നി​ഷ്പ​ക്ഷ​ത​യ​ല്ല, ഇ​സ്രാ​യേ​ൽ പ​ക്ഷം

ഗ​സ്സ​യി​ൽ അ​ടി​യ​ന്ത​ര വെ​ടി​നി​ർ​ത്ത​ൽ ന​ട​പ്പാ​ക്ക​ണ​മെ​ന്നാ​വ​ശ്യ​പ്പെ​ട്ട് ഐ​ക്യ​രാ​ഷ്ട്ര പൊ​തു​സ​ഭ​യി​ൽ അ​വ​ത​രി​പ്പി​ക്ക​പ്പെ​ട്ട പ്ര​മേ​യ​ത്തി​ന്റെ വോ​ട്ടെ​ടു​പ്പി​ൽ​നി​ന്ന് ഇ​ന്ത്യ വി​ട്ടു​നി​ന്ന​ത് ആ​ഗോ​ള സ​മാ​ധാ​ന​ത്തി​നോ മാ​നു​ഷി​ക​നീ​തി​ക്കോ ന​യ​ത​ന്ത്ര ധാ​ർ​മി​ക​ത​ക്കോ ഇ​ന്ത്യ​യു​ടെ​ത​ന്നെ താ​ൽ​പ​ര്യ​ങ്ങ​ൾ​ക്കോ നി​ര​ക്കു​ന്ന​താ​യി​ല്ല. സ്​​പെ​യി​ൻ കൊ​ണ്ടു​വ​ന്ന പ്ര​മേ​യ​ത്തെ മൊ​ത്തം അം​ഗ​ങ്ങ​ളു​ടെ അ​ഞ്ചി​ൽ നാ​ലി​ല​ധി​ക​വും അ​നു​കൂ​ലി​ച്ചു. വ​ൻ​ഭൂ​രി​പ​ക്ഷ​ത്തോ​ടെ പ്ര​മേ​യം പാ​സാ​യ​പ്പോ​ൾ ഇ​ന്ത്യ​യു​ടെ വി​ട്ടു​നി​ൽ​ക്ക​ൽ മു​ഴ​ച്ചു​നി​ന്നു. 180 രാ​ജ്യ​ങ്ങ​ളി​ൽ 149 എ​ണ്ണ​മാ​ണ് വെ​ടി​നി​ർ​ത്ത​ലി​ന് അ​നു​കൂ​ല​മാ​യി നി​ല​കൊ​ണ്ട​ത്. എ​ക്വ​ഡോ​ർ, കി​രി​ബാ​സ്, മ​ലാ​വി തു​ട​ങ്ങി​യ അ​പ്ര​ധാ​ന രാ​ജ്യ​ങ്ങ​ൾ​ക്കൊ​പ്പം ഇ​ന്ത്യ വി​ട്ടു​നി​ന്നു. ഇ​സ്രാ​യേ​ലും യു.​എ​സും മ​റ്റ് 10 രാ​ജ്യ​ങ്ങ​ളും വെ​ടി​നി​ർ​ത്ത​ൽ പ്ര​മേ​യ​ത്തെ എ​തി​ർ​ത്ത് വോ​ട്ട് ചെ​യ്തു. വി​ട്ടു​നി​ന്ന​തി​നെ ന്യാ​യീ​ക​രി​ച്ചു​കൊ​ണ്ട് ഇ​ന്ത്യ​യു​ടെ യു.​എ​ൻ സ്ഥി​രം​പ്ര​തി​നി​ധി ഹ​രീ​ഷ് പ​റ​ഞ്ഞ​ത്, മു​മ്പും ഇ​ങ്ങ​നെ വി​ട്ടു​നി​ന്നി​ട്ടു​ണ്ട് എ​ന്നാ​ണ്. ഇ​സ്രാ​യേ​ലി​ന്റെ മ​നു​ഷ്യാ​വ​കാ​ശ ലം​ഘ​ന​ങ്ങ​ളെ വി​മ​ർ​ശി​ക്കു​ന്ന 2022 ഡി​സം​ബ​റി​ലെ പ്ര​മേ​യം, ഇ​സ്രാ​യേ​ലി​ന്റെ ഗ​സ്സ ഹിം​സ അ​ന്താ​രാ​ഷ്ട്ര നീ​തി​ന്യാ​യ കോ​ട​തി (ഐ.​സി.​ജെ)​യു​ടെ പ​രി​ഗ​ണ​ന​ക്ക് വി​ടു​ന്ന 2024 ഡി​സം​ബ​റി​ലെ പ്ര​മേ​യം എ​ന്നി​വ​യു​ടെ വോ​ട്ടി​ങ്ങി​ൽ​നി​ന്നാ​ണ് ഇ​തി​നു മു​മ്പ് ഇ​ന്ത്യ വി​ട്ടു​നി​ന്ന​ത്. ഇ​തു ര​ണ്ടും ന്യാ​യ​മാ​യ നി​ല​പാ​ടാ​യി​ല്ല എ​ന്ന​തി​രി​ക്ക​ട്ടെ; 2024 ഡി​സം​ബ​റി​ലെ ഗ​സ്സ വെ​ടി​നി​ർ​ത്ത​ൽ പ്ര​മേ​യം വോ​ട്ടി​നി​ട്ട​പ്പോ​ൾ ഇ​ന്ത്യ വെ​ടി​നി​ർ​ത്ത​ണ​മെ​ന്ന ആ​വ​ശ്യ​ത്തെ പി​ന്തു​ണ​ച്ചി​രു​ന്നു. ഇ​ന്ന്, ഇ​സ്രാ​യേ​ലി​ന്റെ വം​ശ​ഹ​ത്യ കൂ​ടു​ത​ൽ രൗ​ദ്ര​ഭാ​വം കൈ​ക്കൊ​ള്ളു​ക​യും 60,000മോ ​അ​തി​ല​ധി​ക​മോ മ​നു​ഷ്യ​രെ കൂ​ട്ട​ക്കൊ​ല ചെ​യ്യു​ക​യും പ്ര​ദേ​ശ​മാ​കെ ബോം​ബി​ട്ട് നി​ര​പ്പാ​ക്കു​ക​യും ദ​ശ​ല​ക്ഷ​ങ്ങ​ളെ കൂ​ട്ടി​ലാ​ക്കി പ​ട്ടി​ണി​ക്കി​ടു​ക​യും ചെ​യ്യു​മ്പോ​ൾ അ​രു​ത് എ​ന്ന പ്ര​മേ​യ​ത്തെ പി​ന്തു​ണ​ക്കാ​തി​രി​ക്കാ​ൻ ന​മു​​ക്കെ​ങ്ങ​നെ സാ​ധി​ച്ചു?

ഇ​ന്ത്യ​യെ​പ്പോ​ലെ ബ്രി​ട്ടീ​ഷു​കാ​രു​ടേ​ത​ട​ക്ക​മു​ള്ള അ​ധി​നി​വേ​ശം ഏ​റെ​ക്കാ​ലം അ​നു​ഭ​വി​ച്ച നാ​ടാ​ണ് ഫ​ല​സ്തീ​ൻ. എ​ന്നാ​ൽ, ഇ​ന്ത്യ​ക്ക് സ്വാ​ത​ന്ത്ര്യം ല​ഭി​ച്ച കാ​ല​ഘ​ട്ട​ത്തി​ൽ ഫ​ല​സ്തീ​ന്റെ ഭൂ​മി​യി​ൽ ഇ​സ്രാ​യേ​ലി​നെ കു​ടി​യി​രു​ത്തു​ക​യാ​ണ് യു.​എ​ൻ അ​ട​ക്കം ചെ​യ്ത​ത്. അ​തി​ൽ​പി​ന്നീ​ട് ഫ​ല​സ്തീ​ൻ ഭൂ​മി കൈ​യേ​റു​ക​യും ജ​ന​ങ്ങ​ൾ​ക്കെ​തി​രെ വം​ശീ​യ ക്രൂ​ര​ത​ക​ൾ ന​ട​ത്തി​വ​രു​ക​യും ചെ​യ്യു​ക​യാ​ണ് സ​യ​ണി​സ്റ്റ് രാ​ജ്യം. ഇം​ഗ്ല​ണ്ട് ​ഇം​ഗ്ലീ​ഷു​കാ​രു​ടേ​താ​ണ്, ഫ്രാ​ൻ​സ് ഫ്ര​ഞ്ചു​കാ​രു​ടേ​താ​ണ് എ​ന്ന​പോ​ലെ ഫ​ല​സ്തീ​ൻ ഫ​ല​സ്തീ​ൻ​കാ​രു​ടേ​താ​ണെ​ന്ന് പ്ര​ഖ്യാ​പി​ക്കു​ക​യും ഫ​ല​സ്തീ​ന് പൂ​ർ​ണ​പി​ന്തു​ണ ന​ൽ​കു​ക​യും ചെ​യ്ത ഗാ​ന്ധി​ജി​യു​ടെ നാ​ടാ​ണ് ഇ​ന്ത്യ. ഫ​ല​സ്തീ​ൻ രാ​ഷ്ട്ര​ത്തി​ന് 1988ൽ ​ഔ​ദ്യോ​ഗി​ക അം​ഗീ​കാ​രം ന​ൽ​കി​യി​ട്ടു​ണ്ട് ന​മ്മ​ൾ-​യു.​എ​ന്നി​ലെ 193 അം​ഗ​രാ​ജ്യ​ങ്ങ​ളി​ൽ ഫ​ല​സ്തീ​നെ അം​ഗീ​ക​രി​ച്ച 147 രാ​ജ്യ​ങ്ങ​ളി​ലൊ​ന്ന്. ന​മ്മു​ടെ​ത​ന്നെ സു​ചി​ന്തി​ത നി​ല​പാ​ടി​നെ​യും താ​ൽ​പ​ര്യ​ങ്ങ​ളെ​യും ഇ​സ്രാ​യേ​ലി​നു​വേ​ണ്ടി കൈ​യൊ​ഴി​ഞ്ഞ​ത് എ​ന്തി​നെ​ന്ന് വി​ശ​ദീ​ക​രി​ക്ക​പ്പെ​ട്ടി​ട്ടി​ല്ല. യു​ദ്ധ​കു​റ്റ​ങ്ങ​ളു​ടെ പേ​രി​ൽ ഇ​സ്രാ​യേ​ൽ നേ​താ​ക്ക​ൾ​ക്കെ​തി​രെ അ​ന്താ​രാ​ഷ്ട്ര ക്രി​മി​ന​ൽ കോ​ട​തി​യി​ൽ കേ​സു​ണ്ട്. വം​ശ​ഹ​ത്യ​യു​ടെ പേ​രി​ൽ ഇ​സ്രാ​യേ​ൽ​ത​ന്നെ ഐ.​സി.​ജെ​ക്ക് മു​ന്നി​ൽ പ്ര​തി​യാ​ണ്. കൈ​യൂ​ക്ക് രാ​ഷ്ട്രീ​യം പ​യ​റ്റു​ന്ന കു​റെ പാ​ശ്ചാ​ത്യ രാ​ജ്യ​ങ്ങ​ളൊ​ഴി​ച്ച് ലോ​കം മു​ഴു​വ​ൻ ഇ​സ്രാ​യേ​ലി ക്രൂ​ര​ത​ക​ളെ അ​പ​ല​പി​ക്കു​ന്നു. മാ​ത്ര​മ​ല്ല, അ​ക്കൂ​ട്ട​ത്തി​ൽ​പെ​ട്ട ഫ്രാ​ൻ​സും ബ്രി​ട്ട​നു​മെ​ല്ലാം ഇ​ത്ത​വ​ണ ഗ​സ്സ വെ​ടി​നി​ർ​ത്ത​ലി​ന​നു​കൂ​ല​മാ​യി വോ​ട്ട് ചെ​യ്തു. എ​ന്നി​ട്ടും അ​തി​നു ത​ട​യി​ടു​ന്ന നി​ല​പാ​ട് നാം ​എ​ന്തി​നെ​ടു​ത്തു? ഇ​സ്രാ​യേ​ലി​ന്റെ താ​ൽ​പ​ര്യ​ത്തി​നു​വേ​ണ്ടി, ന​മ്മു​ടെ​ത​ന്നെ താ​ൽ​പ​ര്യ​ങ്ങ​ൾ​ക്കു വി​രു​ദ്ധ​മാ​യി, നി​ഷ്ഠു​ര​മാ​യ വം​ശ​ഹ​ത്യ​യെ​യും യു​ദ്ധ​കു​റ്റ​ങ്ങ​ളെ​യും നി​യ​ന്ത്രി​ക്കാ​ൻ സ​ഹാ​യി​ച്ചേ​ക്കാ​വു​ന്ന ഒ​ര​വ​സ​രം പ​ര​മാ​വ​ധി ഉ​പ​യോ​ഗ​പ്പെ​ടു​ത്തു​ന്ന​തി​നു പ​ക​രം മു​ഖം​തി​രി​ച്ച് മാ​റി​നി​ന്ന​തി​ന് നാം ​ച​രി​ത്ര​ത്തോ​ട് മ​റു​പ​ടി പ​റ​യേ​ണ്ടി വ​രും. ലോ​ക​ത്തി​നു മു​മ്പാ​കെ​യു​ള്ള ന​മ്മു​ടെ ഒ​റ്റ​പ്പെ​ട​ലി​ന് ഇ​ത് ആ​ക്കം കൂ​ട്ടു​ക​യേ ഉ​ള്ളൂ. വെ​ടി​നി​ർ​ത്ത​ലി​നെ അ​നു​കൂ​ലി​ക്കാ​​തെ മാ​റി​നി​ന്ന തെ​ക്ക​നേ​ഷ്യ​യി​ലെ ഏ​ക രാ​ജ്യ​മാ​യി​രി​ക്കു​ന്നു ന​മ്മ​ൾ. ബ്രി​ക്സ്, ഷാ​ങ്ഹാ​യ് കോ​ഓ​പ​റേ​ഷ​ൻ ഓ​ർ​ഗ​നൈ​സേ​ഷ​ൻ തു​ട​ങ്ങി​യ കൂ​ട്ടാ​യ്മ​ക​ളി​ലും ഇ​തോ​ടെ നാം ​ഒ​റ്റ​ക്കാ​യി. ഫ​ല​സ്തീ​നെ മാ​ത്ര​മ​ല്ല, നാം ​ന​മ്മെ​ത്ത​ന്നെ​യാ​ണ് ഇ​തി​ലൂ​ടെ പു​റ​ന്ത​ള്ളു​ന്ന​ത്.

സ​മാ​ധാ​ന​ത്തി​നു​വേ​ണ്ടി​യും ഫ​ല​സ്തീ​ൻ ജ​ന​ത​യു​ടെ സു​ര​ക്ഷ​ക്കു​വേ​ണ്ടി​യും പ​ര​സ്യ പ്ര​സ്താ​വ​ന​ക​ൾ ന​ട​ത്താ​റു​ണ്ട് ഇ​ന്ത്യ. എ​ന്നാ​ൽ, ചൊ​ല്ലും ചെ​യ്തി​യും ത​മ്മി​ലു​ള്ള അ​ക​ൽ​ച്ച ഇ​തി​ലും പ്ര​ക​ട​മാ​ണ്. സ​മാ​ധാ​ന​ത്തി​ലേ​ക്കും ഫ​ല​സ്തീ​ന്റെ സു​ര​ക്ഷ​യി​ലേ​ക്കു​മു​ള്ള ഒ​രു ചു​വ​ടു​പോ​ലും ന​മ്മു​ടെ പി​ന്തു​ണ​ക്ക് അ​ർ​ഹ​മ​ല്ലെ​ങ്കി​ൽ പി​ന്നെ വാ​യ് ത്താ​രി​ക​ൾ കൊ​ണ്ടെ​ന്തു കാ​ര്യം? യു​ദ്ധ​ത്തി​ലും സം​ഹാ​ര​ത്തി​ലും ഇ​സ്രാ​യേ​ലി​ന്റെ സ​ഹ​കാ​രി​യാ​യി​രി​ക്കു​ന്നു നാം. ​ഫ​ല​സ്തീ​ൻ​കാ​രി​ൽ ‘പ​രീ​ക്ഷി​ച്ച്’ ഫ​ല​പ്ര​ദ​മെ​ന്നു​ക​ണ്ട് വി​റ്റ​ഴി​ക്ക​പ്പെ​ടു​ന്ന ഇ​സ്രാ​യേ​ലി ആ​യു​ധ​ങ്ങ​ൾ ഏ​റ്റ​വും കൂ​ടു​ത​ൽ വാ​ങ്ങു​ന്ന രാ​ജ്യ​ങ്ങ​ളി​ലൊ​ന്നാ​യി​ട്ടു​ണ്ട് ഇ​ന്ത്യ. 2001നും 2021​നു​മി​ട​ക്ക് 420 കോ​ടി ഡോ​ള​റി​ന്റെ ഇ​സ്രാ​യേ​ലി ആ​യു​ധ​ങ്ങ​ൾ ഇ​ന്ത്യ വാ​ങ്ങി​യ​താ​യാ​ണ് ക​ണ​ക്കു​ക​ൾ. തി​രി​ച്ച് യു​ദ്ധ​ത്തി​ൽ ഇ​സ്രാ​യേ​ലി​നെ നാം ​സ​ഹാ​യി​ക്കു​ന്ന​താ​യും റി​പ്പോ​ർ​ട്ടു​ണ്ടാ​യി​രു​ന്നു. 2024ൽ ​ഇ​സ്രാ​യേ​ലി​ലെ ഹൈ​ഫ​യി​ലേ​ക്കു​ള്ള ആ​യു​ധ​ങ്ങ​ളു​മാ​യി ചെ​ന്ന ക​പ്പ​ലി​നെ സ്​​പെ​യി​ൻ ത​ട​ഞ്ഞ​പ്പോ​ൾ, അ​തി​ലെ ആ​യു​ധ​ങ്ങ​ൾ ചെ​ന്നൈ​യി​ൽ​നി​ന്ന​യ​ച്ച​താ​ണെ​ന്ന് വെ​ളി​പ്പെ​ട്ടു. ആ​യു​ധ​ക്ക​ച്ച​വ​ട​ത്തി​ൽ ‘അ​ദാ​നി-​എ​ൽ​ബി​റ്റ്’ സം​രം​ഭം ഇ​ന്ത്യ​ൻ-​ഇ​സ്രാ​യേ​ലി സ​ഹ​ക​ര​ണ​ത്തി​ന്റെ പ്ര​ത്യ​ക്ഷ മാ​തൃ​ക​യാ​ണ്. ഗ​സ്സ​യി​ലെ നു​സൈ​റാ​ത് അ​ഭ​യാ​ർ​ഥി ക്യാ​മ്പി​ലി​ട്ട മി​സൈ​ലു​ക​ളി​ൽ ചി​ല​തി​നു​മേ​ൽ ‘ഇ​ന്ത്യാ നി​ർ​മി​തം’ എ​ന്ന് കാ​ണി​ച്ചി​രു​ന്ന​താ​യും വാ​ർ​ത്ത വ​ന്ന​താ​ണ്. ഇ​തെ​ല്ലാം ന​ട​ക്കു​മ്പോ​ഴും ലോ​ക​ത്തി​നു മു​മ്പാ​കെ പ്ര​ത്യ​ക്ഷ​മാ​യി ഫ​ല​സ്തീ​നെ​തി​രാ​യ നി​ല​പാ​ട് നാം ​എ​ടു​ത്തി​ട്ടി​ല്ലാ​യി​രു​ന്നു. ഇ​പ്പോ​ൾ അ​തു​മാ​യി. ച​രി​ത്രം ന​മ്മോ​ട് പൊ​റു​ക്കു​മോ?