ഹായ്, ഈ ഇരുട്ടിന് എന്തൊരു തിളക്കം!

ഝാ​ൻ​സി​യെ​ന്ന് കേ​ൾ​ക്കു​മ്പോ​ൾ സാ​മ്രാ​ജ്യ​ത്വ​ത്തി​നെ​തി​രെ പ​ട​പൊ​രു​തി ര​ക്ത​സാ​ക്ഷി​ത്വം വ​രി​ച്ച ധീ​ര​യാ​യ റാ​ണി ല​ക്ഷ്മീ​ബാ​യി​യെ​യും ഇ​ന്ത്യ​ൻ സൈ​ന്യ​ത്തി​ലെ വീ​രാം​ഗ​ന​മാ​രു​ടെ ഝാ​ൻ​സി റാ​ണി റെ​ജി​മെ​ന്റു​മാ​ണ് ന​മു​ക്ക് ഓ​ർ​മ​വ​രു​ക. എ​ന്നാ​ൽ, ഈ​യി​ടെ ഝാ​ൻ​സി വാ​ർ​ത്ത​യി​ൽ നി​റ​ഞ്ഞ​ത് മ​റ്റൊ​രു കാ​ര​ണ​ത്താ​ലാ​ണ്- ജൂ​ൺ 19ന് ​ന്യൂ​ഡ​ൽ​ഹി-​ഭോ​പാ​ൽ വ​ന്ദേ​ഭാ​ര​ത് എ​ക്സ്പ്ര​സ് ഝാ​ൻ​സി സ്റ്റേ​ഷ​നി​ൽ എ​ത്തി​യ​പ്പോ​ൾ ന​ട​ന്ന അ​തി​ക്ര​മ​ത്തി​ന്റെ പേ​രി​ൽ. സ്വ​ന്തം പേ​രി​ൽ ബു​ക്ക് ചെ​യ്ത സീ​റ്റ് ഒ​രു എം.​എ​ൽ.​എ​യു​മാ​യി വെ​ച്ചു​മാ​റാ​ൻ സ​മ്മ​തി​ച്ചി​ല്ല എ​ന്ന കു​റ്റ​ത്തി​നാ​ണ് രാ​ജ്പ്ര​കാ​ശ് എ​ന്ന യാ​ത്ര​ക്കാ​ര​​നെ എം.​എ​ൽ.​എ​യു​ടെ അ​നു​യാ​യി​ക​ൾ ചേ​ർ​ന്ന് ക്രൂ​ര​മാ​യി ആ​ക്ര​മി​ച്ച​ത്. ചോ​ര​യൊ​ലി​ക്കും​വി​ധം മ​ർ​ദി​ക്ക​പ്പെ​ട്ട യാ​ത്ര​ക്കാ​ര​ന്റെ വി​ഡി​യോ​ക​ൾ സ​മൂ​ഹ മാ​ധ്യ​മ​ങ്ങ​ളി​ലാ​കെ പ്ര​ച​രി​ക്കു​മ്പോ​ഴും അ​ദ്ദേ​ഹം മൊ​ഴി ന​ൽ​കാ​ൻ ത​യാ​റാ​യി​ല്ല എ​ന്നാ​ണ് റെ​യി​ൽ​വേ ​പൊ​ലീ​സ് പ​റ​യു​ന്ന​ത്. മോ​ശ​മാ​യി പെ​രു​മാ​റി എ​ന്ന പേ​രി​ൽ ഇ​ദ്ദേ​ഹ​ത്തി​നെ​തി​രെ കേ​സും ചു​മ​ത്ത​പ്പെ​ട്ടി​ട്ടു​ണ്ട്. രാ​ജ​വാ​ഴ്ച​യോ അ​ടി​യ​ന്ത​രാ​വ​സ്ഥ​യോ അ​രാ​ജ​ക​ത്വ​മോ ന​ട​മാ​ടു​ന്നൊ​രു നാ​ട്ടി​ൽ മാ​ത്ര​മേ ഇ​ങ്ങ​നെ​യെ​ല്ലാം സം​ഭ​വി​ക്കൂ എ​ന്നാ​ണ് നാം ​ക​രു​തി​പ്പോ​ന്ന​ത്. എ​ന്നാ​ൽ, അ​ടി​യ​ന്ത​രാ​വ​സ്ഥ​യു​ടെ ക്രൂ​ര​ത​യെ​ക്കു​റി​ച്ച് നാ​ടി​നെ ഓ​ർ​മി​പ്പി​ക്കു​ന്ന, അ​ന്ന് ഭ​ര​ണം നി​യ​ന്ത്രി​ച്ചി​രു​ന്ന ഇ​ന്ന​ത്തെ പ്ര​ധാ​ന പ്ര​തി​പ​ക്ഷ ക​ക്ഷി​യാ​യ കോ​ൺ​ഗ്ര​സി​നെ നി​ര​ന്ത​രം കു​റ്റ​പ്പെ​ടു​ത്തു​ന്ന ഭാ​ര​തീ​യ ജ​ന​ത പാ​ർ​ട്ടി​യു​ടെ യു.​പി​യി​ൽ​നി​ന്നു​ള്ള നി​യ​മ​സ​ഭാം​ഗ​ത്തി​ന് വേ​ണ്ടി​യാ​ണ് ഈ ​ത​ല്ലി​ച്ച​ത​ക്ക​ൽ ന​ട​ന്ന​ത്.

‘അ​ടി​യ​ന്ത​രാ​വ​സ്ഥ​യു​ടെ ര​ക്ത​സാ​ക്ഷി​ക​ൾ’ എ​ന്ന അ​വ​കാ​ശ​വാ​ദ​ത്തോ​ടെ നാ​ടൊ​ട്ടു​ക്ക് ആ​വേ​ശ​പൂ​ർ​വം അ​നു​സ്മ​ര​ണ​ങ്ങ​ൾ സം​ഘ​ടി​പ്പി​ക്കു​ന്ന സം​ഘ്പ​രി​വാ​റി​ന്റെ 11 വ​ർ​ഷ​ത്തെ ഭ​ര​ണ​കാ​ലം ലോ​ക​ത്തെ ഏ​റ്റ​വും വ​ലി​യ ജ​നാ​ധി​പ​ത്യ​രാ​ജ്യ​ത്ത് അ​ടി​യ​ന്ത​രാ​വ​സ്ഥ ന​ട​പ്പാ​ക്കാ​ൻ ഒ​രു പ്ര​ഖ്യാ​പ​ന​ത്തി​ന്റെ​യോ ഒ​പ്പു​ചാ​ർ​ത്ത​ലി​ന്റെ​യോ ഔ​പ​ചാ​രി​ക​ത​പോ​ലും വേ​ണ്ട​തി​ല്ല എ​ന്ന് വ്യ​ക്ത​മാ​ക്കി​ത്ത​രു​ന്നു. വി​വേ​ച​ന​പ​ര​മാ​യ പൗ​ര​ത്വ നി​യ​മ​ത്തെ എ​തി​ർ​ത്ത​തി​ന്, ആ​ദി​വാ​സി ഉ​ന്മൂ​ല​ന​ത്തെ ചെ​റു​ത്ത​തി​ന്, വ്യ​വ​സാ​യി​ക മ​ലി​നീ​ക​ര​ണ​ത്തി​നും ചൂ​ഷ​ണ​ത്തി​നു​മെ​തി​രെ ലേ​ഖ​ന​മെ​ഴു​തി​യ​തി​ന് ആ​യി​ര​ക്ക​ണ​ക്കി​ന് ദി​വ​സ​ങ്ങ​ൾ ത​ട​വ​റ​യി​ൽ കി​ട​ക്കേ​ണ്ടി​വ​ന്ന​വ​രും 75ലെ ​ത​ട​വു​കാ​രും ത​മ്മി​ലെ വ്യ​ത്യാ​സ​വും അ​തു​ത​ന്നെ. അ​ന്ന് പ്ര​ധാ​ന​മ​ന്ത്രി​യും മ​ക​നും അ​വ​രു​ടെ ഭ​ക്ത​ജ​ന​സം​ഘ​വും ചേ​ർ​ന്നാ​ണ് ഭ​ര​ണ​ഘ​ട​ന​യെ അ​ട്ടി​മ​റി​ച്ച​തെ​ങ്കി​ൽ ഭ​ര​ണ​കൂ​ട​ത്തി​നും അ​തി​ന്റെ ക​ടി​ഞ്ഞാ​ൺ പി​ടി​ക്കു​ന്ന സം​ഘ​ത്തി​നും ഇ​ഷ്ട​മി​ല്ലാ​ത്ത ആ​ഹാ​ര​ങ്ങ​ളും ആ​ചാ​ര​ങ്ങ​ളും വി​ശ്വാ​സ​ങ്ങ​ളും രാ​ജ്യ​വി​രു​ദ്ധ​ത​യാ​യി മാ​റു​ന്ന പ്ര​തി​ദി​ന​ക്കാ​ഴ്ച​ക​ളാ​ണ് നാം ​കാ​ണു​ന്ന​ത്. ബീ​ഫ് ക​ഴി​ച്ച​തി​ന്, വി​റ്റ​തി​ന്, വാ​ഹ​ന​ത്തി​ൽ കൊ​ണ്ടു​പോ​യ​തി​ന്, വീ​ട്ടി​ൽ സൂ​ക്ഷി​ച്ച​തി​ന് ജ​ന​ങ്ങ​ൾ ആ​ക്ര​മി​ക്ക​പ്പെ​ടു​ക​യും ത​ല്ലി​ക്കൊ​ല്ല​പ്പെ​ടു​ക​യും ചെ​യ്ത സം​ഭ​വ​ങ്ങ​ൾ​ക്ക് എ​ണ്ണ​മി​ല്ലാ​താ​യി​രി​ക്കു​ന്നു. സം​സ്ഥാ​ന​ങ്ങ​ളു​ടെ മു​ഖ്യ​മ​ന്ത്രി​മാ​രു​ൾ​പ്പെ​ടെ എ​ത്ര​​യ​ധി​കം രാ​ഷ്ട്രീ​യ നേ​താ​ക്ക​ളെ​യാ​ണ് കു​റ്റ​പ​ത്രം​പോ​ലും ന​ൽ​കാ​തെ നാ​ളു​ക​ളോ​ളം തു​റു​ങ്കി​ല​ട​ച്ച​ത്. പൗ​രാ​വ​കാ​ശ​ങ്ങ​ൾ​ക്കു വേ​ണ്ടി ശ​ബ്ദി​ക്കു​ന്ന​തും ഭ​ര​ണ​കൂ​ട​ത്തി​ന്റെ ആ​ഭി​ചാ​ര​ക്രി​യ​ക​ളെ എ​തി​ർ​ക്കു​ന്ന​തും പൊ​തു​പ്ര​വ​ർ​ത്ത​ക​രും മാ​ധ്യ​മ​ങ്ങ​ളും ചെ​യ്യു​ന്ന ഏ​റ്റ​വും വ​ലി​യ അ​പ​രാ​ധ​മാ​യി​ക്കാ​ണു​ന്ന കാ​ല​ത്ത് വെ​റു​പ്പി​നെ എ​തി​ർ​ക്കു​ന്ന എ​ഴു​ത്തു​കാ​രും മാ​ധ്യ​മ​പ്ര​വ​ർ​ത്ത​ക​രും ഏ​തു സ​മ​യ​വും ക​ൽ​തു​റു​ങ്കി​ല​ട​ക്ക​പ്പെ​ട്ടേ​ക്കാം, അ​ല്ലെ​ങ്കി​ൽ സ്റ്റാ​ൻ സ്വാ​മി​ക്കും ഗൗ​രി ല​​ങ്കേ​ശി​നും ക​ൽ​ബു​ർ​ഗി​ക്കും മേ​ൽ ന​ട​പ്പാ​ക്കി​യ​തു​പോ​ലെ പു​റം​ക​രാ​ർ വ​ധ​ശി​ക്ഷ​ക്ക് വി​ധേ​യ​രാ​ക്ക​പ്പെ​ട്ടേ​ക്കാം.

മാ​ധ്യ​മ​ങ്ങ​ളു​ടെ വാ​യ​ട​പ്പി​ക്കാ​ൻ സെ​ൻ​സ​ർ​ഷി​പ് ഉ​ദ്യോ​ഗ​സ്ഥ​ര​ല്ല, ഭ​ര​ണ​കൂ​ട അ​രു​താ​യ്മ​ക​ൾ​ക്ക് അ​രു​നി​ന്ന് സ്വ​യം ഒ​രു കു​റ്റ​വാ​ളി​ക്കൂ​ട്ട​മാ​യി മാ​റി​ക്ക​ഴി​ഞ്ഞ ഇ.​ഡി സം​ഘ​ങ്ങ​ളാ​ണ് ഇ​ന്നി​റ​ങ്ങു​ന്ന​ത്. 1975ലെ ​അ​ടി​യ​ന്ത​രാ​വ​സ്ഥ​ക്കാ​ല​ത്ത് വി​ദ്യാ​ർ​ഥി നേ​താ​വ് എ​ന്ന നി​ല​യി​ൽ ജ​യി​ലി​ല​ട​ക്ക​പ്പെ​ട്ട പ്ര​ബീ​ർ പു​ർ​കാ​യ​സ്ത 2021ൽ ​അ​റ​സ്റ്റി​ലാ​യ​ത് സ​ർ​ക്കാ​റി​ന് ഇ​ഷ്ട​മി​ല്ലാ​ത്ത വാ​ർ​ത്ത​ക​ൾ നി​ര​ന്ത​രം പ്ര​സി​ദ്ധീ​ക​രി​ക്കു​ന്ന ന്യൂ​സ് ക്ലി​ക് പോ​ർ​ട്ട​ൽ ന​ട​ത്തു​ന്ന​തി​ന്റെ പേ​രി​ലാ​യി​രു​ന്നു. സി​ദ്ദീ​ഖ് കാ​പ്പ​ൻ, ഇ​പ്പോ​ഴും ജ​യി​ലി​ൽ ക​ഴി​യു​ന്ന രൂ​പേ​ഷ് കു​മാ​ർ സി​ങ് തു​ട​ങ്ങി​യ മാ​ധ്യ​മ പ്ര​വ​ർ​ത്ത​ക​രു​ടെ അ​പ​രാ​ധ​വും അ​തു​ത​ന്നെ.

സ​ർ​ക്കാ​റി​ന്റെ വാ​ഴ്ത്തു​പാ​ട്ടു​കാ​രാ​യ മാ​ധ്യ​മ പ്ര​വ​ർ​ത്ത​ക​ർ പ​ട്ടും വ​ള​യും​കൊ​ണ്ട് പു​ര​സ്ക​രി​ക്ക​പ്പെ​ടു​ക​യും എ​തി​ർ​ശ​ബ്ദം കേ​ൾ​പ്പി​ച്ച​തി​ന് മീ​ഡി​യ​വ​ണി​ന് പൂ​ട്ടി​ടു​ക​യും ചെ​യ്യു​ന്ന​ത്, വ​സ്തു​താ പ​രി​ശോ​ധ​ന ന​ട​ത്തി​യ മു​ഹ​മ്മ​ദ് സു​ബൈ​റി​നെ കേ​സു​ക​ളി​ൽ കു​രു​ക്കു​ന്ന​ത് അ​ടി​യ​ന്ത​രാ​വ​സ്ഥ​യ​ല്ലെ​ങ്കി​ൽ പി​ന്നെ​ന്ത്​?

അ​ര​നൂ​റ്റാ​ണ്ട് മു​മ്പ് ഇ​ന്ത്യ​ൻ ജ​നാ​ധി​പ​ത്യം ക​ണ്ട ദുഃ​സ്വ​പ്ന​മാ​യി​രു​ന്നു അ​ടി​യ​ന്ത​രാ​വ​സ്ഥ​യെ​ങ്കി​ൽ അ​ത് പൂ​ർ​ണ​രൂ​പ​ത്തി​ൽ യാ​ഥാ​ർ​ഥ്യ​മാ​യി​രി​ക്കു​ന്നു. സം​സ്ഥാ​ന സ​ർ​ക്കാ​റു​ക​ളു​ടെ ദൈ​നം​ദി​ന പ്ര​വ​ർ​ത്ത​ന​ങ്ങ​ൾ​പോ​ലും ഡ​ൽ​ഹി​യി​ലെ അ​ന്ത​പ്പു​ര​ങ്ങ​ളി​ലി​രി​ക്കു​ന്ന​വ​ർ അ​ട്ടി​മ​റി​ക്കു​ന്നു, വ​ർ​ഗീ​യ​ത വി​ദ്വേ​ഷ​വും യു​ദ്ധാ​ക്രോ​ശ​വു​മെ​ല്ലാം ദേ​ശീ​യ ചി​ഹ്നം​വി​ളി​ക​ളാ​യി അം​ഗീ​ക​രി​ക്ക​പ്പെ​ട്ടി​രി​ക്കു​ന്നു. യു​ദ്ധ​ക്കൊതിയെ എ​തി​ർ​ക്കു​ന്ന​തു​പോ​ലും അ​പ​രാ​ധ​മാ​യി മാ​റു​ന്നു. കർഷകരുടെ,വിദ്യാർഥികളുടെ, തൊഴിലാളികളുടെ സമരങ്ങൾ ചോരയിൽ മുക്കി ഇല്ലാതാക്കുന്നു. ​പൗരാവകാശത്തിന്റെ അവസാന വിളക്കുകളും എറിഞ്ഞുടക്കപ്പെടുമ്പോഴും അ​സ്വ​സ്ഥ​ത​ക​ളോ ഒ​രു ചെ​റു ഞ​ര​ക്ക​മോ പോ​ലു​മി​ല്ലാ​തെ അ​തി​ൽ വെളിച്ചം കണ്ടെത്തി ആ​ന​ന്ദിക്കാൻ പാ​ക​പ്പെ​ട്ടി​രി​ക്കു​ന്നു രാ​ജ്യം എ​ന്ന​താ​ണ് നാം ​എ​ത്തി​നി​ൽ​ക്കു​ന്ന ദു​ര​ന്തം.

‘‘ചേ​രി​ക​ളും കു​ടി​ലു​ക​ളും ഒ​ഴി​പ്പി​ക്ക​പ്പെ​ട്ടെ​ങ്കി​ലും തു​ര്‍ക്കു​മാ​ന്‍ ഗേ​റ്റി​ലൂ​ടെ ന​ട​ക്കു​മ്പോ​ള്‍ ജ​മാ മ​സ്ജി​ദി​ന്റെ മി​നാ​രം കാ​ണാ​നാ​വി​ല്ല. അ​വി​ടെ​യെ​ത്തു​മ്പോ​ള്‍ അ​പ​മാ​ന ഭാ​ര​വും കു​റ്റ​ബോ​ധ​വും​കൊ​ണ്ട് അ​ത്ര​മാ​ത്രം താ​ഴ്ന്നു​പോ​കും ന​മ്മു​ടെ ശി​ര​സ്സു​ക​ള്‍’’ എ​ന്നെ​ഴു​തി​യാ​ണ് ഒ​രു പ​തി​റ്റാ​ണ്ട് മു​മ്പ് ഈ ​ലേ​ഖ​ക​ൻ അ​ടി​യ​ന്ത​രാ​വ​സ്ഥ​യു​ടെ നാ​ൽ​പ​താം ആ​ണ്ട​റു​തി​ക്കു​റി​പ്പ് അ​വ​സാ​നി​പ്പി​ച്ച​ത്. സു​പ്രീം​കോ​ട​തി ഉ​ത്ത​ര​വി​നെ​പ്പോ​ലും ധി​ക്ക​രി​ച്ചു​കൊ​ണ്ട് ഏ​തു​സ​മ​യ​വും പാ​വ​ങ്ങ​ളു​ടെ വീ​ടു​ക​ളി​ലേ​ക്കും ജീ​വി​ത​ത്തി​ലേ​ക്കും ജീ​വി​ത​മാ​ർ​ഗ​ങ്ങ​ളി​ലേ​ക്കും ബു​ൾ​ഡോ​സ​റു​ക​ൾ പാ​ഞ്ഞു​ക​യ​റി​യേ​ക്കാ​വു​ന്ന, ആത്മാഭിമാനമുള്ള ഏതൊരു മനുഷ്യന്റെയും തല താഴ്ന്നു പോകുന്ന തു​റ​ന്ന തു​ർ​ക്കു​മാ​ൻ ഗേ​റ്റാ​യി ഈ ​രാ​ജ്യം പ​രി​വ​ർ​ത്തി​ക്ക​പ്പെ​ട്ടി​രി​ക്കു​ന്നു ഇ​ന്ന്.