ഹ​ജ്ജ്​ ഒ​രു​ക്കം ഇ​ങ്ങ​നെ മ​തി​യോ?

അ​ടു​ത്ത വ​ർ​ഷ​​ത്തെ ഹ​ജ്ജി​നു​ള്ള അ​പേ​ക്ഷ കേ​ന്ദ്ര ഹ​ജ്ജ്​ ക​മ്മി​റ്റി ക്ഷ​ണി​ച്ചു​ക​ഴി​ഞ്ഞു. വ​ർ​ഷം തോ​റും ഹ​ജ്ജി​നു​ള്ള തി​ര​ക്ക്​ വ​ർ​ധി​ച്ചു​കൊ​ണ്ടി​രി​ക്കു​ന്നു. ഹ​ജ്ജ്​ തീ​ർ​ഥാ​ട​ന​ത്തി​നു​ള്ള സൗ​ക​ര്യ​ങ്ങ​ളൊ​രു​ക്കു​ന്ന​തി​ൽ സൗ​ദി അ​റേ​ബ്യ​ൻ ഭ​ര​ണ​കൂ​ടം പു​തി​യ കാ​ല​ത്തോ​ടും ആ​ധു​നി​ക സൗ​ക​ര്യ​ങ്ങ​ളോ​ടും മ​ത്സ​രി​ക്കു​ന്നു. എ​ന്നാ​ൽ, ഏ​റ്റ​വു​മ​ധി​കം തീ​ർ​ഥാ​ട​ക​രെ അ​യ​ക്കു​ന്ന രാ​ജ്യ​ങ്ങ​ളി​ലൊ​ന്നാ​യ ഇ​ന്ത്യ ഹ​ജ്ജ്​ അ​പേ​ക്ഷ​യി​ലു​ള്ള തെ​ര​ഞ്ഞെ​ടു​പ്പ്​ മു​ത​ൽ വി​മാ​ന​ക്കൂ​ലി, ഹ​ജ്ജ്​ യാ​ത്ര, ഇ​ന്ത്യ​ൻ മി​ഷ​ൻ സൗ​ക​ര്യ​ങ്ങ​ൾ വ​രെ​യു​ള്ള കാ​ര്യ​ങ്ങ​ളി​ൽ ഇ​പ്പോ​ഴും സാ​​​മ്പ്ര​ദാ​യി​ക രീ​തി​ക​ളാ​ണ്​ പി​ന്തു​ട​രു​ന്ന​ത്. ഇ​ക്ക​ഴി​ഞ്ഞ ഹ​ജ്ജി​ൽ പ​​ങ്കെ​ടു​ത്ത​പ്പോ​ഴു​ണ്ടാ​യ നേ​രി​ട്ട​നു​ഭ​വ​ങ്ങ​ളി​ൽ നി​ന്നു​ണ്ടാ​യ തി​രി​ച്ച​റി​വു​ക​ൾ വാ​യ​ന​ക്കാ​രു​മാ​യി പ​ങ്കു​വെ​ക്ക​ണ​മെ​ന്നു​തോ​ന്നി.

‘നു​സു​ക്’ ഐ.​ഡി

ഈ ​വ​ർ​ഷ​ത്തെ ഹ​ജ്ജി​ന്‍റെ വി​ജ​യ​ത്തി​ൽ പ്ര​ധാ​ന പ​ങ്കു​വ​ഹി​ച്ച​ത്​ തീ​ർ​ഥാ​ട​ക​ർ​ക്ക്​ ഒ​രു​ക്കി​യ ‘നു​സു​ക്​’ ഐ.​ഡി കാ​ർ​ഡാ​ണ്. ഹ​ജ്ജി​നി​ടെ, ഹ​റ​മി​ൽ ത്വ​വാ​ഫും സ​അ്​​യും പൂ​ർ​ത്തി​യാ​ക്കി മി​നാ ത​മ്പി​ലേ​ക്ക് പു​റ​പ്പെ​ട്ട ഞ​ങ്ങ​ൾ​ക്ക് വ​ഴി​തെ​റ്റി. ര​ണ്ടു ല​ക്ഷ​ത്തോ​ളം ത​മ്പു​ക​ളു​ള്ള മി​നാ ന​ഗ​രി​യി​ൽ എ​ങ്ങ​നെ ക​ണ്ടു​പി​ടി​ക്കും? ആ​ദ്യം ക​ണ്ട സു​ര​ക്ഷാ ഉ​ദ്യോ​ഗ​സ്ഥ​നോ​ട് കാ​ര്യം പ​റ​ഞ്ഞു. നു​സു​ക് കാ​ർ​ഡ് സ്കാ​ൻ ചെ​യ്ത അ​ദ്ദേ​ഹം ടെൻറും ലൊ​ക്കേ​ഷ​നും കാ​ണി​ച്ചു​ത​ന്ന്​ അ​നാ​യാ​സം ഞ​ങ്ങ​ളെ ത​മ്പി​ലേ​ക്ക് തി​രി​ച്ചു​വി​ട്ടു. നേ​ര​ത്തെ വ്യ​ത്യ​സ്ത തി​രി​ച്ച​റി​യ​ൽ കാ​ർ​ഡു​ക​ൾ സൂ​ക്ഷി​ക്കേ​ണ്ടി​യി​രു​ന്ന സ്ഥാ​ന​ത്ത് മെ​ഡി​ക്ക​ൽ സ്റ്റാ​റ്റ​സ്, യാ​ത്രാ​വി​വ​ര​ങ്ങ​ളു​ൾ​പ്പെ​ടെ ഓ​രോ തീ​ർ​ഥാ​ട​ക​രു​ടെ​യും മു​ഴു​വ​ൻ കാ​ര്യ​ങ്ങ​ളും ഉ​ൾ​ക്കൊ​ള്ളി​ച്ച കാ​ർ​ഡ് ‘അ​ന​ധി​കൃ​ത’ തീ​ർ​ഥാ​ട​ക​രെ പി​ടി​കൂ​ടു​ന്ന​തി​ലും വ​ലി​യ പ​ങ്കു​വ​ഹി​ച്ചു. കാ​ർ​ഡി​ന് പു​റ​മെ ഖു​ർ​ആ​ൻ, ഹ​ദീ​സ്, പ്രാ​ർ​ഥ​ന​ക​ൾ മു​ത​ൽ അ​ടു​ത്ത വ​ർ​ഷ​ത്തെ ഹ​ജ്ജി​നു​ള്ള ഒ​രു​ക്ക​ങ്ങ​ൾ വ​രെ ഉ​ൾ​പ്പെ​ടു​ത്തി​യ മൊ​ബൈ​ൽ ആ​പ്പും ഹ​ജ്ജ്-​ഉം​റ മ​ന്ത്രാ​ല​യം ത​യാ​റാ​ക്കി. വി​വി​ധ രാ​ജ്യ​ങ്ങ​ളി​ൽ നി​ന്നു​വ​ന്ന ഹാ​ജി​മാ​രു​മാ​യി സം​സാ​രി​ക്കു​മ്പോ​ൾ പ​രി​ഭാ​ഷ​ക​നാ​യി പ്ര​വ​ർ​ത്തി​ച്ച​തും നു​സു​ക് ആ​പ്പാ​ണ്!

എ.​ഐ ഉ​പ​യോ​ഗം

ലോ​ക​ത്ത്​ എ.​ഐ രം​ഗ​ത്ത് ഏ​റ്റ​വും കൂ​ടു​ത​ൽ നി​ക്ഷേ​പം ന​ട​ത്തു​ന്ന രാ​ജ്യ​ങ്ങ​ളി​ലൊ​ന്നാ​യ സൗ​ദി അ​റേ​ബ്യ അ​തി​ന്റെ എ​ല്ലാ ഗു​ണ​ഫ​ല​ങ്ങ​ളും ഏ​റ്റ​വും മ​നോ​ഹ​ര​മാ​യി ഹ​ജ്ജി​ന്​ ഉ​പ​യോ​ഗ​പ്പെ​ടു​ത്തി. 10 മു​ത​ൽ 14 ല​ക്ഷം വ​രെ വി​ശ്വാ​സി​ക​ൾ ഒ​രേ​സ​മ​യം മ​ക്ക മ​സ്ജി​ദു​ൽ ഹ​റാ​മി​ൽ നി​ത്യ​വും പ്രാ​ർ​ഥ​ന​​ക്കെ​ത്തു​ന്ന ഹ​ജ്ജ്​ സീ​സ​ണി​ൽ അ​ഞ്ചു നേ​ര​ങ്ങ​ളി​ലും ആ​ളു​ക​ളെ നി​യ​ന്ത്രി​ക്കു​ന്ന​ത്​ നി​ർ​മി​ത​ബു​ദ്ധി​യു​ടെ സ​ഹാ​യ​ത്തോ​ടെ​യാ​ണ്. ഡ്രോ​ണും ഹെ​ലി​കോ​പ്ട​റു​ക​ളും ഉ​പ​യോ​ഗി​ച്ച് എ.​ഐ​യു​ടെ സ​ഹാ​യ​ത്തി​ൽ ക്രൗ​ഡ് മാ​നേ​ജ്മെ​ന്റ് എ​ങ്ങ​നെ ഫ​ല​പ്ര​ദ​മാ​യി ന​ട​പ്പാ​ക്കാ​മെ​ന്ന് തെ​ളി​യി​ക്കു​ന്ന​താ​യി ഈ ​ഹ​ജ്ജ് കാ​ല​ത്തെ തി​ര​ക്ക് നി​യ​ന്ത്ര​ണം. എ.​ഐ വ​ഴി അ​ന്ത​രീ​ക്ഷ​താ​പം മ​ന​സ്സി​ലാ​ക്കി കൃ​ത്യ​മാ​യ പ​രി​ഹാ​ര​ങ്ങ​ൾ കാ​ണാ​നും അ​ധി​കൃ​ത​ർ ശ്ര​ദ്ധി​ച്ചു.

ക​ർ​ശ​ന നി​യ​ന്ത്ര​ണ​ങ്ങ​ൾ

ഇ​ത്ത​വ​ണ തീ​ർ​ഥാ​ട​ക​രെ​ത്തും മു​മ്പ് മു​ഴു​വ​ൻ വി​ദേ​ശി​ക​ളെ​യും മ​ക്ക​യി​ൽ​നി​ന്ന് മാ​റ്റി പെ​ർ​മി​റ്റു​ള്ള​വ​ർ​ക്ക് മാ​ത്ര​മാ​ണ് പ്ര​വേ​ശ​നം ന​ൽ​കി​യ​ത്. ഹ​ജ്ജ് ദി​ന​ങ്ങ​ളി​ൽ ടെ​ന്റു​ക​ളി​ലും വ​ലി​യ നി​യ​ന്ത്ര​ണ​ങ്ങ​ളു​ണ്ടാ​യി. സ്വ​ന്തം ടെ​ന്റി​ല്ലാ​ത്ത​വ​ർ​ക്ക് പ്ര​ദേ​ശ​ത്ത്​ പ്ര​വേ​ശ​ന​മു​ണ്ടാ​യി​ല്ല. ഹ​ജ്ജ് നാ​ളു​ക​ളി​ൽ ഹ​റ​മി​ന്‍റെ മു​റ്റം ഹ​ജ്ജ് തീ​ർ​ഥാ​ട​ക​ർ​ക്ക് മാ​ത്ര​മാ​ക്കി. ഇ​തോ​ടെ, ത്വ​വാ​ഫും സ​അ്​​യും സു​ഗ​മ​മാ​യി ന​ട​ത്താ​ൻ തീ​ർ​ഥാ​ട​ക​ർ​ക്ക് ക​ഴി​ഞ്ഞു. ഹാ​ജി​മാ​ർ​ക്ക് മാ​ത്ര​മാ​യി മ​ക്ക​യെ മാ​റ്റി​വെ​ച്ച പ്ര​തീ​തി​യാ​ണു​ണ്ടാ​യ​ത്. 40,000ത്തോ​ളം സൈ​നി​ക​രും അ​ർ​ധ​സൈ​നി​ക​രും സ്റ്റു​ഡ​ന്റ്സ് കാ​ഡ​റ്റു​ക​ളു​മു​ൾ​പ്പെ​ടെ ഒ​ന്നേ​കാ​ൽ ല​ക്ഷ​ത്തോ​ളം സു​ര​ക്ഷാ ജീ​വ​ന​ക്കാ​രാ​ണ് ആ​കാ​ശ​ത്തും ഭൂ​മി​യി​ലും കാ​വ​ലൊ​രു​ക്കി​യ​ത്. ഓ​രോ തീ​ർ​ഥാ​ട​ക​രെ​യും ദൈ​വ​ത്തി​ന്റെ അ​തി​ഥി​ക​ളാ​യി പ​രി​ഗ​ണി​ക്കു​മ്പോ​ൾ അ​ത് ഹാ​ജി​മാ​ർ​ക്ക് ന​ൽ​കു​ന്ന സു​ര​ക്ഷാ​ബോ​ധം കു​റ​ച്ചൊ​ന്നു​മ​ല്ല.

മ​ല​യാ​ളി​ക​ൾ ഹ​ജ്ജി​നെ കാ​ണേ​ണ്ട​ത്

ഹ​ജ്ജ് കാ​യി​കാ​ധ്വാ​ന​മു​ള്ള അ​നു​ഷ്ഠാ​ന​ക​ർ​മ​മാ​ണ്. പ​ണ​വും ആ​രോ​ഗ്യ​വു​മു​ള്ള​വ​ർ​ക്കാ​ണ് ഹ​ജ്ജ് നി​ർ​ബ​ന്ധ​മെ​ന്നാ​ണ് ഖു​ർ​ആ​ന്റെ അ​നു​ശാ​സ​ന. യു​വ​ത്വ​ത്തി​ൽ നി​ർ​വ​ഹി​ക്കേ​ണ്ട​താ​ണ് ഹ​ജ്ജ്​ എ​ന്ന് നി​ർ​വ​ഹി​ക്കു​ന്ന ഏ​തൊ​രാ​ളും അ​നു​ഭ​വി​ച്ച​റി​യു​ന്ന സ​ത്യം. നി​ര​വ​ധി തീ​ർ​ഥാ​ട​ക​ർ ഹ​ജ്ജി​നെ​ത്തി പ്രാ​യാ​ധി​ക്യം കാ​ര​ണം വി​വി​ധ പ്ര​യാ​സ​ങ്ങ​ൾ അ​നു​ഭ​വി​ക്കു​ന്ന​തി​ന് സാ​ക്ഷി​യാ​കേ​ണ്ടി​വ​ന്നു. ഇ​ത്ത​വ​ണ ഹ​ജ്ജി​നെ​ത്തി​യ 16 ല​ക്ഷം തീ​ർ​ഥാ​ട​ക​രു​ടെ ശ​രാ​ശ​രി പ്രാ​യം 35നും 50​നും ഇ​ട​യി​ലാ​ണ്. എ​ന്നാ​ൽ, ഇ​ന്ത്യ​ക്കാ​രും മ​ല​യാ​ളി​ക​ളും ഇ​ക്കാ​ര്യ​ത്തി​ൽ പി​റ​കി​ലാ​ണെ​ന്നു പ​റ​യാ​തെ വ​യ്യ. പ്രാ​യാ​ധി​ക്യം കൊ​ണ്ട് പ്ര​യാ​സ​പ്പെ​ടു​ന്ന സ​മ​യ​ത്താ​ണ് ഇ​വി​ടെ നി​ന്ന് ഹ​ജ്ജി​ന് പു​റ​പ്പെ​ടു​ന്ന​ത്. ഇ​ന്ത്യ​യി​ൽ സ​ർ​ക്കാ​റി​ന്‍റെ ഹ​ജ്ജ്​ യാ​ത്ര​പ​രി​ഗ​ണ​ന ല​ഭി​ക്കു​ന്ന​തി​നു​ള്ള മാ​ന​ദ​ണ്ഡം ത​ന്നെ പ്രാ​യാ​ധി​ക്യ​മാ​ണ്. അ​തി​ന്റെ പ്ര​യാ​സ​ങ്ങ​ൾ പു​ണ്യ​ന​ഗ​ര​ങ്ങ​ളി​ലെ ഇ​ന്ത്യ​ൻ ഹ​ജ്ജ് മി​ഷ​ൻ ന​ന്നാ​യി അ​നു​ഭ​വി​ക്കു​ന്നു​മു​ണ്ട്. പ്രാ​യ മാ​ന​ദ​ണ്ഡ​ത്തി​ൽ മ​റി​ച്ചൊ​രു സ​മീ​പ​ന​മാ​ണു​ണ്ടാ​കേ​ണ്ട​ത്. ഉ​ദാ​ഹ​ര​ണ​ത്തി​ന്, 40 വ​യ​സ്സി​ന് താ​ഴെ​യു​ള്ള​വ​ർ​ക്ക് മു​ൻ​ഗ​ണ​ന ന​ൽ​കു​ക. ഇ​ന്തോ​നേ​ഷ്യ, മ​ലേ​ഷ്യ, പാ​കി​സ്താ​ൻ, ബം​ഗ്ലാ​ദേ​ശ്, ഇ​ത​ര അ​റ​ബ് മു​സ്‍ലിം രാ​ജ്യ​ങ്ങ​ൾ എ​ന്നി​വി​ട​ങ്ങ​ളി​ൽ​നി​ന്ന് വ​രു​ന്ന​വ​രി​ൽ കൂ​ടു​ത​ലും യു​വ​ജ​ന​ങ്ങ​ളാ​ണ്. മ​ലേ​ഷ്യ​യി​ൽ ‘ത​ബൂ​ങ് ഹാ​ജി’ എ​ന്ന സം​വി​ധാ​ന​ത്തി​ൽ വി​ദ്യാ​ർ​ഥി പ്രാ​യ​ത്തി​ലോ ജോ​ലി​യി​ൽ പ്ര​വേ​ശി​ക്കു​മ്പോ​ഴോ എ​സ്.​ഐ.​പി പോ​ലു​ള്ള നി​ക്ഷേ​പ​ത്തി​ന്​ സൗ​ക​ര്യ​മു​ണ്ട്. മാ​സ​ത്ത​വ​ണ​യോ വ​ർ​ഷ​ത്ത​വ​ണ​യോ ആ​യി സ്വീ​ക​രി​ക്ക​പ്പെ​ടു​ന്ന നി​ക്ഷേ​പം ഹ​ലാ​ലാ​യ ബി​സി​ന​സു​ക​ളി​ൽ ഇ​റ​ക്കി ഹ​ജ്ജ് ഫ​ണ്ട് സ​മാ​ഹ​രി​ക്കു​ന്ന പ​ദ്ധ​തി​യാ​ണി​ത്. മ​ല​യാ​ളി മു​സ്‍ലിം സം​ഘ​ട​ന​ക​ൾ​ക്ക്​ ഈ ​പ​രീ​ക്ഷ​ണം ന​ട​ത്തി​നോ​ക്കാ​വു​ന്ന​താ​ണ്. ആ​രോ​ഗ്യ​മു​ള്ള സ​മ​യ​ത്തെ ഹ​ജ്ജ്​ ഇ​നി​യും സ​മു​ദാ​യ​ത്തി​ന​ക​ത്ത്​ ബോ​ധ​വ​ത്​​ക​ര​ണം വേ​ണ്ട വി​ഷ​യ​മാ​ണ്. ഹ​ജ്ജ്​ ക​മ്മി​റ്റി​യും സ​മു​ദാ​യ​സം​ഘ​ട​ന​ക​ളും ഇ​ക്കാ​ര്യ​ത്തി​ൽ ശ്ര​ദ്ധ​യൂ​ന്നു​ന്ന​ത്​ ന​ന്നാ​യി​രി​ക്കും.

ഹ​ജ്ജി​നി​ട​യി​ലെ ചൂ​ഷ​ണ​ങ്ങ​ൾ

കോ​ഴി​ക്കോ​ട് എം​ബാ​ർ​ക്കേ​ഷ​ൻ പോ​യ​ന്റാ​യെ​ടു​ത്ത​വ​ർ​ക്ക്​ 40,000 രൂ​പ​യോ​ളം അ​ധി​കം ഒ​ടു​ക്കേ​ണ്ടി​വ​ന്ന​തു​പോ​ലെ ഹ​ജ്ജ് യാ​ത്ര​ക്കി​ട​യി​ൽ അ​നു​ഭ​വി​ക്കേ​ണ്ടി​വ​രു​ന്ന വി​വേ​ച​ന​വും അ​നീ​തി​യും തീ​ർ​ഥാ​ട​ക​രെ ഏ​റെ നി​രാ​ശ​രാ​ക്കു​മെ​ന്ന്​ സം​സ്ഥാ​ന, കേ​ന്ദ്ര ഹ​ജ്ജ്​ ക​മ്മി​റ്റി​ക​ളും ഗ​വ​ൺ​മെ​ന്‍റു​ക​ളും മ​ന​സ്സി​ലാ​ക്ക​ണം. തീ​ർ​ഥാ​ട​ക​രെ തീ​വെ​ട്ടി​ക്കൊ​ള്ള​ക്കി​ര​യാ​ക്കി​യ ന​ട​പ​ടി​ മേ​ലി​ൽ ആ​വ​ർ​ത്തി​ക്കി​ല്ലെ​ന്ന് ഉ​റ​പ്പു​വ​രു​ത്തേ​ണ്ട​തു​ണ്ട്. അ​തോ​ടൊ​പ്പം കൊ​ല്ലം, തി​രു​വ​ന​ന്ത​പു​രം ജി​ല്ല​ക​ളി​​ലെ തീ​ർ​ഥാ​ട​ക​രു​ടെ സൗ​ക​ര്യാ​ർ​ഥം തി​രു​വ​ന​ന്ത​പു​ര​വും എം​ബാ​ർ​ക്കേ​ഷ​ൻ പോ​യ​ന്റാ​ക്കി മാ​റ്റു​ന്ന​തും പ​രി​ഗ​ണി​ക്കേ​ണ്ട​താ​ണ്.