ആശമാരോട് എന്തിനീ കൊടുംക്രൂരത?

അ​വ​കാ​ശ​ങ്ങ​ൾ ചോ​ദി​ച്ചു വാ​ങ്ങാ​ൻ അ​വ​കാ​ശ​മി​ല്ലാ​ത്ത (Right to ask for rights)വ​രെ​പ്പ​റ്റി ച​രി​ത്ര​കാ​രി​യും ഫി​ലോ​സ​ഫ​റു​മാ​യ ഹ​ന്ന ആ​ര​ന്റ് സൂ​ചി​പ്പി​ച്ചി​ട്ടു​ണ്ട്. പൗ​ര​ത്വ​മി​ല്ലാ​തെ പ​ല രാ​ജ്യ​ങ്ങ​ളി​ലാ​യി ചി​ത​റി​ക്കി​ട​ന്ന അ​ഭ​യാ​ർ​ഥി​ക​ളാ​യി​രു​ന്നു അ​തെ​ഴു​തു​മ്പോ​ൾ ഹ​ന്ന​യു​ടെ മ​ന​സ്സി​ൽ എ​ങ്കി​ൽ ഇ​ന്ന് ജീ​വി​ത​ത്തി​ന്റെ പ​ല മേ​ഖ​ല​ക​ളി​ലും അ​വ​രെ കാ​ണാം. വി​ക​സ​നം പു​റ​ത്താ​ക്കി​യ ആ​ദി​വാ​സി ദ​ലി​ത് വി​ഭാ​ഗ​ങ്ങ​ൾ, സ​ർ​ക്കാ​ർ-​സ്വ​യം​ഭ​ര​ണ-​സ്വ​കാ​ര്യ​മേ​ഖ​ല​ക​ളി​ൽ പ​ണി​യെ​ടു​ക്കു​ന്ന ദി​വ​സ​ക്കൂ​ലി​ക്കാ​രും ക​രാ​ർ ജീ​വ​ന​ക്കാ​രും എ​ല്ലാം പൗ​രാ​വ​കാ​ശ​ങ്ങ​ളി​ല്ലാ​ത്ത അ​ഭ​യാ​ർ​ഥി​ക​ൾ​ത​ന്നെ. ഒ​രു ദേ​ശ​രാ​ഷ്ട്ര​ത്തി​ന്റെ ന​യ-​നി​യ​മ കാ​ർ​ക്ക​ശ്യ​ങ്ങ​ൾ​ക്ക​നു​സ​രി​ച്ചാ​ണ് അ​വ​രു​ടെ പെ​രു​പ്പം എ​ന്ന് ‘അ​ഭ​യാ​ർ​ഥി​ക​ൾ’ എ​ഴു​തി​യ ആ​ന​ന്ദി​നെ ഉ​ദ്ധ​രി​ച്ച് പ​റ​യാം. തൊ​ഴി​ൽ നി​യ​മ​ങ്ങ​ൾ റ​ദ്ദു​ചെ​യ്തും തൊ​ഴി​ലാ​ളി​ക​ളെ സ​ന്ന​ദ്ധ​സേ​വ​ന​ക്കാ​രാ​ക്കി​യും ദേ​ശ​സ്നേ​ഹ​പ്ര​ചോ​ദി​ത​രാ​യി സ​മ​യ​പ​രി​ധി​യി​ല്ലാ​തെ ജോ​ലി ചെ​യ്യ​ണ​മെ​ന്ന്​ ഉ​ദ്ബോ​ധി​പ്പി​ച്ചും ക​ണ്ണി​ൽ ചോ​ര​യി​ല്ലാ​തെ പൗ​ര​രു​ടെ അ​ധ്വാ​ന​ശേ​ഷി ചൂ​ഷ​ണം ചെ​യ്യു​ക​യാ​ണ് ഇ​ന്ന് കേ​ന്ദ്ര ഭ​ര​ണ​കൂ​ടം. കോ​ർ​പ​റേ​റ്റ് ബാ​ന്ധ​വ ഫാ​ഷി​സ്റ്റ് സ​ർ​ക്കാ​റി​ൽ​നി​ന്ന് അ​തി​ൽ കൂ​ടു​ത​ൽ പ്ര​തീ​ക്ഷി​ക്കാ​നും വ​യ്യ. പ​ക്ഷേ, ‘പോ​യി കേ​ന്ദ്ര​ത്തോ​ട് ചോ​ദി​ക്കൂ’ എ​ന്ന് ദ​രി​ദ്ര​രും നി​സ്സ​ഹാ​യ​രു​മാ​യ സ്ത്രീ​ത്തൊ​ഴി​ലാ​ളി​ക​ളോ​ട് പ​റ​യാ​നാ​വു​ന്ന​വ​ർ, അ​ധി​കാ​രി​ക​ളോ ന്യാ​യീ​ക​ര​ണ​ക്കാ​രോ ആ​രാ​യാ​ലും ആ ​ഫാ​ഷി​സ്റ്റ് മ​നോ​ഭാ​വ​ക്കാ​രി​ൽ​നി​ന്ന് വി​ഭി​ന്ന​രെ​ന്ന് ക​രു​താ​നാ​വി​ല്ല.

ആ​രോ​ഗ്യ​രം​ഗ​ത്തെ ഭി​ഷ​ഗ്വ​ര സം​ഘ​ട​ന​യു​ടെ മൗ​ന​വും അ​ത്ഭു​ത​മു​ള​വാ​ക്കു​ന്നു. ആ​ശാ​വ​ർ​ക്ക​ർ​മാ​ർ എ​ന്ന അ​ടി​ത്ത​ട്ട് ജീ​വ​ന​ക്കാ​രു​ടെ സേ​വ​ന​ത്തി​ന്റെ വ്യാ​പ്തി​യും പ്ര​യോ​ജ​ന​വും കൃ​ത്യ​മാ​യി മ​ന​സ്സി​ലാ​ക്കു​ന്ന​വ​ര​ല്ലേ അ​വ​ർ! ക്ഷേ​മ​പ​ദ്ധ​തി​ക​ൾ താ​ളം തെ​റ്റു​ന്ന​ത് അ​വ​ര​റി​യു​ന്നു​ണ്ട്. അ​വ​രു​ടെ സ​മ​ര​ത്തോ​ടും പ്ര​യാ​സ​ങ്ങ​ളോ​ടും അ​നു​താ​പ​മു​ള്ള​വ​ർ അ​ക്കൂ​ട്ട​ത്തി​ലു​ണ്ട് എ​ന്ന് ചി​ല​രോ​ടൊ​ക്കെ സം​വ​ദി​ച്ച​പ്പോ​ൾ മ​ന​സ്സി​ലാ​യി. സോ​ഷ്യ​ൽ ആ​ക്ടി​വി​സ്റ്റു​ക​ളു​ടെ നേ​രെ​യാ​ണ് അ​വ​ര​തി​നാ​യി പ്ര​തീ​ക്ഷ​യോ​ടെ നോ​ക്കു​ന്ന​തെ​ന്നും. ത​ങ്ങ​ൾ​ക്കു​കൂ​ടി ഇ​തി​ൽ ഇ​ട​പെ​ടേ​ണ്ട ഉ​ത്ത​ര​വാ​ദി​ത്ത​മു​ണ്ടെ​ന്ന് അ​വ​ർ എ​പ്പോ​ൾ മ​ന​സ്സി​ലാ​ക്കും?

2005ൽ ​ഡോ.​മ​ൻ​മോ​ഹ​ൻ സി​ങ് സ​ർ​ക്കാ​ർ തു​ട​ങ്ങി​വെ​ച്ച ദേ​ശീ​യ ഗ്രാ​മീ​ണ ആ​രോ​ഗ്യ​പ​ദ്ധ​തി (NRHM)യു​ടെ ഭാ​ഗ​മാ​യാ​ണ് ആ​ശ വ​ള​ണ്ടി​യേ​ഴ്സ് പ​ദ്ധ​തി ആ​വി​ഷ്ക​രി​ക്ക​പ്പെ​ട്ട​ത്. ഒ​ഴി​വു​സ​മ​യ​വും സേ​വ​ന​മ​ന​സ്ഥി​തി​യു​മു​ള്ള ഗ്രാ​മീ​ണ​സ്ത്രീ​ക​ളെ പ​രി​ശീ​ല​നം ന​ൽ​കി പൊ​തു​ജ​നാ​രോ​ഗ്യ സം​വി​ധാ​ന​ത്തി​നു​വേ​ണ്ടി സ​ജ്ജ​രാ​ക്കു​ക എ​ന്ന ആ​ശ​യ​മാ​യി​രു​ന്നു അ​തി​നു പി​ന്നി​ൽ. ഇ​ന്ന​ത് ന​ഗ​ര-​ഗ്രാ​മ ഭേ​ദ​മി​ല്ലാ​തെ കേ​ര​ളം പോ​ലു​ള്ള സം​സ്ഥാ​ന​ങ്ങ​ളി​ൽ ആ​രോ​ഗ്യ​മേ​ഖ​ല​യു​ടെ അ​വ​ശ്യ​ഘ​ട​ക​മാ​യി മാ​റി​യി​രി​ക്കു​ന്നു. ദേ​ശീ​യ​ത​ല​ത്തി​ൽ തു​ട​ക്ക​മി​ട്ട പ​ദ്ധ​തി​യി​ലെ അം​ഗ​ങ്ങ​ളു​ടെ പ​രി​ശീ​ല​നം, നി​യ​മ​നം, പ്ര​വ​ർ​ത്ത​ന​മേ​ഖ​ല, പ്ര​തി​ഫ​ലം എ​ന്നി​വ നി​ശ്ച​യി​ക്കേ​ണ്ട​തും നി​ർ​വ​ഹി​ക്കേ​ണ്ട​തും സം​സ്ഥാ​ന​ങ്ങ​ളാ​ണ്. കേ​​ന്ദ്രം ചെ​റി​യൊ​രു തു​ക സ്ഥി​ര​മാ​യി ഇ​ൻ​സ​ൻ​റീ​വ് ന​ൽ​കും. സ്പെ​ഷ​ൽ ടാ​സ്കു​ക​ൾ​ക്ക്​ ചെ​റി​യ പ്ര​തി​ഫ​ല​വും.

2007ൽ, ​പ്ര​വ​ർ​ത്തി​ച്ചു തു​ട​ങ്ങി​യ​തു​മു​ത​ൽ ആ​ശ​മാ​ർ ഏ​റ്റെ​ടു​ക്കേ​ണ്ട ജോ​ലി​ക​ൾ കൂ​ടി. ഒ​രു ഒ​ഴി​വു​സ​മ​യ ജോ​ലി​യാ​യി എ​ടു​ക്കാ​നാ​വാ​ത്ത​വി​ധം ഉ​ത്ത​ര​വാ​ദി​ത്ത​ങ്ങ​ൾ വ​ർ​ധി​ച്ചു. കു​ടും​ബാ​രോ​ഗ്യ ക്ഷേ​മ​പ്ര​വ​ർ​ത്ത​ന​ങ്ങ​ൾ മി​ക്ക​വാ​റും അ​വ​രി​ലൂ​ടെ​യാ​യി. ഗ​ർ​ഭി​ണി​ക​ളെ ആ​ദ്യ​മാ​സ​ങ്ങ​ളി​ൽ ക​ണ്ടെ​ത്തി ര​ജി​സ്റ്റ​ർ ചെ​യ്യു​ക, ഉ​പ​ദേ​ശ​ങ്ങ​ൾ ന​ൽ​കു​ക, അ​ത്യാ​വ​ശ്യ​മ​രു​ന്നു​ക​ൾ എ​ത്തി​ക്കു​ക, വാ​ക്സി​നേ​ഷ​ന്​ പ്രേ​രി​പ്പി​ക്കു​ക, ആ​ശു​പ​ത്രി പ്ര​സ​വ​ത്തി​ന് പ്രേ​രി​പ്പി​ക്കു​ക, പ്ര​സ​വ​ശേ​ഷം ആ​ഴ്ച​തോ​റും സ​ന്ദ​ർ​ശി​ച്ച് ആ​രോ​ഗ്യം ഉ​റ​പ്പു​വ​രു​ത്തു​ക, കു​ഞ്ഞി​ന്റെ ആ​രോ​ഗ്യം, മു​ല​പ്പാ​ൽ ല​ഭ്യ​ത, വാ​ക്സി​നേ​ഷ​ൻ എ​ന്നി​വ ഉ​റ​പ്പാ​ക്കു​ക, കൂ​ടാ​തെ, കി​ട​പ്പു​രോ​ഗി​ക​ളു​ടെ പ​രി​ച​ര​ണം, പ​ല​ത​രം ക​ണ​ക്കെ​ടു​പ്പു​ക​ൾ എ​ന്നി​ങ്ങ​നെ അ​റ്റ​മി​ല്ലാ​ത്ത പു​തി​യ ഉ​ത്ത​ര​വാ​ദി​ത്ത​ങ്ങ​ൾ അ​വ​രു​​ടെ മേ​ൽ വ​ന്നു​ചേ​ർ​ന്നു. കൃ​ത്യ​ത​യോ​ടെ എ​ല്ലാം രേ​ഖ​പ്പെ​ടു​ത്തി സ​മ​ർ​പ്പി​ക്ക​ൽ പ്ര​ധാ​നം. മാ​സം തോ​റും പ​രി​ശീ​ല​ന​ത്തി​നും അ​ല്ലാ​തെ​യും യോ​ഗ​ങ്ങ​ളി​ൽ പ​ങ്കെ​ടു​ക്കു​ക നി​ർ​ബ​ന്ധം. വീ​ഴ്ച​വ​രു​ത്തി​യാ​ൽ ഓ​ണ​റേ​റി​യം ക​ട്ട് ചെ​യ്യ​പ്പെ​ടും. സ​മ​യ​പ​രി​ധി​യോ അ​വ​ധി​യോ ഇ​ല്ല. ദി​വ​സ​വും 12 മ​ണി​ക്കൂ​ർ പ​ണി​താ​ലും തീ​രാ​ത്ത ജോ​ലി​ക​ൾ! കേ​ര​ള സ​ർ​ക്കാ​ർ പ്ര​ഖ്യാ​പി​ച്ച 10 ഉ​പാ​ധി​ക​ൾ പൂ​ർ​ത്തി​യാ​ക്കി​യാ​ലേ ഇ​ന്നു കി​ട്ടു​ന്നു എ​ന്ന് പ​റ​യു​ന്ന 7000 രൂ​പ​പോ​ലും അ​വ​ർ​ക്ക് സ​മ​രം തു​ട​ങ്ങും വ​രെ ല​ഭി​ച്ചി​രു​ന്നു​ള്ളൂ. സേ​വ​ന​മാ​യി ക​ണ​ക്കാ​ക്കി​യ​തി​നാ​ലാ​വാം, സ​മ​രം തു​ട​ങ്ങു​മ്പോ​ൾ മൂ​ന്നു മാ​സ​ത്തെ ഓ​ണ​റേ​റി​യം കു​ടി​ശ്ശി​ക​യാ​യി​രു​ന്നു.

എ​ല്ലാ മ​നു​ഷ്യ​രും പേ​ടി​ച്ച്​ വീ​ട്ടി​ൽ അ​ട​ച്ചി​രു​ന്ന കോ​വി​ഡ് കാ​ല​ത്ത് ആ​ശ​മാ​രു​ടെ ജോ​ലി പ​തി​ന്മ​ട​ങ്ങ് വ​ർ​ധി​ച്ചു. സ​ന്ന​ദ്ധ പ്ര​വ​ർ​ത്ത​ക​ർ​ക്കും പൊ​ലീ​സി​നു​മൊ​പ്പം രാ​പ്പ​ക​ൽ അ​വ​ർ വീ​ടു​ക​ൾ ക​യ​റി​യി​റ​ങ്ങി. മ​രു​ന്നും ഭ​ക്ഷ​ണ​വു​മെ​ത്തി​ച്ചു. ക്വാ​റ​ന്റീ​നും സോ​ഷ്യ​ൽ ഡി​സ്റ്റ​ൻ​സി​ങ്ങും പാ​ലി​ക്ക​പ്പെ​ടു​ന്നു​ണ്ടോ എ​ന്നു നി​രീ​ക്ഷി​ച്ചു. ആ​ശു​പ​ത്രി ചി​കി​ത്സ വേ​ണ്ട​വ​ർ​ക്ക്​ സൗ​ക​ര്യ​ങ്ങ​​ൾ ചെ​യ്തു. ആ​ശു​പ​ത്രി​ക്ക​ക​ത്ത് ഡോ​ക്ട​ർ​മാ​രും ന​ഴ്സു​മാ​രും ആ​രോ​ഗ്യ പ്ര​വ​ർ​ത്ത​ക​രും സ്വ​ന്തം ജീ​വ​നെ​യും ആ​രോ​ഗ്യ​ത്തെ​യും പി​റ​കോ​ട്ടു ത​ള്ളി എ​ങ്ങ​നെ പ്ര​വ​ർ​ത്തി​ച്ചു​വോ, അ​തു​പോ​ലെ ആ​ശ​മാ​ർ പു​റ​ത്തും പ്ര​വ​ർ​ത്തി​ച്ച​തി​നാ​ൽ ത​ന്നെ​യാ​ണ് കേ​ര​ള​ത്തി​ന് ഫ​ല​പ്ര​ദ​മാ​യി കോ​വി​ഡി​നെ നി​യ​ന്ത്രി​ക്കാ​നാ​യ​ത്. മ​ല​യാ​ളി ഒ​രി​ക്ക​ലും മ​റ​ക്കാ​ൻ പാ​ടി​ല്ലാ​ത്ത​താ​ണ്​ ഇ​തൊ​ക്കെ.

ഇ​ന്ന് ഈ ​സ​ഹോ​ദ​രി​മാ​ർ തെ​രു​വി​ലാ​ണ്. ര​ണ്ടു മാ​സ​ത്തോ​ള​മാ​യി സെ​ക്ര​​ട്ടേ​റി​യ​റ്റി​ന് മു​ന്നി​ലെ കൊ​ടും​വെ​യി​ലും മ​ഴ​യും ശാ​രീ​രി​ക​മാ​യി ത​ള​ർ​ത്തു​ന്നെ​ങ്കി​ലും മാ​ന​സി​ക​മാ​യി അ​വ​രെ ശ​ക്ത​രാ​ക്കു​ക​യാ​ണ്. വൈ​ദ്യു​തി വി​ച്ഛേ​ദി​ക്ക​​പ്പെ​ട്ട വീ​ടും പ​ലി​ശ മു​ട​ങ്ങി​യ ലോ​ണും അ​വ​രെ സ​ഹ​ന​സ​മ​ര​ത്തി​നു​ത​ന്നെ പ്രേ​രി​പ്പി​ക്കും. അ​ത് അ​വ​രു​ടെ മാ​ത്രം പ്ര​ശ്ന​മ​ല്ല; സ​മൂ​ഹ​ത്തി​ന്‍റേ​തു​​ കൂ​ടി​യാ​ണ്. ഭ​ര​ണാ​ധി​കാ​രി​ക​ളു​ടേ​തു​കൂ​ടി ആ​വേ​ണ്ട​തു​മാ​ണ്.

ഡ​ൽ​ഹി​യി​ൽ പോ​യി സ​മ​രം ചെ​യ്യൂ എ​ന്ന അ​പ്രാ​യോ​ഗി​ക നി​ർ​ദേ​ശം എ​ന്തു​കൊ​ണ്ടാ​ണ്​? സം​സ്ഥാ​ന സ​ർ​ക്കാ​ർ ന​ൽ​കു​ന്ന ഓ​ണ​റേ​റി​യം ത​ന്നെ​യാ​ണ് അ​വ​രു​ടെ വേ​ത​ന​മെ​ന്ന് പ​റ​യാ​വു​ന്ന​ത്. കേ​ന്ദ്ര സ​ർ​ക്കാ​റി​ൽ​നി​ന്നു​ള്ള​ത്​ 1500-2000 രൂ​പ​വ​രെ​യു​ള്ള ഇ​ൻ​സ​ന്റീ​വ് മാ​ത്ര​മാ​ണ്. മ​റ്റു പ​ല സം​സ്ഥാ​ന​ങ്ങ​ളെ​ക്കാ​ൾ കേ​ര​ളം കൂ​ടു​ത​ൽ കൊ​ടു​ക്കു​ന്നു എ​ന്നു പ​റ​യു​മ്പോ​ൾ കേ​ര​ള​ത്തി​ലു​ള്ള​ത്ര ജോ​ലി​ഭാ​രം വേ​റെ​യെ​വി​ടെ​യും കാ​ണി​ല്ല എ​ന്ന​തും സ​ത്യ​മ​ല്ലേ? മി​നി​മം മാ​ന്യ​ത​യോ​ടെ ഭ​ക്ഷ​ണ​ത്തി​നും വ​സ്ത്ര​ത്തി​നും കു​ഞ്ഞു​ങ്ങ​ളു​ടെ വി​ദ്യാ​ഭ്യാ​സ​ത്തി​നും വേ​ണ്ട​ത് ല​ഭ്യ​മാ​കു​ക അ​വ​രു​ടെ അ​വ​കാ​ശ​മ​ല്ലേ? ഇ​ൻ​സ​ന്റീ​വ് കൂ​ട്ടി​യാ​ലേ ഓ​ണ​റേ​റി​യം കൂ​ട്ടാ​നാ​വൂ എ​ന്ന് വാ​ശി​പി​ടി​ക്കു​ന്ന​തെ​ന്തി​ന്​? കേ​ന്ദ്രം ത​ട​ഞ്ഞു​വെ​ച്ചു എ​ന്നു പ​റ​യു​ന്ന​ത് ഏ​തു ഫ​ണ്ടാ​ണ്? ഇ​ൻ​സെ​ന്റീ​വു​ക​ൾ വി​ത​ര​ണം ചെ​യ്യാ​നു​ള്ള ഫ​ണ്ടോ? അ​തോ മൊ​ത്തം ആ​രോ​ഗ്യ വി​ഹി​ത​മോ? ചു​രു​ങ്ങി​യ​ത് അ​തെ​ങ്കി​ലും ജ​നം അ​റി​യ​ട്ടെ.

സ്ത്രീ​ക​ളാ​യ​ത് കൊ​ണ്ടും അ​ടി​ത്ത​ട്ടു​കാ​രാ​യ​തു​കൊ​ണ്ടും ആ​ശാ​വ​ർ​ക്ക​ർ​മാ​ർ അ​വ​ഗ​ണി​ക്ക​പ്പെ​ടു​ന്ന​ത് ക്രൂ​ര​ത​യ​ല്ലേ? വാ​സ്ത​വ​ത്തി​ൽ ഒ​രു ക​മ്യൂ​ണി​സ്റ്റ് സ​ർ​ക്കാ​റി​ന് ഏ​റ്റ​വു​മ​ധി​കം പ്ര​തി​ബ​ദ്ധ​ത​യു​ണ്ടാ​വേ​ണ്ട​ത് അ​ങ്ങ​നെ​യു​ള്ള​വ​രോ​ട​ല്ലേ? ഇ​ല്ലെ​ങ്കി​ൽ അ​വ​ർ​ക്കെ​ങ്ങ​നെ ഇ​ട​തു​പ​ക്ഷ​മെ​ന്ന് അ​ഭി​മാ​നി​ക്കാ​നാ​വും! ആ​ശ​മാ​രു​ടെ കൂ​ടെ നി​ൽ​ക്കു​ന്ന​വ​രെ ചൂ​ണ്ടി​യാ​ണ് ആ​ക്ഷേ​പ​മെ​ങ്കി​ൽ, അ​ശ​ര​ണ​രു​ടെ കൂ​ടെ നി​ൽ​ക്കാ​ൻ എ​സ്.​യു.​സി.​ഐ എ​ന്ന മ​റ്റൊ​രു ക​മ്യൂ​ണി​സ്റ്റ് പാ​ർ​ട്ടി​ക്ക് അ​വ​കാ​ശ​മി​ല്ലെ​ന്ന് എ​ങ്ങ​നെ​യാ​ണ് പ​റ​യു​ക? സ​ർ​ക്കാ​റി​നെ ത​ക​ർ​ക്കാ​നും താ​ഴെ​യി​റ​ക്കാ​നു​മു​ള്ള ഗൂ​ഢാ​ലോ​ച​ന​യെ​ന്ന് സം​ശ​യി​ക്കു​ന്നെ​ങ്കി​ൽ അ​തി​നി​ട​കൊ​ടു​ക്കാ​തെ എ​ത്ര​യും വേ​ഗം സ​മ​രം മ​നു​ഷ്യ​ത്വ​പ​ര​മാ​യി പ​രി​ഹ​രി​ക്കാ​ൻ ശ്ര​മി​ക്കു​ക​യ​ല്ലേ വേ​ണ്ട​ത്? അം​ഗീ​കൃ​ത തൊ​ഴി​ലാ​ളി യൂ​നി​യ​നു​ക​ളി​ലൂ​ടെ മാ​ത്ര​മേ പ​രി​ഹാ​രം തേ​ടാ​വൂ എ​ന്ന് വാ​ശി പി​ടി​ക്കു​ന്ന​വ​ർ, അ​വ​ർ​കൂ​ടി ഉ​ൾ​പ്പെ​ട്ട ച​ർ​ച്ചാ​യോ​ഗ​ത്തി​ൽ എ​ന്തു സം​ഭ​വി​ച്ചു എ​ന്നു​കൂ​ടി ഓ​ർ​ക്ക​ണം. കേ​ന്ദ്ര സ​ർ​ക്കാ​റി​നെ മു​ൾ​മു​ന​യി​ൽ നി​ർ​ത്തി തീ​രു​മാ​ന​ങ്ങ​ളെ​ടു​പ്പി​ച്ച ക​ർ​ഷ​ക​സ​മ​രം ഏ​തെ​ങ്കി​ലും തൊ​ഴി​ലാ​ളി സം​ഘ​ട​ന​യു​ടെ ബാ​ന​റി​ൽ ആ​യി​രു​ന്നോ? ആ ​സ​മ​ര​ത്തി​ന്റെ പ്ര​സ​ക്തി മ​ന​സ്സി​ലാ​ക്കി അ​തി​ലേ​ക്കു വ​ന്നു​ചേ​രു​ക​യാ​യി​രു​ന്നി​ല്ലേ രാ​ഷ്ട്രീ​യ​ക്കാ​രും സാ​മൂ​ഹി​ക-​സാം​സ്കാ​രി​ക പ്ര​വ​ർ​ത്ത​ക​രും സം​ഘ​ട​ന​ക​ളു​മൊ​ക്കെ? ആ​ശാ​സ​മ​ര​വും അ​ത്ത​ര​മൊ​രു ഘ​ട്ട​ത്തി​​ലേ​ക്ക് വൈ​കാ​തെ എ​ത്തി​ച്ചേ​രാം. അ​തി​നു മു​മ്പ് ക​ർ​ണാ​ട​ക ആ​രോ​ഗ്യ​മ​ന്ത്രി ചെ​യ്ത​തു​പോ​ലെ, അ​നു​ഭാ​വ​പൂ​ർ​വം അ​വ​രു​മാ​യി സം​സാ​രി​ച്ച്​ പ്ര​തി​ഫ​ല വ​ർ​ധ​ന​യും വി​ര​മി​ക്കാ​നി​രി​ക്കു​ന്ന​വ​ർ​ക്ക് പ​രി​ര​ക്ഷ​യും ന​ട​പ്പി​ലാ​ക്കു​ക​യാ​ണ്​ നീ​തി. ആ​രോ​ഗ്യ​മേ​ഖ​ല​യു​ടെ യ​ശ​സ്സ് നി​ല​നി​ർ​ത്താ​ൻ കി​ണ​ഞ്ഞ് യ​ത്നി​ക്കു​ന്ന ഇ​ക്കൂ​ട്ട​രെ ആ​ത്മാ​ഭി​മാ​ന​മു​ള്ള സ്ഥി​രം വേ​ത​ന​ക്കാ​രാ​ക്കി മാ​റ്റാ​ൻ കേ​ന്ദ്ര​ത്തി​നു​മേ​ൽ സ​മ്മ​ർ​ദം ചെ​ലു​ത്തു​മെ​ന്ന്​ ഉ​റ​പ്പും കൊ​ടു​ക്കു​ക.

ആ​ശ​മാ​ർ​ക്ക് മാ​ത്ര​മ​ല്ല​ല്ലോ പി​ച്ച​ക്കാ​ശി​ന് സ​മാ​ന​മാ​യ വേ​ത​നം എ​ന്ന ചോ​ദ്യം അ​ശ്ലീ​ല​മാ​ണ്. ഏ​തു മേ​ഖ​ല​യി​ലാ​യാ​ലും അ​ത്​ തി​രു​ത്ത​പ്പെ​ട​ണം. അ​തി​ന് മു​ന്നി​ട്ടി​റ​ങ്ങേ​ണ്ട​ത്​ ഇ​ട​തു​പ​ക്ഷ ധ​ർ​മ​വു​മാ​ണ്. എ​ല്ലാ​വ​ർ​ക്കും നീ​തി പു​ല​രു​മ്പോ​ൾ നി​ങ്ങ​ൾ​ക്കു​മാ​വും എ​ന്നു പ​റ​യേ​ണ്ട​ത്​ പ​ട്ടി​ണി​പ്പാ​വ​ങ്ങ​ളോ​ട​ല്ല. അ​നീ​തി​ക്കി​ര​യാ​വു​ന്ന​വ​ർ അ​വ​കാ​ശ​ങ്ങ​ൾ ചോ​ദി​ച്ചു വ​രി​ക​ത​ന്നെ ചെ​യ്യും. ഇ​ട​തു​പ​ക്ഷം അ​വ​ർ​ക്കൊ​പ്പ​മു​ണ്ടാ​വു​ക​യും വേ​ണം. ഇ​ട​തു​പ​ക്ഷ​മെ​ന്ന​ത് വെ​റും രാ​ഷ്ട്രീ​യ​പ്പാ​ർ​ട്ടി മാ​ത്ര​മാ​ണെ​ന്ന വാ​ശി​യ​രു​ത്. ഫാ​ഷി​സ​ക്കാ​ല​ത്ത്​ ക​മ്യൂ​ണി​സ്റ്റു​ക​ൾ കു​റ​ച്ചു​കൂ​ടി വി​വേ​കം കാ​ണി​ക്കേ​ണ്ട​തു​ണ്ട്.