അ​ധി​കാ​രി​ക​ളേ, ഹൃ​ദ​യം തു​റ​ക്കു​മോ?

പാ​ല​ക്കാ​ട്, തൃ​ശൂ​ർ, മ​ല​പ്പു​റം ജി​ല്ല​ക​ളി​ലെ പാ​വ​ങ്ങ​ളു​ടെ ആ​ശ്ര​യ​മാ​യ ​ തൃ​ശൂ​ർ മെ​ഡി​ക്ക​ൽ കോ​ള​ജി​ൽ ഹൃ​ദ​യം തു​റ​ന്നു​ള്ള ശ​സ്ത്ര​ക്രി​യ നി​ല​ച്ചി​ട്ട്​ ഒ​രു മാ​സ​ത്തി​ല​ധി​ക​മാ​യി. ഇ​തി​ന​കം പ​ത്ത്​ ശ​സ്​​​ത്ര​ക്രി​യ​ക​ൾ മാ​റ്റി​വെ​ച്ചു. 50 ല​ധി​കം പേ​രാ​ണ്​ ശ​സ്​​​ത്ര​ക്രി​യ​ക്ക് ദി​വ​സം കാ​ത്തി​രി​ക്കു​ന്ന​ത്. ഇ​വി​ടെ ആ​ഴ്ച​യി​ൽ ര​ണ്ട്​ വീ​ത​മാ​ണ്​ ഈ ​അ​തീ​വ സ​ങ്കീ​ർ​ണ ശ​സ്ത്ര​ക്രി​യ ന​ട​ന്നി​രു​ന്ന​ത്. അ​ഞ്ച്​ മ​ണി​ക്കൂ​റോ​ളം നീ​ളു​ന്ന ശ​സ്ത്ര​ക്രി​യ​ക്ക്​ സാ​​​​ങ്കേ​തി​ക സ​ഹാ​യം ന​ൽ​കേ​ണ്ട ജീ​വ​ന​ക്കാ​ർ​ക്ക്​ (പെ​ർ​ഫ്യൂ​ഷ​നി​സ്റ്റ്) കാ​ര്യ​ക്ഷ​മ​ത​യി​ല്ലെ​ന്ന്​ കാ​ർ​ഡി​യോ തൊ​റാ​സി​ക്​ സ​ർ​ജ​ൻ ആ​യ വ​കു​പ്പ്​ മേ​ധാ​വി സൂ​പ്ര​ണ്ടി​നും പ്രി​ൻ​സി​പ്പ​ലി​നും പ​രാ​തി ന​ൽ​കി​യ​തോ​ടെ​യാ​ണ്​ ശ​സ്ത്ര​ക്രി​യ നി​ർ​ത്തി​വെ​ച്ച​ത്. രോ​ഗി​ക​ളു​ടെ ജീ​വ​ൻ​വെ​ച്ച്​ റി​സ്ക്​ എ​ടു​ക്കാ​ൻ ക​ഴി​യി​ല്ലെ​ന്നാ​ണ്​ സ​ർ​ജ​ന്‍റെ നി​ല​പാ​ട്. സം​ഭ​വ​ത്തി​ൽ കോ​ഴി​ക്കോ​ട്​ മെ​ഡി​ക്ക​ൽ കോ​ള​ജി​ലെ ഹൃ​ദ​യ ശ​സ്ത്ര​ക്രി​യ വി​ദ​ഗ്​​ധ​ൻ ന​ട​ത്തി​യ അ​ന്വേ​ഷ​ണ​ത്തി​ന്റെ റി​പ്പോ​ർ​ട്ട്​ ആ​രോ​ഗ്യ വി​ദ്യാ​ഭ്യാ​സ ഡ​യ​റ​ക്​​ട​ർ​ക്ക്​ (ഡി.​എം.​ഇ) ന​ൽ​കി​യി​ട്ട്​ ഒ​രാ​ഴ്ച ക​ഴി​ഞ്ഞി​ട്ടും ന​ട​പ​ടി​യി​ല്ല. ഡി.​എം.​ഇ​യു​ടെ തീ​രു​മാ​നം വ​ന്നാ​ൽ​പോ​ലും ശ​സ്ത്ര​ക്രി​യ പു​ന​രാ​രം​ഭി​ക്കാ​ൻ ഒ​രാ​ഴ്ച​യി​ല​ധി​കം സ​മ​യ​മെ​ടു​ക്കും. ഹൃ​ദ​യം തു​റ​ന്നു​ള്ള ശ​സ്ത്ര​ക്രി​യ​ക്ക്​ രോ​ഗി​ക​ൾ കാ​ത്തി​രി​ക്കു​മ്പോ​ൾ​ത​ന്നെ മെ​ഡി​ക്ക​ൽ കോ​ള​ജി​ൽ ആ​റോ​ളം വെ​ന്‍റി​ലേ​റ്റ​റു​ക​ളും മ​റ്റ്​ സൗ​ക​ര്യ​ങ്ങ​ളും വെ​റു​തെ കി​ട​ക്കു​ക​യാ​ണ്. ഏ​ഴ്​ വ​ർ​ഷ​ത്തോ​ള​മാ​യി ഇ​വ ഉ​പ​യോ​ഗി​ക്കു​ന്നി​ല്ലെ​ന്ന്​ ആ​ശു​പ​ത്രി​യി​ലെ ജീ​വ​ന​ക്കാ​ർ​ത​ന്നെ പ​റ​യു​ന്നു.

മ​റ്റു ആ​ശു​പ​ത്രി​ക​ളി​ൽ​നി​ന്ന് റ​ഫ​ർ ചെ​യ്തു​വ​രു​ന്ന കാ​ർ​ഡി​യോ​ള​ജി രോ​ഗി​ക​ളെ, നേ​രി​ട്ട് അ​ഡ്മി​റ്റ് ചെ​യ്തു ഏ​റ്റെ​ടു​ക്കാ​തെ ജ​ന​റ​ൽ മെ​ഡി​സി​ൻ വി​ഭാ​ഗ​ത്തി​ലാ​ണ് പ്ര​വേ​ശി​പ്പി​ക്കു​ന്ന​ത്. ഇ​തു​മൂ​ലം നി​ര​വ​ധി രോ​ഗി​ക​ൾ യ​ഥാ സ​മ​യം വേ​ണ്ട ചി​കി​ത്സ ല​ഭി​ക്കാ​തെ ദു​രി​ത​പ്പെ​ടു​ന്ന സാ​ഹ​ച​ര്യ​മു​ണ്ട്.

സൂ​പ്പ​ർ സ്​​പെ​ഷാ​ലി​റ്റി പേ​രി​ൽ മാ​ത്രം

മെ​ഡി​ക്ക​ൽ കോ​ള​ജി​ന് പ്രാ​യം 44 വ​യ​സ്സാ​ണെ​ങ്കി​ലും സൂ​പ്പ​ർ ​സ്​​പെ​ഷാ​ലി​റ്റി വി​ഭാ​ഗ​ങ്ങ​ൾ ഇ​പ്പോ​ഴും ബാ​ലാ​രി​ഷ്ട​ത​യി​ൽ​ത​ന്നെ. സൂ​പ്പ​ർ സ്​​പെ​ഷാ​ലി​റ്റി വി​ഭാ​ഗ​ങ്ങ​ളാ​യ കാ​ർ​ഡി​യോ തൊ​റാ​സി​ക്​ സ​ർ​ജ​റി, യൂ​റോ​ള​ജി, ഗ്യാ​സ്​​ട്രോ എ​ൻ​റോ​ള​ജി, നെ​ഫ്രോ​​ള​ജി വി​ഭാ​ഗ​ങ്ങ​ളി​ൽ ഒ​രു ഡോ​ക്ട​ർ മാ​ത്ര​മാ​ണ്​ ഉ​ള്ള​ത്. യൂ​റോ​ള​ജി​യി​ൽ ബു​ധ​നാ​ഴ്ച മാ​ത്ര​മാ​ണ്​ ഒ.​പി. നെ​ഫ്രോ​ള​ജി വി​ഭാ​ഗ​ത്തി​ൽ വ​കു​പ്പ്​ മേ​ധാ​വി​യി​ല്ലാ​ത്ത അ​വ​സ്ഥ​യു​മു​ണ്ട്. ഗ്യാ​സ്​​ട്രോ എ​ൻ​റോ​ള​ജി വി​ഭാ​ഗ​ത്തി​ൽ ഒ​രു ഡോ​ക്ട​റു​ടെ ഒ​ഴി​വ്​ വ​ന്നി​ട്ട്​ ര​ണ്ടു​വ​ർ​ഷം ക​ഴി​ഞ്ഞു. വ്യാ​ഴാ​ഴ്ച​ക​ളി​ൽ മാ​ത്ര​മാ​ണ്​ പ​രി​ശോ​ധ​ന ന​ട​ക്കു​ന്ന​ത്. യൂ​റോ​ള​ജി വി​ഭാ​ഗ​ത്തി​ൽ രോ​ഗി​ക​ൾ സ​മ​യ​ത്ത്​ ശ​സ്ത്ര​ക്രി​യ ന​ട​ക്കാ​ത്ത​തി​നാ​ൽ രോ​ഗി​ക​ൾ യൂ​റി​ൻ ക്യാ​രി ബാ​ഗും തൂ​ക്കി​പ്പി​ടി​ച്ച്​ ന​ട​ക്കു​ന്ന അ​വ​സ്ഥ​യാ​ണ്. മെ​ഡി​ക്ക​ൽ കോ​ള​ജി​ൽ സൂ​​പ്ര​ണ്ട്​ ഇ​ല്ലാ​താ​യി​ട്ടും വ​ർ​ഷ​ങ്ങ​ളാ​യി.

നി​ർ​ധ​ന രോ​ഗി​ക​ൾ​ക്ക് സ​മ്പൂ​ർ​ണ ചി​കി​ത്സ ല​ഭ്യ​മാ​ക്കു​ന്ന​തി​നു​ള്ള ആ​ർ.​എ​ഫ്.​ബി.​വൈ ഫ​ണ്ട് 40 കോ​ടി രൂ​പ​യോ​ളം മെ​ഡി​ക്ക​ൽ കോ​ള​ജി​ന് ല​ഭി​ക്കാ​നു​ണ്ട്. ഇ​ത് ല​ഭി​ക്കാ​ത്ത​തു​മൂ​ലം സൗ​ജ​ന്യ ചി​കി​ത്സ​യി​ലും നി​യ​ന്ത്ര​ണ​ങ്ങ​ളാ​ണ്.