വി​ദേ​ശ സൈ​ന്യ​ത്തി​ന് പ​രി​ച​യാ​വാ​ൻ വി​ല​യി​ല്ലാ​ത്ത ജീ​വ​നു​ക​ൾ

ആ​യി​രം നാ​ൾ പി​ന്നി​ട്ട റ​ഷ്യ-​യു​ക്രെ​യ്ൻ യു​ദ്ധ​ത്തി​ന്റെ തു​ട​ക്കം മു​ത​ൽ ഇ​രു​ഭാ​ഗ​ത്തും ധാ​രാ​ളം ​സൈ​നി​ക​ർ കൊ​ല്ല​പ്പെ​ടു​ക​യും നി​ര​വ​ധി പേ​ർ​ക്ക് പ​രി​ക്കേ​ൽ​ക്കു​ക​യും ചെ​യ്തു. സ്വ​ന്തം സൈ​നി​ക​രു​ടെ ജീ​വ​ൻ ന​ഷ്ട​പ്പെ​ടു​ന്ന​ത് സ്വാ​ഭാ​വി​ക​മാ​യും ആ ​രാ​ജ്യ​ങ്ങ​ളി​ൽ യു​ദ്ധ​ത്തി​നെ​തി​രാ​യ വി​കാ​രം ശ​ക്ത​മാ​ക്കും. കൊ​ല്ല​പ്പെ​ട്ട സൈ​നി​ക​രു​ടെ ആ​ശ്രി​ത​ർ​ക്ക് നി​യ​മ​പ്ര​കാ​രം വ​ലി​യ തു​ക ന​ഷ്ട​പ​രി​ഹാ​ര​മാ​യി ന​ൽ​കു​ക​യും വേ​ണം. ഈ ​സാ​ഹ​ച​ര്യ​ത്തി​ലാ​ണ് ഇ​ത്ത​രം ബാ​ധ്യ​ത​ക​ളൊ​ന്നു​മി​ല്ലാ​തെ വി​വി​ധ രാ​ജ്യ​ങ്ങ​ളി​ൽ​നി​ന്ന് കു​റ​ഞ്ഞ കൂ​ലി​ക്ക് ചോ​റ്റു​പ​ട്ടാ​ള​ത്തെ റ​ഷ്യ​യും യു​ക്രെ​യ്നും യു​ദ്ധ​മു​ഖ​ത്തി​റ​ക്കു​ന്ന​ത്. സ്വ​ന്തം സൈ​നി​ക​രു​ടെ ‘വി​ല​പ്പെ​ട്ട ജീ​വ​ൻ’ ന​ഷ്ട​പ്പെ​ടാ​തി​രി​ക്കാ​ൻ അ​തി​രൂ​ക്ഷ യു​ദ്ധം ന​ട​ക്കു​ന്ന പ്ര​ദേ​ശ​ങ്ങ​ളി​ലെ മു​ൻ​നി​ര​യി​ലാ​ണ് പ​ല​പ്പോ​ഴും കൂ​ലി​പ്പ​ട്ടാ​ള​ത്തെ നി​യോ​ഗി​ക്കു​ക. വി​ദേ​ശി​ക​ൾ​ക്ക് യു​ക്രെ​യ്ൻ ആ​ർ​മി​യി​ൽ ചേ​ർ​ന്ന് നി​യ​മ​പ​ര​മാ​യി​ത്ത​ന്നെ റ​ഷ്യ​ക്കെ​തി​രാ​യ യു​ദ്ധ​ത്തി​ൽ അ​ണി​നി​ര​ക്കാ​മെ​ന്ന് പ്ര​സി​ഡ​ന്റ് വൊ​ളോ​ദി​മി​ർ സെ​ല​ൻ​സ്കി 2024 ഫെ​ബ്രു​വ​രി 22ന് ​ഉ​ത്ത​ര​വി​റ​ക്കി.

20,000 വി​ദേ​ശ പൗ​ര​ന്മാ​ർ യു​ക്രെ​യ്ൻ സേ​ന​യി​ൽ ​ഉ​ണ്ടെ​ന്നാ​ണ് ആ​ദ്യം പു​റ​ത്തു​വ​ന്ന സ്ഥി​രീ​ക​രി​ക്കാ​ത്ത ക​ണ​ക്ക്. 55 രാ​ജ്യ​ങ്ങ​ളി​ൽ​നി​ന്നു​ള്ള പൗ​ര​ന്മാ​ർ റ​ഷ്യ​ക്കെ​തി​രെ പോ​രാ​ടു​ന്ന ​​സൈ​ന്യ​ത്തി​ലു​ണ്ടെ​ന്നാ​ണ് യു​ക്രെ​യ്ൻ അ​ന്താ​രാ​ഷ്ട്ര സൈ​നി​ക വ​ക്താ​വ് ദാ​മി​യ​ൽ മ​ഗ്രോ​ണ്‍ വ്യ​ക്ത​മാ​ക്കി​യ​ത്. പൗ​ര​ത്വം അ​ട​ക്ക​മു​ള്ള സൗ​ക​ര്യ​ങ്ങ​ൾ വാ​ഗ്ദാ​നം ചെ​യ്താ​ണ് ഇ​വ​ർ ചോ​റ്റു​പ​ട്ടാ​ള​ത്തി​ലേ​ക്ക് വി​ദേ​ശ പൗ​ര​രെ ആ​ക​ർ​ഷി​ക്കു​ന്ന​ത്. ഇ​തി​ന്റെ ഭാ​ഗ​മാ​യി 2024 ജ​നു​വ​രി​യി​ൽ വി​ദേ​ശി​ക​ൾ​ക്ക് യു​ക്രെ​യ്ൻ പൗ​ര​ത്വം ല​ഭ്യ​മാ​ക്കാ​നു​ള്ള ന​ട​പ​ടി​ക്ര​മ​ങ്ങ​ൾ രാ​ജ്യം ല​ഘൂ​ക​രി​ക്കു​ക പോ​ലു​മു​ണ്ടാ​യി.

അ​തേ​സ​മ​യം, യു​ക്രെ​യ്ൻ സേ​ന​യി​ൽ അ​ണി​നി​ര​ന്ന 5,962 വി​ദേ​ശ ചോ​റ്റു​പ​ട്ടാ​ള​ക്കാ​രെ കൊ​ല​പ്പെ​ടു​ത്തി​യെ​ന്നാ​ണ് റ​ഷ്യ​യു​ടെ അ​വ​കാ​ശ വാ​ദം. കൊ​ല്ല​പ്പെ​ട്ട​വ​രു​ടെ രാ​ജ്യം തി​രി​ച്ചു​ള്ള ക​ണ​ക്കും ‘ദി ​മോ​സ്കോ ടൈം​സ്’ പു​റ​ത്തു​വി​ട്ടി​ട്ടു​ണ്ട്. പോ​ള​ണ്ടി​ൽ​നി​ന്ന് യു​ക്രെ​യ്ൻ പ​ട്ടാ​ള​ത്തി​ന്റെ ​ഭാ​ഗ​മാ​യ 2690 പേ​രി​ൽ 1497 പേ​രും ജോ​ർ​ജി​യ​യി​ൽ​നി​ന്നു​ള്ള 561പേ​രും യു.​എ​സി​ൽ നി​ന്നു​ള്ള 491പേ​രും, കാ​ന​ഡ​യി​ൽ നി​ന്നു​ള്ള 422പേ​രും, ബ്രി​ട്ട​നി​ലെ 360 പേ​രും, 349 റു​മേ​നി​യ​ക്കാ​രും 147 ഫ്ര​ഞ്ച്, 88 ജ​ർ​മ​ൻ പൗ​ര​രും കൊ​ല്ല​പ്പെ​ട്ടു​വെ​ന്നാ​ണ് റ​ഷ്യ​ൻ അ​വ​കാ​ശ​വാ​ദ​മാ​യി ‘മോ​സ്കോ ടൈം​സ്’ പ്ര​സി​ദ്ധീ​ക​രി​ച്ച​ത്. ത​ങ്ങ​ളു​ടെ പൗ​ര​ർ കൊ​ല്ല​പ്പെ​ട്ട​തി​നെ​ക്കു​റി​ച്ച് മ​റ്റ് രാ​ജ്യ​ങ്ങ​ളെ​ല്ലാം ഉ​ത്ക​ണ്ഠ അ​റി​യി​ച്ചു​വെ​ങ്കി​ൽ എ​ത്ര പൗ​ര​ർ കൊ​ല്ല​പ്പെ​ട്ടു, എ​ത്ര​പേ​ർ ഇ​പ്പോ​ഴും യു​ദ്ധ​മു​ഖ​ത്തു​ണ്ട് എ​ന്ന കൃ​ത്യ​മാ​യ ക​ണ​ക്കു​പോ​ലു​മി​ല്ലാ​ത്ത രാ​ജ്യ​ങ്ങ​ളി​ലൊ​ന്ന് ഇ​ന്ത്യ​യാ​ണ്.

റ​ഷ്യ​യും സ​മാ​ന​മാ​യി​ത്ത​ന്നെ വി​ദേ​ശ പൗ​ര​ൻ​മാ​രെ പ​ട്ടാ​ള​ത്തി​ലേ​ക്ക് റി​ക്രൂ​ട്ട് ചെ​യ്തി​ട്ടു​ണ്ട്. 2022 മാ​ർ​ച്ചി​ലാ​ണ് റ​ഷ്യ​ൻ പ​ട്ടാ​ള​ത്തി​ലേ​ക്ക് കൂ​ലി​പ്പ​ട്ടാ​ള​ക്കാ​രാ​യി അ​ണി​നി​ര​ക്കാ​ൻ വി​ദേ​ശി​ക​ളെ അ​നു​വ​ദി​ക്കു​മെ​ന്ന് റ​ഷ്യ​ൻ പ്ര​സി​ഡ​ന്റ് വ്ലാ​ദി​മി​ർ പു​ടി​ൻ പ്ര​സ്താ​വ​ന​യി​റ​ക്കു​ന്ന​ത്. വി​വി​ധ ആ​ഫ്രി​ക്ക​ൻ രാ​ജ്യ​ങ്ങ​ൾ, ക്യൂ​ബ, നേ​പ്പാ​ൾ, ഇ​ന്ത്യ, ശ്രീ​ല​ങ്ക എ​ന്നി​വി​ട​ങ്ങ​ളി​ൽ​നി​ന്നു​ള്ള​വ​രാ​ണ് റ​ഷ്യ​ൻ കൂ​ലി​പ്പ​ട്ടാ​ള​ത്തി​ൽ ചേ​ർ​ന്ന​ത്. നേ​പ്പാ​ളി​ൽ​നി​ന്നാ​ണ് ഏ​റ്റ​വും കൂ​ടു​ത​ൽ പേ​ർ. 2023 അ​വ​സാ​ന​ത്തോ​ടെ 200 നേ​പ്പാ​ളി​ക​ൾ റ​ഷ്യ​യി​ൽ യു​ദ്ധ​ത്തി​ന് പു​റ​പ്പെ​ട്ടു എ​ന്നാ​ണ് നേ​പ്പാ​ൾ വി​ദേ​ശ​കാ​ര്യ മ​ന്ത്രാ​ല​യം പു​റ​ത്തു​വി​ട്ട ക​ണ​ക്ക്. ഇ​തി​ന​കം 15,000ത്തി​ല​ധി​കം പേ​ർ റ​ഷ്യ​യി​ൽ ഉ​ണ്ടെ​ന്നാ​ണ് വി​വ​രം. റ​ഷ്യ​ൻ പൗ​ര​ത്വം, മാ​സം 3600 യു.​എ​സ് ഡോ​ള​ർ (ഏ​ക​ദേ​ശം 311,897 രൂ​പ) ശ​മ്പ​ളം, മ​റ്റു സൗ​ക​ര്യ​ങ്ങ​ൾ എ​ന്നി​വ​യാ​ണ് റ​ഷ്യ ന​ൽ​കു​ന്ന വാ​ഗ്ദാ​ന​ങ്ങ​ൾ. പ​ട്ടാ​ള​ക്കാ​ർ​ക്ക് സ​ഹാ​യി​യാ​യി പോ​കു​ന്ന​വ​ർ​ക്ക് 1800 ​യു.​എ​സ് ഡോ​ള​റാ​ണ് പ്ര​തി​ഫ​ലം.

ആ​സാ​ദ് യൂ​സു​ഫി​ന്റെ ക​ഥ

റ​ഷ്യ​ൻ യു​ദ്ധ​മു​ഖ​ത്തേ​ക്കാ​ണ് യാ​​ത്ര എ​ന്ന​റി​ഞ്ഞു​കൊ​ണ്ട് പോ​കു​ന്ന​വ​ർ​ക്കു​പു​റ​മെ മ​നു​ഷ്യ​ക്ക​ട​ത്തു​കാ​രു​ടെ​യും റി​ക്രൂ​ട്ടി​ങ് ഏ​ജ​ന്റു​മാ​രു​ടെ​യും ച​തി​യി​ൽ​പ്പെ​ട്ടും വി​വി​ധ ഇ​ന്ത്യ​ൻ സം​സ്ഥാ​ന​ങ്ങ​ളി​ൽ​നി​ന്നും നി​ര​വ​ധി യു​വാ​ക്ക​ൾ കൂ​ലി​പ്പ​ട്ടാ​ള​ത്തി​ൽ എ​ത്തി​പ്പെ​ട്ടി​ട്ടു​ണ്ട്. റ​ഷ്യ​ൻ സൈ​ന്യ​ത്തി​ൽ ചേ​ർ​ന്ന് പ്ര​വ​ർ​ത്തി​ക്കേ​ണ്ടി​വ​ന്ന ക​ശ്മീ​ർ പു​ൽ​വാ​മ സ്വ​ദേ​ശി ആ​സാ​ദ് യൂ​സു​ഫ് കു​മാ​റി​ന്റെ അ​നു​ഭ​വം രാ​ജ്യ​ത്ത് ഏ​റെ ച​ർ​ച്ച​യാ​യ​താ​ണ്. ക​ശ്മീ​രി യു​വാ​വ് റ​ഷ്യ​ൻ സൈ​ന്യ​ത്തി​ൽ ചേ​ർ​ന്ന് പ്ര​വ​ർ​ത്തി​ക്കു​ന്നു​വെ​ന്ന വി​വ​രം ല​ഭ്യ​മാ​യ​തി​നെ തു​ട​ർ​ന്ന് സി.​ബി.​ഐ അന്വേഷണം ആരംഭിച്ചിരു​ന്നു. റ​ഷ്യ​യി​ൽ തൊ​ഴി​ല​വ​സ​ര​ങ്ങ​ളു​ണ്ടെ​ന്ന ഒ​രു യൂ​ട്യൂ​ബ​റു​ടെ വ്ലോ​ഗ് ക​ണ്ട് അ​പേ​ക്ഷി​ച്ച ആ​സാ​ദ് മ​നു​ഷ്യ​ക്ക​ട​ത്തു​കാ​രു​ടെ വ​ല​യി​ൽ കു​രു​ങ്ങി​യ​താ​ണ്. മൂ​ന്ന​ര ല​ക്ഷ​ത്തോ​ളം രൂ​പ​യാ​ണ് ഇ​യാ​ൾ ജോ​ലി ല​ഭി​ക്കാ​നാ​യി ചെ​ല​വി​ട്ട​ത്. ആദ്യം ഗൾഫിലേക്ക് കൊണ്ടുപോയി അവിടെ നിന്നാണ് സെ​ക്യൂ​രി​റ്റി ജോ​ലി നൽകാമെന്ന് പറഞ്ഞ് റഷ്യയിലേക്ക് കടത്തിയത്. ര​ണ്ടാം ദി​വ​സം കൊ​ണ്ടെ​ത്തി​ച്ച​ത് യു​ദ്ധ​മു​ന്ന​ണി​യി​ൽ. റ​ഷ്യ​ൻ സൈ​ന്യ​ത്തി​നു​വേ​ണ്ടി പ്ര​വ​ർ​ത്തി​ക്കാ​മെ​ന്ന് സ​മ്മ​തി​ക്കു​ന്ന ബോ​ണ്ടി​ലും ഒ​പ്പു​വെ​പ്പി​ച്ചു. ആ​സാ​ദ് ഉ​ൾ​പ്പെ​ടെ 11 പേ​രാ​ണ് സം​ഘ​ത്തി​ലു​ണ്ടാ​യി​രു​ന്ന​ത്. ഭാ​ഷാ പ​രി​മി​തി പ്ര​ശ്ന​മാ​യി​രു​ന്നു​വെ​ങ്കി​ലും ത​ങ്ങ​ൾ ച​തി​ക്ക​പ്പെ​ട്ട​താ​ണെ​ന്ന വി​വ​രം സൈ​നി​ക ഉ​ദ്യോ​ഗ​സ്ഥ​രി​ലൊ​രാ​ളെ ധ​രി​പ്പി​ക്കാ​ൻ ക​ഴി​ഞ്ഞ​താ​യി ഇ​യാ​ൾ പി​ന്നീ​ട് വെ​ളി​പ്പെ​ടു​ത്തി. പ​രി​ശീ​ല​ന​ത്തി​നി​ടെ കാ​ലി​ൽ വെ​ടി​യേ​റ്റ​തോ​ടെ ചി​കി​ത്സ ന​ൽ​കി സൈ​നി​ക ബ​ങ്ക​റി​ലേ​ക്ക് മാ​റ്റി. പി​ന്നീ​ട് മാസങ്ങളോളം സൈ​ന്യ​ത്തി​നു വേ​ണ്ടി കി​ട​ങ്ങ് നി​ർ​മാ​ണ ജോ​ലി​യാ​ണ് ഏ​ൽ​പി​ക്ക​പ്പെ​ട്ട​ത്. അ​തി​നി​ട​യി​ൽ കൂ​ട്ട​ത്തി​ലു​ണ്ടാ​യി​രു​ന്ന സൂറത്ത്, ഹൈദരാബാദ് സ്വദേശികൾക്ക് ജീ​വ​ൻ ന​ഷ്ട​മാ​യ​തോ​ടെ ആ​ധി​യാ​യി. മ​നു​ഷ്യ​ക്ക​ട​ത്തി​നി​ര​യാ​യി കൊല്ലപ്പെട്ട ഹൈദരാബാദ് സ്വദേശി മുഹമ്മദ് അഫ്സാന്റെ സ​ഹോ​ദ​ര​ൻ സം​ഭ​വം അ​സ​ദു​ദ്ദീ​ൻ ഉ​വൈ​സി​യെ അ​റി​യി​ച്ച​തോ​ടെ​യാ​ണ് വി​ഷ​യം പാ​ർ​ല​മെ​ന്റി​ൽ ഉ​ന്ന​യി​ക്ക​പ്പെ​ട്ട​ത്. അ​തി​നി​ട​യി​ൽ പ​രി​ച​യ​പ്പെ​ട്ട ഒ​രു സു​ഹൃ​ത്ത് എം​ബ​സി​യി​ലും വി​ദേ​ശ​കാ​ര്യ മ​ന്ത്രാ​ല​യ​ത്തി​ലു​മെ​ല്ലാം നി​വേ​ദ​ന​ങ്ങ​ൾ ത​യാ​റാ​ക്കി എ​ത്തി​ക്കാ​ൻ സ​ഹാ​യി​ച്ചു.

പ്ര​ധാ​ന​മ​ന്ത്രി ന​രേ​ന്ദ്ര ​മോ​ദി​യു​ടെ റ​ഷ്യ​ൻ സ​ന്ദ​ർ​ശ​ന​ത്തി​ന് മു​ന്നോ​ടി​യാ​യി സൈ​ന്യ​ത്തി​ലു​ള്ള കൂ​ലി​പ്പ​ട്ടാ​ള​ക്കാ​രാ​യ എ​ല്ലാ ഇ​ന്ത്യ​ക്കാ​രെ​യും മ​ട​ക്കി​യ​യ​ക്കാം എ​ന്ന് റ​ഷ്യ​ൻ പ്ര​സി​ഡ​ന്റ് വ്ലാ​ദി​മി​ർ പു​ടി​ൻ സ​മ്മ​തി​ച്ചു. അ​തോ​ടെ ആ​സാ​ദ് യൂ​സു​ഫ് കു​മാ​ർ ഉ​ൾ​പ്പെ​ടെ 45 പേ​ർ​ക്ക് ഇ​ന്ത്യ​യി​ലേ​ക്കും ജീ​വി​ത​ത്തി​ലേ​ക്കു​മു​ള്ള മ​ട​ക്ക​യാ​ത്ര സാ​ധ്യ​മാ​യി. 2024 സെ​പ്റ്റം​ബ​റി​ലെ വി​വ​ര​ങ്ങ​ൾ പ്ര​കാ​രം ഒ​മ്പ​ത് ഇ​ന്ത്യ​ക്കാ​ർ റ​ഷ്യ​യു​ടെ യു​ദ്ധ​മു​ഖ​ത്ത് കൊ​ല്ല​പ്പെ​ട്ടു എ​ന്നാ​ണ് ഇ​ന്ത്യ​ൻ വി​ദേ​ശ​കാ​ര്യ മ​ന്ത്രാ​ല​യം ഔ​ദ്യോ​ഗി​ക​മാ​യി പു​റ​ത്തു​വി​ട്ട ക​ണ​ക്ക്. ഇ​തി​​ന്റെ പേ​രി​ൽ 19 മ​നു​ഷ്യ​ക്ക​ട​ത്തു​കാ​ർ​ക്കെ​തി​രെ കേ​സെ​ടു​ത്തി​ട്ടു​ണ്ടെ​ന്നും സ​ർ​ക്കാ​ർ അ​റി​യി​ക്കു​ന്നു.

എ​ന്നാ​ൽ, കേ​ര​ള​ത്തി​ൽ​നി​ന്ന് റ​ഷ്യ​ൻ യു​ദ്ധ മു​ന്ന​ണി​യി​ലേ​ക്ക് യു​വാ​ക്ക​ളെ ക​ട​ത്തി​യ​തി​നെ സം​ബ​ന്ധി​ച്ച് ഗൗ​ര​വ​പൂ​ർ​ണ​മാ​യ ഒ​രു അ​ന്വേ​ഷ​ണ​വും ന​ട​ക്കു​ന്നി​ല്ല എ​ന്നു​വേ​ണം മ​ന​സ്സി​ലാ​ക്കാ​ൻ. ഇ​ന്ത്യ​ൻ പ​ട്ടാ​ള​ത്തി​ൽ​നി​ന്ന് വി​ര​മി​ച്ച അ​ർ​ജ​ൻ ത​മാ​ങ് എ​ന്ന സൈ​നി​ക​ന്റെ റ​ഷ്യ​യി​ൽ​നി​ന്നു​ള്ള സ​ന്ദേ​ശം ബി.​ബി.​സി അ​ട​ക്കം വ​ള​രെ പ്രാ​ധാ​ന്യ​ത്തോ​ടെ റി​പ്പോ​ർ​ട്ട് ചെ​യ്തി​രു​ന്നു. ത​ന്നോ​ടൊ​പ്പം 91 ഇ​ന്ത്യ​ക്കാ​ർ യു​ദ്ധ​മു​ഖ​ത്തു​​ണ്ടെ​ന്നും താ​നും മ​റ്റു​ള്ള​വ​രും സു​ര​ക്ഷി​ത​രാ​യി മ​ട​ങ്ങി​യെ​ത്തു​മെ​ന്ന് ക​രു​തു​ന്നി​ല്ലെ​ന്നും ത​മാ​ങ് പ​റ​യു​ന്നു. മോ​ദി-​പു​ടി​ൻ കൂ​ടി​ക്കാ​ഴ്ച​ക്കു​ശേ​ഷ​വും യു​ദ്ധ​മു​ഖ​ത്ത് ഇ​ന്ത്യ​ക്കാ​ർ ഉ​ണ്ടെ​ന്ന​തി​ന് തെ​ളി​വാ​ണ് മ​ല​യാ​ളി യു​വാ​ക്ക​ളു​ടെ മ​ര​ണ​വും പ​രി​ക്കു​മൊ​ക്കെ.

(തു​ട​രും)