ട്രം​പ് കു​ലു​ക്കി​യി​ട്ടും കു​ലു​ക്ക​മി​ല്ലാ​തെ ചൈ​ന

‘യു.​എ​സ്-​ചൈ​ന വ്യാ​പാ​ര​യു​ദ്ധം’ ആ​​​ഴ്ച​ക​ളാ​യി വാ​ർ​ത്താ​ത​ല​ക്കെ​ട്ടു​ക​ളി​ൽ നി​റ​ഞ്ഞു​നി​ൽ​ക്കു​ക​യാ​ണ്. ര​ണ്ടു രാ​ജ്യ​ങ്ങ​ളു​ടെ മാ​ത്രം വി​ഷ​യ​മ​ല്ലി​ത്. ചൈ​നീ​സ് ഉ​ൽ​പ​ന്ന​ങ്ങ​ൾ​ക്ക് 145 ശ​ത​മാ​നം വ​രെ നി​കു​തി കൂ​ട്ടി​യ യു.​എ​സ് ന​ട​പ​ടി​യാ​ണ് പ്ര​ശ്ന​ങ്ങ​ളു​ടെ തു​ട​ക്കം. മ​റു​പ​ടി​യാ​യി അ​മേ​രി​ക്ക​ൻ ഉ​ൽ​പ​ന്ന​ങ്ങ​ൾ​ക്ക് 125 ശ​ത​മാ​നം വ​രെ ചു​ങ്കം ചു​മ​ത്തി​യ ചൈ​ന അ​തും പോ​രാ​ഞ്ഞ് ആ​യു​ധ, ബ​ഹി​രാ​കാ​ശ, ഓ​ട്ടോ​മൊ​ബൈ​ൽ വ്യ​വ​സാ​യ​ങ്ങ​ൾ​ക്ക് നി​ർ​ണാ​യ​ക​മാ​വു​ന്ന അ​സം​സ്കൃ​ത വ​സ്തു​ക്ക​ളു​ടെ ക​യ​റ്റു​മ​തി​യി​ലും നി​യ​ന്ത്ര​ണ​ങ്ങ​ൾ ഏ​ർ​പ്പെ​ടു​ത്തി. യു.​എ​സ് ക​മ്പ​നി​ക​ൾ​ക്കു​മേ​ൽ നി​യ​ന്ത്ര​ണ​ങ്ങ​ൾ പ്ര​ഖ്യാ​പി​ച്ച ചൈ​നീ​സ് ഭ​ര​ണ​കൂ​ടം അ​മേ​രി​ക്ക​ൻ ക​മ്പ​നി​യാ​യ ബോ​യി​ങ്ങി​ൽ​നി​ന്ന് വി​മാ​ന​ങ്ങ​ൾ വാ​ങ്ങ​രു​തെ​ന്ന് വ്യോ​മ​യാ​ന ക​മ്പ​നി​ക​ളോ​ട് നി​ർ​ദേ​ശി​ക്കു​ക​യും ചെ​യ്തു. അ​തോ​ടെ വൈ​രാ​ഗ്യ​ബു​ദ്ധി ഇ​ര​ട്ടി​ച്ച ട്രം​പ് ഭ​ര​ണ​കൂ​ടം 245 ശ​ത​മാ​ന​ത്തി​ലേ​ക്ക് നി​കു​തി എ​ത്തി​ച്ച് തി​രി​ച്ച​ടി​ക്കു​ക​യാ​യി​രു​ന്നു.

വി​ക​സ്വ​ര​രാ​ജ്യ​ങ്ങ​ൾ അ​മേ​രി​ക്ക​യു​ടെ തീ​രു​മാ​ന​ത്തി​നെ​തി​രെ ഒ​ന്നി​ച്ചു​നി​ൽ​ക്ക​ണ​മെ​ന്ന് പ​റ​ഞ്ഞ് ഇ​ന്ത്യ​യു​ടെ പി​ന്തു​ണ അ​ഭ്യ​ർ​ഥി​ക്കു​ന്നു​ണ്ട് ചൈ​ന. ഇ​ന്ത്യ​യി​ലെ ചൈ​നീ​സ് പ്ര​തി​നി​ധി, ‘ഗ്ലോ​ബ​ൽ സൗ​ത്തി’​ന്‍റെ വാ​ണി​ജ്യാ​വ​കാ​ശ​ങ്ങ​ൾ നി​ഷേ​ധി​ക്ക​പ്പെ​ടു​ന്നു​വെ​ന്നും വി​ക​സ​ന​ത്തി​നു​ള്ള വ​ഴി മു​ട​ക്കു​ന്നു​വെ​ന്നും സ​മൂ​ഹ മാ​ധ്യ​മം വ​ഴി കു​റി​ച്ചി​ട്ടു​ണ്ട്. വ്യാ​പാ​ര​യു​ദ്ധ​ത്തി​ലും തീ​രു​വ​യു​ദ്ധ​ത്തി​ലും ജേ​താ​ക്ക​ളി​ല്ല, ന​ഷ്ട​പ്പെ​ടു​ന്ന​വ​രേ ഉ​ണ്ടാ​കൂ എ​ന്നും വാ​ണി​ജ്യ​രം​ഗ​ത്തെ ഏ​ക​പ​ക്ഷീ​യ തീ​രു​മാ​ന​ങ്ങ​ളെ സം​യു​ക്ത​മാ​യി എ​തി​ർ​ക്ക​ണ​മെ​ന്നും അ​വ​ർ ആ​വ​ശ്യ​പ്പെ​ടു​ന്നു.

പു​തി​യ സാ​ഹ​ച​ര്യ​ത്തി​ൽ, ത​ങ്ങ​ളു​ടെ താ​ൽ​പ​ര്യ​ങ്ങ​ൾ​കൂ​ടി പ​രി​ഗ​ണി​ച്ചു​ള്ള വ്യാ​പാ​ര ക​രാ​റു​ക​ളെ​ക്കു​റി​ച്ച് ച​ർ​ച്ച​ചെ​യ്യാ​ൻ സ​ന്ന​ദ്ധ​രാ​യ 75ല​ധി​കം രാ​ജ്യ​ങ്ങ​ൾ​ക്കെ​തി​രെ ചു​മ​ത്തി​യ ഉ​യ​ർ​ന്ന താ​രി​ഫു​ക​ൾ താ​ൽ​ക്കാ​ലി​ക​മാ​യി മ​ര​വി​പ്പി​ച്ചി​ട്ടു​ണ്ട് അ​മേ​രി​ക്ക. ച​ർ​ച്ച​ക്കൊ​രു​ങ്ങാ​തെ മാ​റി​നി​ൽ​ക്കു​ന്ന ചൈ​ന​യാ​ണ് അ​മേ​രി​ക്ക​യെ പ്ര​കോ​പി​പ്പി​ക്കു​ന്ന​ത്. ഈ ​വ്യാ​പാ​ര​യു​ദ്ധ​ത്തെ ഭ​യ​ക്കു​ന്നി​ല്ലെ​ന്നാ​ണ് ആ​ഗോ​ള സാ​മ്പ​ത്തി​ക വ​ള​ർ​ച്ച​യു​ടെ 30 ശ​ത​മാ​ന​ത്തോ​ളം പ്ര​തി​വ​ർ​ഷം സം​ഭാ​വ​ന​ചെ​യ്യു​ന്ന ചൈ​ന​യു​ടെ നി​ല​പാ​ട്. സിം​ഗ​പ്പൂ​ർ പ്ര​ധാ​ന​മ​ന്ത്രി ലോ​റ​ൻ​സ് വോ​ങ് ആ​ണ് ഇ​ക്കാ​ര്യ​ത്തി​ൽ ശ​ക്ത​മാ​യ പ്ര​സ്താ​വ​ന ന​ട​ത്തി​യ മ​റ്റൊ​രു ലോ​ക​നേ​താ​വ്.

ലോ​ക വാ​ണി​ജ്യ ശൃം​ഖ​ല​യെ നി​യ​ന്ത്രി​ക്കു​ന്ന അ​മേ​രി​ക്ക ഇ​ത്ര​മാ​ത്രം വെ​റി കൊ​ള്ളാ​ൻ എ​ന്താ​യി​രി​ക്കാം കാ​ര​ണ​മെ​ന്ന അ​ന്വേ​ഷ​ണ​ത്തി​ന്​ മ​റു​പ​ടി​യാ​യി ചൈ​നീ​സ് സു​ഹൃ​ത്തു​ക്ക​ളി​ലൊ​രാ​ൾ​ ഒ​രു പ​ട്ടി​ക വെ​ച്ചു​നീ​ട്ടി. യു.​എ​സ്-​ചൈ​ന വ്യാ​പാ​ര​ബ​ന്ധ​ത്തി​ന്‍റെ ക​ണ​ക്കാ​യി​രു​ന്നു അ​ത്. ച​ര​ക്കു​ക​ളും സേ​വ​ന​ങ്ങ​ളു​മാ​യി അ​മേ​രി​ക്ക ചൈ​ന​യി​ലേ​ക്ക് ക​യ​റ്റി​യ​യ​ക്കു​ന്ന​ത് ഏ​താ​ണ്ട് 199 ബി​ല്യ​ൺ ഡോ​ള​റി​ന്റെ ഉ​ൽ​പ​ന്ന​ങ്ങ​ളാ​ണ്. ചൈ​ന​യി​ൽ​നി​ന്ന് അ​മേ​രി​ക്ക​യി​ലേ​ക്കാ​ക​ട്ടെ 462 ബി​ല്യ​ൺ ഡോ​ള​റി​ന്‍റെ ക​യ​റ്റു​മ​തി​യാ​ണ്​ ന​ട​ക്കു​ന്ന​ത്. ഏ​താ​ണ്ട് 130 ബി​ല്യ​ൺ ഡോ​ള​റി​ന്റെ ഇ​ല​ക്ട്രി​ക്ക​ൽ-​ഇ​ല​ക്ട്രോ​ണി​ക്സ് ഉ​പ​ക​ര​ണ​ങ്ങ​ളാ​ണ് ചൈ​ന അ​മേ​രി​ക്ക​യി​ലേ​ക്ക് ക​യ​റ്റി​യ​യ​ക്കു​ന്ന​ത്. പ​ട്ടി​ക​യി​ൽ ബോ​യി​ലേ​ഴ്സും മെ​ഷി​ന​റി​ക​ളും ക​ളി​പ്പാ​ട്ട​ങ്ങ​ളും ഫ​ർ​ണി​ച്ച​റും ഒ​ക്കെ​യു​ണ്ട്. ആ​ഗോ​ള പ്ര​ശ​സ്ത​മാ​യ ഇ​ല​ക്ട്രോ​ണി​ക്സ്​ ബ്രാ​ൻ​ഡു​ക​ളു​ടെ പ​റു​ദീ​സ​യാ​യ അ​മേ​രി​ക്ക​യും ചൈ​ന​യി​ലേ​ക്ക് ഇ​ല​ക്ട്രി​ക്ക​ൽ ആ​ൻ​ഡ് ഇ​ല​ക്ട്രോ​ണി​ക്സ് ഉ​ൽ​പ​ന്ന​ങ്ങ​ൾ ക​യ​റ്റി​യ​യ​ക്കു​ന്നു​ണ്ട് -അ​തി​ന്റെ മൂ​ല്യം 15 ബി​ല്യ​ൺ ഡോ​ള​ർ മാ​ത്രം. അ​മേ​രി​ക്ക ചൈ​ന​യി​ലേ​ക്ക് അ​യ​ക്കു​ന്ന ഉ​ൽ​പ​ന്ന​ങ്ങ​ളി​ൽ പി​ന്നീ​ട് വ​രു​ന്ന​ത് ക്രൂ​ഡോ​യി​ലും കാ​ർ​ഷി​ക ഉ​ൽ​പ​ന്ന​ങ്ങ​ളും ഒ​ക്കെ​യാ​ണ്. ഇ​ത്ത​ര​ത്തി​ലൊ​രു താ​ര​ത​മ്യം ന​ട​ത്തി​യാ​ൽ​ത​ന്നെ മ​ന​സ്സി​ലാ​കും, എ​ന്തു​കൊ​ണ്ടാ​ണ് അ​മേ​രി​ക്ക ചൈ​ന​യു​ടെ നേ​രെ നീ​ങ്ങു​ന്ന​ത് എ​ന്ന്. അ​മേ​രി​ക്ക​ക്ക്​ ലോ​ക​ത്തി​നു​മേ​ൽ ഉ​ണ്ടാ​യി​രു​ന്ന മേ​ൽ​ക്കൈ ഏ​താ​ണ്ട് ന​ഷ്ട​മാ​കു​ന്ന സ്ഥി​തി​യാ​ണ്​ വ​രാ​ൻ പോ​കു​ന്ന​ത്. സി​ലി​ക്ക​ൺ വാ​ലി ഉ​ള്ള അ​മേ​രി​ക്ക​യെ​ക്കാ​ൾ എ​ങ്ങ​നെ​യാ​ണ് ഇ​ല​ക്ട്രോ​ണി​ക് ഉ​ൽ​പ​ന്ന​ങ്ങ​ളു​ടെ കാ​ര്യ​ത്തി​ൽ ചൈ​ന മു​ന്നി​ലെ​ത്തി​യ​ത് എ​ന്ന് പ​ല​രും സം​ശ​യി​ക്കു​ന്നു​ണ്ടാ​വും. അ​ത​റി​യ​ണ​മെ​ങ്കി​ൽ ഷെ​ൻ​ജ​ൻ എ​ന്ന ന​ഗ​ര​ത്തെ​ക്കു​റി​ച്ച് അ​റി​യ​ണം.

തെ​ക്ക​ൻ ചൈ​ന​യി​ലെ ഗ്വാ​ങ് ദോ​ങ് പ്ര​വി​ശ്യ​യി​ലാ​ണ് ചൈ​ന​യു​ടെ സി​ലി​ക്ക​ൺ വാ​ലി എ​ന്ന​റി​യ​പ്പെ​ടു​ന്ന ഈ ​ന​ഗ​രം. ആ​ഗോ​ള ടെ​ക്നോ​ള​ജി ഹ​ബാ​യ ഷെ​ൻ​ജ​നി​ലാ​ണ് ലോ​ക​ത്തെ ഏ​റ്റ​വും വ​ലി​യ ഇ​ല​ക്ട്രോ​ണി​ക്സ് മാ​ർ​ക്ക​റ്റ്. മൂ​ന്നു മി​ല്യ​ൺ സ്ക്വ​യ​ർ​ഫീ​റ്റ് വി​സ്തീ​ർ​ണ​മു​ള്ള ഹു​ഖ്വ​യ്ങ് ബേ ​എ​ന്ന മാ​ർ​ക്ക​റ്റി​ൽ മു​പ്പ​തി​നാ​യി​രം ബി​സി​ന​സു​ക​ളു​ണ്ട്. ലോ​ക​ത്തെ​മ്പാ​ടു​മു​ള്ള ഇ​ല​ക്ട്രോ​ണി​ക് ഉ​ൽ​പ​ന്ന നി​ർ​മാ​താ​ക്ക​ളും വ്യാ​പാ​രി​ക​ളും എ​ത്തി​ച്ചേ​രു​ന്ന​ത് ഹു​ഖ്വ​യ്ങ് ബേ​യി​ലേ​ക്കാ​ണ് എ​ന്ന​ത് അ​തി​ശ​യോ​ക്തി​യ​ല്ല. ഈ​യി​ടെ മാ​ർ​ക്ക​റ്റി​ലൂ​ടെ ചു​റ്റി​ക്ക​റ​ങ്ങി​യ​പ്പോ​ൾ ഒ​രു സ്മാ​ർ​ട്ട് വാ​ച്ച് ക​ണ്ണി​ലു​ട​ക്കി. കാ​മ​റ​യും മൈ​ക്രോ​ഫോ​ണു​മു​ള്ള ആ ​വാ​ച്ചി​ന് വി​ല 250 യു​വാ​ൻ (മൂ​വാ​യി​രം രൂ​പ​ക്ക​ടു​ത്ത്) മാ​ത്രം.

സൈ​ക്ൾ ഷെ​യ​റി​ങ് സി​സ്റ്റം ചൈ​ന​യി​ൽ വ​ന്ന കാ​ല​ത്ത്, 2008ൽ, ​ഒ​രു ബ്രാ​ൻ​ഡ് സ്വ​യം തു​ട​ങ്ങി​യാ​ലോ എ​ന്ന ആ​ലോ​ച​ന​യി​ൽ ഞ​ങ്ങ​ൾ ഷെ​ൻ​ജ​നി​ലെ ഒ​രു സോ​ഫ്റ്റ്​ വെ​യ​ർ ക​മ്പ​നി സ​ന്ദ​ർ​ശി​ച്ചി​രു​ന്നു. യാ​ത്ര​ക്കാ​ർ​ക്ക്​ യ​ഥേ​ഷ്ടം മൊ​ബൈ​ൽ ചാ​ർ​ജ്​ ചെ​യ്യാ​ൻ സൗ​ക​ര്യ​പ്പെ​ടു​ന്ന സോ​ളാ​ർ പാ​ന​ൽ ഘ​ടി​പ്പി​ച്ച സൈ​ക്ൾ ആ​യി​രു​ന്നു ഞ​ങ്ങ​ള​ടെ ആ​വ​ശ്യം. ബി​സി​ന​സി​ൽ ചൈ​ന​ക്കാ​ർ ‘നോ’ ​പ​റ​യു​ന്ന​ത് വ​ള​രെ അ​പൂ​ർ​വ​മാ​യേ കേ​ട്ടി​ട്ടു​ള്ളൂ. സോ​ളാ​ർ പാ​ന​ൽ ഘ​ടി​പ്പി​ച്ച സാ​മ്പ്ൾ ബൈ​സി​ക്ൾ ഒ​രു മാ​സ​ത്തി​ന​കം ഞ​ങ്ങ​ളു​ടെ കൈ​യി​ലെ​ത്തി. ഇ​ന്ന് ലോ​ക​ത്ത് ഉ​പ​യോ​ഗി​ക്ക​പ്പെ​ടു​ന്ന സോ​ളാ​ർ സെ​ല്ലു​ക​ളു​ടെ 85 ശ​ത​മാ​നം ഉ​ൽ​പാ​ദി​പ്പി​ക്ക​പ്പെ​ടു​ന്ന​ത് ചൈ​ന​യി​ലാ​ണ്. ഇ​ല​ക്ട്രി​ക്​ ആ​ൻ​ഡ് ഇ​ല​ക്ട്രോ​ണി​ക്സ് രം​ഗ​ത്ത് വ​രാ​ൻ​പോ​കു​ന്ന മാ​റ്റ​ങ്ങ​ൾ മ​ന​സ്സി​ലാ​ക്കാ​ൻ മാ​ത്രം ല​ക്ഷ​ക്ക​ണ​ക്കി​ന് വ്യാ​പാ​രി​ക​ളാ​ണ് പ്ര​തി​വ​ർ​ഷം ഇ​ല​ക്ട്രോ​ണി​ക്സ് മാ​ർ​ക്ക​റ്റി​ൽ എ​ത്തി​ച്ചേ​രു​ന്ന​ത്.

ഇ​ത്ത​ര​ത്തി​ൽ നി​ല​വി​ലെ വി​പ​ണി​യി​ൽ ത​ങ്ങി​നി​ൽ​ക്കാ​തെ ഭാ​വി​യി​ലേ​ക്കു​കൂ​ടി നോ​ട്ട​മി​ട്ടു​ള്ള ഉ​ൽ​പ​ന്ന​ങ്ങ​ളാ​ണ്​ ​ചൈ​ന ത​യാ​റാ​ക്കു​ന്ന​ത്. ഓ​ട്ടോ​മൊ​ബൈ​ൽ രം​ഗ​ത്ത്​ ജ​ർ​മ​നി​ക്കാ​ണ്​ അ​പ്ര​മാ​ദി​ത്വം. പി​ന്നാ​ലെ ജ​പ്പാ​നും ദ​ക്ഷി​ണ കൊ​റി​യ​യും അ​മേ​രി​ക്ക​യും മ​റ്റും. ഇ​വി​ടെ ചൈ​ന ഇ​ല​ക്ട്രി​ക് കാ​റു​ക​ളി​ൽ ശ്ര​ദ്ധ കേ​ന്ദ്രീ​ക​രി​ച്ചു. 2016ൽ ​അ​ഞ്ച് ല​ക്ഷം ഇ​ല​ക്ട്രി​ക് വാ​ഹ​ന​ങ്ങ​ളാ​ണ് ചൈ​ന ഉ​ൽ​പാ​ദി​പ്പി​ച്ച​തെ​ങ്കി​ൽ ഒ​മ്പ​ത് വ​ർ​ഷം​കൊ​ണ്ട് അ​ത് ഏ​താ​ണ്ട് ഒ​രു കോ​ടി​യി​ൽ എ​ത്തി​നി​ൽ​ക്കു​ന്നു. അ​തി​ൽ 60 ല​ക്ഷ​ത്തോ​ളം കാ​റു​ക​ൾ പു​റം​രാ​ജ്യ​ങ്ങ​ളി​ലേ​ക്ക് ക​യ​റ്റി​പ്പോ​കു​ന്നു. ഞ​ങ്ങ​ൾ ഇ​പ്പോ​ൾ ഉ​പ​യോ​ഗി​ക്കു​ന്ന എ​ക്സ്പെ​ങ് കാ​റു​ക​ൾ പ​ല രാ​ജ്യ​ങ്ങ​ളു​ടെ​യും നി​ര​ത്തു​ക​ൾ കീ​ഴ​ട​ക്കു​ന്ന​താ​യു​ള്ള വാ​ർ​ത്ത​ക​ൾ പു​റ​ത്തു​വ​രു​ന്നു​ണ്ട്. മാ​ത്ര​മ​ല്ല, ലോ​ക​ത്ത് ഉ​പ​യോ​ഗി​ക്കു​ന്ന 70 ശ​ത​മാ​നം ഇ​ല​ക്ട്രി​ക് വാ​ഹ​ന​ങ്ങ​ളു​ടെ​യും ബാ​റ്റ​റി​ക​ൾ ചൈ​ന​യി​ൽ​നി​ന്നു​ള്ള​വ​യാ​ണ്.

ഇ​ത്ത​ര​ത്തി​ലു​ള്ള മു​ന്നേ​റ്റ​ങ്ങ​ൾ ന​ട​ത്തു​ന്ന ഒ​രു രാ​ജ്യം അ​മേ​രി​ക്ക​പോ​ലെ, സാ​ങ്കേ​തി​ക​വി​ദ്യ​യു​ടെ ത​ട്ട​ക​മാ​യ രാ​ജ്യ​ത്തെ മ​റി​ക​ട​ക്കു​ക സ്വാ​ഭാ​വി​കം. പ​ട്ടി​ക നോ​ക്കി ഞാ​ൻ സു​ഹൃ​ത്തി​നോ​ട് ചോ​ദി​ച്ചു: ‘‘അ​ല്ല, അ​മേ​രി​ക്ക നി​യ​ന്ത്ര​ണ​ങ്ങ​ൾ ഏ​ർ​പ്പെ​ടു​ത്തു​മ്പോ​ൾ ചൈ​ന​യു​ടെ വി​പ​ണി മാ​ർ​ക്ക​റ്റ് ഇ​ടി​യു​ക​യ​ല്ലേ?’’ അ​തി​നും മ​റു​പ​ടി​യു​ണ്ടാ​യി​രു​ന്നു: ‘‘അ​മേ​രി​ക്ക മാ​ത്ര​മ​ല്ല​ല്ലോ ലോ​കം. അ​മേ​രി​ക്ക ഒ​ഴി​കെ​യു​ള്ള സ്ഥ​ല​ങ്ങ​ളി​ലേ​ക്ക് ന​മ്മ​ൾ മൂ​ന്ന​ര ട്രി​ല്യ​ൺ ഡോ​ള​റി​ന്റെ ക​യ​റ്റു​മ​തി ന​ട​ത്തു​ന്നു​ണ്ട്. അ​മേ​രി​ക്ക​യു​ടെ ന​ട​പ​ടി കാ​ര​ണം അ​വ​രി​ൽ പ​ല​രും ഇ​വി​ടെ​നി​ന്ന് കൂ​ടു​ത​ൽ വാ​ങ്ങാ​ൻ തു​ട​ങ്ങും. അ​തോ​ടെ അ​മേ​രി​ക്ക​ൻ ശാ​പം ഞ​ങ്ങ​ൾ​ക്ക്​ ഉ​പ​കാ​ര​മാ​യി​ത്തീ​രു​ക​യാ​ണ്​’’. ത​ല​ക്കു മേ​ലെ വെ​ള്ള​മെ​ങ്കി​ൽ അ​തു​ക്കും മേ​ലെ തോ​ണി എ​ന്നു ചൊ​ല്ല്. അ​തി​ൽ പി​ടി​ച്ച്​ അ​മേ​രി​ക്ക​ൻ ഉ​പ​രോ​ധം​ത​ന്നെ ഉ​ണ്ടാ​യാ​ലും അ​തി​നെ​യും അ​വ​സ​ര​മാ​ക്കി മു​ന്നോ​ട്ടു​പോ​കാ​ൻ ക​ഴി​യു​മെ​ന്ന പൂ​ർ​ണ​വി​ശ്വാ​സ​ത്തി​ലാ​ണ് ഇ​പ്പോ​ഴും ചൈ​ന.