഖ്യ​മ​ന്ത്രി​യു​ടെ ദു​രി​താ​ശ്വാ​സ നി​ധി​യി​ലേ​ക്ക് 772.1 1 കോ​ടി രൂ​പ​യാ​ണ് ഒ​ഴു​കി​യെ​ത്തി​യ​ത്. പൊ​തു​ജ​ന​ങ്ങ​ളും സം​സ്ഥാ​ന സ​ര്‍ക്കാ​ര്‍ ജീ​വ​ന​ക്കാ​രും ന​ല്‍കി​യ 455.54 കോ​ടി​യും ഇ​തി​ല്‍ ഉ​ള്‍പ്പെ​ടും. എ​ന്നാ​ല്‍, ദു​ര​ന്തം ന​ട​ന്ന് ഒ​രു വ​ര്‍ഷം തി​ക​യു​മ്പോ​ള്‍ 91.74 കോ​ടി രൂ​പ മാ​ത്ര​മാ​ണ് പു​ന​ര​ധി​വാ​സ പ്ര​വ​ര്‍ത്ത​ന​ങ്ങ​ള്‍ക്ക് ചെ​ല​വ​ഴി​ച്ച​ത്. 170 വീ​ടു​ക​ള്‍ ഭാ​ഗി​ക​മാ​യും 145 വീ​ടു​ക​ള്‍ പൂ​ര്‍ണ​മാ​യും ത​ക​ര്‍ന്നു. 245 വീ​ടു​ക​ള്‍ വാ​സ​യോ​ഗ്യ​മ​ല്ലാ​തെ​യാ​യി. എ​ന്നി​ട്ടും വാ​ട​ക​യും, ഒ​രാ​ള്‍ക്ക് 300 രൂ​പ​വെ​ച്ച് ജീ​വ​നോ​പാ​ധി​യും മാ​ത്ര​മാ​ണ് സ​ര്‍ക്കാ​ര്‍ ന​ല്‍കി​യ​ത്. അ​തു ത​ന്നെ നി​ര​വ​ധി മാ​സ​ങ്ങ​ള്‍ മു​ട​ങ്ങി. പ്ര​തി​പ​ക്ഷം നി​യ​മ​സ​ഭ​യി​ല്‍ ഉ​ള്‍പ്പെ​ടെ ഈ ​വി​ഷ​യം കൊ​ണ്ടു​വ​ന്ന​പ്പോ​ഴാ​ണ് സ​ര്‍ക്കാ​ര്‍ ഇ​ത് പു​ന​രാ​രം​ഭി​ച്ച​ത്.

പ്ര​ധാ​ന​മ​ന്ത്രി ദു​ര​ന്ത മേ​ഖ​ല സ​ന്ദ​ര്‍ശി​ച്ച​ത​ല്ലാ​തെ കേ​ന്ദ്ര സ​ര്‍ക്കാ​റും ക്രൂ​ര​മാ​യ അ​വ​ഗ​ണ​ന​യാ​ണ് വ​യ​നാ​ടി​നോ​ടും കേ​ര​ള​ത്തോ​ടും കാ​ട്ടി​യ​ത്. എ​ല്‍ 3 കാ​റ്റ​ഗ​റി​യി​ല്‍ ഉ​ള്‍പ്പെ​ടു​ത്തി അ​തി​തീ​വ്ര ദു​ര​ന്ത​മാ​ണെ​ന്ന് പ്ര​ഖ്യാ​പി​ച്ചി​ട്ടു​പോ​ലും പ​ലി​ശ​യി​ല്ലാ​ത്ത ക​ടം ത​രാ​മെ​ന്ന ഔ​ദാ​ര്യ​മാ​ണ് കേ​ന്ദ്ര​ത്തി​ന്റെ ഭാ​ഗ​ത്തു​നി​ന്നു​ണ്ടാ​യ​ത്. വി​ഷ​യം കേ​ര​ള​ത്തി​ല്‍ നി​ന്നു​ള്ള യു.​ഡി.​എ​ഫ് എം.​പി​മാ​ര്‍ പാ​ര്‍ല​മെ​ന്റി​ല്‍ അ​വ​ത​രി​പ്പി​ച്ച​തു​മാ​ണ്. ഇ​തി​നൊ​പ്പ​മാ​ണ് സ്വ​ന്തം ഉ​ത്ത​ര​വാ​ദി​ത്ത​ത്തി​ല്‍ നി​ന്ന് സം​സ്ഥാ​ന സ​ര്‍ക്കാ​റും ജി​ല്ല ഭ​ര​ണ​കൂ​ട​വും ഒ​ഴി​ഞ്ഞു​മാ​റു​ന്ന​ത്.

ടി. ​സി​ദ്ദീ​ഖ് എം.​എ​ല്‍.​എ​യു​ടെ നേ​തൃ​ത്വ​ത്തി​ല്‍ ‘റി​വൈ​വ് വ​യ​നാ​ട്’ എ​ന്ന പേ​രി​ല്‍ പ​ദ്ധ​തി ത​യാ​റാ​ക്കി, വി​ദേ​ശ​രാ​ജ്യ​ങ്ങ​ളി​ല്‍ മെ​ഡി​സി​ന്‍ ഉ​ള്‍പ്പെ​ടെ​യു​ള്ള കോ​ഴ്‌​സു​ക​ള്‍ക്ക് പ​ഠി​ക്കു​ന്ന ദു​ര​ന്ത മേ​ഖ​ല​യി​ലെ 134 കു​ട്ടി​ക​ളു​ടെ മു​ഴു​വ​ന്‍ ചെ​ല​വും വി​വി​ധ സ്ഥാ​പ​ന​ങ്ങ​ളു​ടെ സ​ഹാ​യ​ത്തോ​ടെ ഏ​റ്റെ​ടു​ത്ത​ത് മാ​ത്ര​മാ​ണ് ഉ​ന്ന​ത​വി​ദ്യാ​ഭ്യാ​സ മേ​ഖ​ല​യി​ലെ ഏ​ക ആ​ശ്വാ​സം. ഇ​ത​ല്ലാ​തെ ദു​ര​ന്ത മേ​ഖ​ല​യി​ലെ കു​ട്ടി​ക​ളു​ടെ വി​ദ്യാ​ഭ്യാ​സ​ത്തി​നു​വേ​ണ്ടി എ​ന്ത് ന​ട​പ​ടി​യാ​ണ് സ​ര്‍ക്കാ​ര്‍ സ്വീ​ക​രി​ച്ച​ത്? വാ​ട​ക വീ​ട്ടി​ല്‍ താ​മ​സി​ക്കു​ന്ന​വ​ര്‍ ജീ​വി​ക്കാ​ന്‍ നി​വൃ​ത്തി​യി​ല്ലാ​തെ ക​ഷ്ട​പ്പെ​ടു​ക​യാ​ണ്. ജീ​വ​നോ​പാ​ധി​ക​ള്‍ ന​ഷ്ട​പ്പെ​ട്ട​വ​ര്‍ക്ക് തൊ​ഴി​ല്‍ ന​ല്‍കാ​നു​ള്ള എ​ന്തെ​ങ്കി​ലും സം​വി​ധാ​നം ഒ​രു വ​ര്‍ഷ​ത്തി​നി​ടെ സ​ര്‍ക്കാ​ര്‍ ന​ട​പ്പാ​ക്കി​യോ? കൃ​ഷി ന​ഷ്ട​പ്പെ​ട്ട​വ​ര്‍ക്ക് ഏ​തെ​ങ്കി​ലും പൊ​തു​വാ​യ ഇ​ട​ത്ത് കൃ​ഷി ചെ​യ്യാ​നു​ള്ള സൗ​ക​ര്യ​മെ​ങ്കി​ലും ഒ​രു​ക്കേ​ണ്ടേ?

ഓ​രോ കു​ടും​ബ​ത്തി​ലും ഓ​രോ സ്ഥി​തി​യാ​ണ്. അ​തു​കൊ​ണ്ടാ​ണ് മൈ​ക്രോ ഫാ​മി​ലി പാ​ക്കേ​ജ് വേ​ണ​മെ​ന്ന് പ്ര​തി​പ​ക്ഷം ആ​വ​ശ്യ​പ്പെ​ട്ട​ത്. കു​ടും​ബ​ശ്രീ​യു​ടെ നേ​തൃ​ത്വ​ത്തി​ല്‍ മൈ​ക്രോ ലെ​വ​ല്‍ ഫാ​മി​ലി പാ​ക്കേ​ജ് ഉ​ണ്ടാ​ക്കി​യെ​ങ്കി​ലും സ​ര്‍ക്കാ​ര്‍ മ​തി​യാ​യ പ​ണം ന​ല്‍കി​യി​ല്ല. എ​ട്ട് മാ​സ​ത്തി​നു​ശേ​ഷ​മാ​ണ് ദു​ര​ന്ത​ബാ​ധി​ത​രു​ടെ പ​ട്ടി​ക പോ​ലും ത​യാ​റാ​ക്കി​യ​ത്. അ​തു ത​ന്നെ അ​ബ​ദ്ധ പ​ഞ്ചാം​ഗ​മാ​വു​ക​യും ചെ​യ്തു. ഇ​പ്പോ​ഴും ലി​സ്റ്റി​ല്‍ ഉ​ള്‍പ്പെ​ടാ​ത്ത ദു​ര​ന്ത​ബാ​ധി​ത​ര്‍ നി​ര​വ​ധി​യു​ണ്ട്. ദു​ര​ന്ത​മു​ണ്ടാ​യ സ്ഥ​ല​ത്തെ 80 ശ​ത​മാ​നം ആ​ളു​ക​ളെ ലി​സ്റ്റി​ല്‍ ഉ​ള്‍പ്പെ​ടു​ത്തി​യി​ട്ട് ബാ​ക്കി​യു​ള്ള​വ​രോ​ട് അ​വി​ടെ ജീ​വി​ക്കാ​നാ​ണ് സ​ര്‍ക്കാ​ര്‍ പ​റ​യു​ന്ന​ത്. അ​വ​ര്‍ എ​ങ്ങ​നെ അ​വി​ടെ ജീ​വി​ക്കും?

സ​ര്‍ക്കാ​ര്‍ ടൗ​ണ്‍ ഷി​പ് പ​ദ്ധ​തി വൈകിയതിനാൽ, സ്വ​ന്തം പ​ദ്ധ​തി ആ​വി​ഷ്‌​ക​രി​ക്കാ​ന്‍ രാ​ഷ്ട്രീ​യ പാ​ര്‍ട്ടി​ക​ളും മ​ത സം​ഘ​ട​ന​ക​ളും സ​ന്ന​ദ്ധ സം​ഘ​ട​ന​ക​ളും നി​ര്‍ബ​ന്ധി​ത​രാ​യി. ആ​ദ്യ​ഘ​ട്ട​ത്തി​ല്‍ സ​ര്‍ക്കാ​ര്‍ ര​ണ്ട് ടൗ​ണ്‍ഷി​പ്പു​ക​ളാ​ണ് വി​ഭാ​വ​നം ചെ​യ്ത​ത്. പി​ന്നീ​ട് ഒ​ന്നി​ലേ​ക്ക് ചു​രു​ങ്ങി. സ്ഥ​ല​വും വീ​ടും ഒ​ന്നി​ച്ചും വീ​ട് മാ​ത്ര​മാ​യും ന​ല്‍കാ​ന്‍ ആ​യി​ര​ത്തി​ലേ​റെ സ്‌​പോ​ണ്‍സ​ര്‍മാ​ര്‍ മു​ന്നോ​ട്ടു വ​ന്നി​രു​ന്നു. സ​ഹാ​യി​ക്കാ​ന്‍ സ​ന്ന​ദ്ധ​ത അ​റി​യി​ച്ച സ്‌​പോ​ണ്‍സ​ര്‍മാ​രു​ടെ യോ​ഗം വി​ളി​ക്ക​ണ​മെ​ന്ന് പ്ര​തി​പ​ക്ഷം ആ​വ​ശ്യ​പ്പെ​ട്ടി​ട്ടും സ​ര്‍ക്കാ​ര്‍ ത​യാ​റാ​കാ​ത്ത​താ​ണ് പ​ല​രും പി​ന്മാ​റാ​ന്‍ കാ​ര​ണം. സ​ര്‍ക്കാ​ര്‍ ഏ​റെ വൈ​കി പു​ന​ര​ധി​വാ​സ പ​ദ്ധ​തി പ്ര​ഖ്യാ​പി​ച്ച​പ്പോ​ഴേ​ക്കും പ​ല സ്‌​പോ​ണ്‍സ​ര്‍മാ​രും പി​ന്‍വാ​ങ്ങി​യി​രു​ന്നു.

സ്ഥ​ലം ഏ​റ്റെ​ടു​ത്ത് വീ​ട് നി​ർ​മി​ക്കാ​ന്‍ സ​ന്ന​ദ്ധ​രാ​യ​വ​ര്‍ക്കു​വേ​ണ്ടി സ്ഥ​ല​ത്തി​ന്റെ​യും വീ​ടി​ന്റെ​യും വി​സ്തൃ​തി​യും ഗു​ണ​മേ​ന്മ​യും സം​ബ​ന്ധി​ച്ച മാ​ന​ദ​ണ്ഡം പ്ര​ഖ്യാ​പി​ച്ച് സ​ര്‍ക്കാ​റി​ന്റെ മേ​ല്‍നോ​ട്ട​ത്തി​ല്‍ വീ​ടു​ക​ള്‍ നി​ർ​മി​ക്കാ​മാ​യി​രു​ന്നു. വ​യ​നാ​ട്ടി​ലെ പ്ര​ത്യേ​ക സാ​ഹ​ച​ര്യം പ​രി​ഗ​ണി​ച്ച് ഏ​റ്റെ​ടു​ക്കു​ന്ന ഭൂ​മി​യി​ല്‍ ഉ​ണ്ടാ​യേ​ക്കാ​വു​ന്ന നി​യ​മ പ്ര​ശ്‌​ന​ങ്ങ​ള്‍ പ​രി​ഹ​രി​ക്കാ​ന്‍ സ​ഹാ​യി​ക്കു​മെ​ന്ന ഉ​റ​പ്പെ​ങ്കി​ലും സ​ര്‍ക്കാ​ര്‍ ന​ല്‍കി​യി​രു​ന്നെ​ങ്കി​ല്‍ ഒ​രു വ​ര്‍ഷ​ത്തി​നി​ടെ മു​ഴു​വ​ന്‍ ദു​ര​ന്ത​ബാ​ധി​ത​ര്‍ക്കും പൊ​തു​സ​മൂ​ഹ​വും രാ​ഷ്ട്രീ​യ​പാ​ര്‍ട്ടി​ക​ളും വീ​ടു​ക​ള്‍ നി​ർ​മി​ച്ചു ന​ല്‍കി​യേ​നെ. അ​ങ്ങ​നെ​യെ​ങ്കി​ല്‍ മു​ഖ്യ​മ​ന്ത്രി​യു​ടെ ദു​രി​താ​ശ്വാ​സ നി​ധി​യി​ലേ​ക്ക് വ​യ​നാ​ട് പു​ന​ര​ധി​വാ​സ​ത്തി​ന് ല​ഭി​ച്ച പ​ണ​ത്തി​ല്‍ നി​ന്നും എ​ല്ലാ ദു​രി​ത​ബാ​ധി​ത​ര്‍ക്കും ഒ​രു കോ​ടി രൂ​പ​വീ​തം ന​ല്‍കാ​മാ​യി​രു​ന്നു.

സ്വ​ന്ത​മാ​യി സ്ഥ​ലം ക​ണ്ടെ​ത്തി വീ​ട് നി​ർ​മി​ക്കാ​നാ​ണ് ആ​ദ്യ ഘ​ട്ട​ത്തി​ല്‍ പ്ര​തി​പ​ക്ഷം തീ​രു​മാ​നി​ച്ചി​രു​ന്ന​ത്. അ​പ്പോ​ഴാ​ണ് സ​ര്‍ക്കാ​ര്‍ ടൗ​ണ്‍ഷി​പ് പ്രോ​ജ​ക്ട് കൊ​ണ്ടു​വ​രു​ന്ന​ത്. എ​ന്നാ​ല്‍, തു​ട​ര്‍ ന​ട​പ​ടി​ക​ളൊ​ന്നും ഉ​ണ്ടാ​കാ​ത്ത സാ​ഹ​ച​ര്യ​ത്തി​ലാ​ണ് സ്വ​ന്തം നി​ല​ക്ക് സ്ഥ​ലം ഏ​റ്റെ​ടു​ത്ത് വീ​ട് നി​ർ​മി​ക്കാ​നു​ള്ള ന​ട​പ​ടി​ക​ളു​മാ​യി മു​ന്നോ​ട്ടു​പോ​കാ​ന്‍ കോ​ണ്‍ഗ്ര​സും മു​സ്‍ലിം ലീ​ഗും തീ​രു​മാ​നി​ച്ച​ത്. ക​ര്‍ണാ​ട​ക സ​ര്‍ക്കാ​ര്‍ പ്ര​ഖ്യാ​പി​ച്ച നൂ​റു വീ​ടു​ക​ളു​ടെ വി​ഹി​ത​മാ​യ 20 കോ​ടി രൂ​പ​യും കെ.​പി.​സി.​സി​യു​ടെ നി​ർ​ദേ​ശ​ത്തെ തു​ട​ര്‍ന്ന് അ​വ​ര്‍ കേ​ര​ള സ​ര്‍ക്കാ​റി​ന് കൈ​മാ​റി​യി​രു​ന്നു.

ഇ​തും വെ​റു​തെ​യാ​യെ​ന്നു​വേ​ണം ക​രു​താ​ന്‍. കോ​ണ്‍ഗ്ര​സും മു​സ്‍ലിം ലീ​ഗും അ​നു​ബ​ന്ധ സം​ഘ​ട​ന​ക​ളും പ്ര​ഖ്യാ​പി​ച്ച വീ​ടു​ക​ളു​ടെ നി​ർ​മാ​ണം സ​മ​യ​ബ​ന്ധി​ത​മാ​യി പൂ​ര്‍ത്തി​യാ​ക്കും. സ​ര്‍ക്കാ​ര്‍ കൈ​യൊ​ഴി​ഞ്ഞാ​ലും ദു​ര​ന്ത​ത്തി​ന് ഇ​ര​ക​ളാ​യ വ​യ​നാ​ട്ടി​ലെ മ​നു​ഷ്യ​രെ ഞ​ങ്ങ​ള്‍ ചേ​ര്‍ത്തു​നി​ര്‍ത്തു​ക ത​ന്നെ ചെ​യ്യും.