നീ​ല​വാ​നി​ലെ വി​ജ​യഗാ​ഥ

ഫ്ലോ​റി​ഡ​യി​ലെ കെ​ന്ന​ഡി സ്​​പേ​സ് സെ​ന്റ​റി​ൽ​നി​ന്ന് ബു​ധ​നാ​ഴ്ച ഇ​ന്ത്യ​ൻ സ​മ​യം ഉ​ച്ച​ക്ക് 12.01ന് ​ആ​ക്സി​യം-4 എ​ന്ന പേ​ട​കം കു​തി​ച്ചു​യ​ർ​ന്ന​ത് ഒ​രു​പാ​ട് ച​രി​ത്ര സ​ന്ദ​ർ​ഭ​ങ്ങ​ളി​ലേ​ക്കാ​ണ്. ഒ​മ്പ​തുവ​ർ​ഷം മു​മ്പ് മാ​ത്രം തു​ട​ങ്ങി​യ ആ​ക്സി​യം സ്​​പേ​സ് എ​ന്ന സ്വ​കാ​ര്യ ബ​ഹി​രാ​കാ​ശ ഗ​വേ​ഷ​ണ സ്ഥാ​പ​ന​ത്തി​ന്റെ തു​ട​ർ​ച്ച​യാ​യ നാ​ലാം ദൗ​ത്യ​വും വി​ജ​യ​ക​ര​മാ​യി​രി​ക്കു​ന്നു എ​ന്ന​താ​ണ് ആ​ഗോ​ള ശാ​സ്ത്ര സ​മൂ​ഹ​ത്തെ സം​ബ​ന്ധി​ച്ച് ഈ ​യാ​ത്ര​യെ പ്ര​സ​ക്ത​മാ​ക്കു​ന്ന വ​ലി​യ ഘ​ട​ക​ങ്ങ​ളി​ലൊ​ന്ന്. സ്വ​കാ​ര്യ ഗ​വേ​ഷ​ണ സ്ഥാ​പ​ന​ങ്ങ​ൾ​ക്ക്​ മേ​ൽക്കൈ ല​ഭി​ക്കു​ന്ന പു​തി​യ കാ​ല​ത്ത് ഭാ​വി​യി​ലെ ബ​ഹി​രാ​കാ​ശ യാ​ത്ര​ക​ളു​ടെ ദി​ശാ​സൂ​ച​ക​മാ​യി ഇ​തി​നെ വി​ല​യി​രു​ത്തു​ന്ന​വ​രു​ണ്ട്. ഇ​ന്ത്യ​​യെ സം​ബ​ന്ധി​ച്ച് ഇ​ത് വ​ലി​യ കു​തി​പ്പും അ​ഭി​മാ​ന നി​മി​ഷ​വു​മാ​ണ്. നാ​ലു പ​തി​റ്റാ​ണ്ടി​ന്റെ കാ​ത്തി​രി​പ്പി​നാ​ണ് ഇ​വി​ടെ അ​റു​തി​യാ​യി​രി​ക്കു​ന്ന​ത്. 1984ൽ, ​സോ​വി​യ​റ്റ് പേ​ട​ക​ത്തി​ൽ ബ​ഹി​രാ​കാ​ശ യാ​ത്ര ന​ട​ത്തി​യ രാ​കേ​ഷ് ശ​ർ​മ​യാ​യി​രു​ന്നു ഇ​തു​വ​രെ​യും ഇ​ന്ത്യ​യു​ടെ ഏ​ക ഗ​ഗ​ന​ചാ​രി.

ആ​ക്സി​യം-4, ഭൂ​മി​യു​ടെ ആ​ക​ർ​ഷ​ണ വ​ല​യം ഭേ​ദി​ച്ച് ശൂ​ന്യാ​കാ​ശ​ത്തേ​ക്ക് പ​റ​ന്ന​തോ​ടെ പു​തി​യ ച​രി​​ത്രം പി​റ​ന്നി​രി​ക്കു​ന്നു. ശു​ഭാ​ൻ​ഷു ശു​ക്ല​യെ​ന്ന ല​ഖ്നോ സ്വ​ദേ​ശി​യി​ലൂ​ടെ ഒ​രി​ക്ക​ൽ​കൂ​ടി ഇ​ന്ത്യ ആ​കാ​ശം കീ​ഴ​ട​ക്കി​യി​രി​ക്കു​ക​യാ​ണ്; ഏ​താ​ണ്ട് 28 മ​ണി​ക്കൂ​ർ യാ​ത്ര​ക്കു​ശേ​ഷം വ്യാ​ഴാ​ഴ്ച വൈ​കു​ന്നേ​രം നാ​ലുമ​ണി​ക്ക് ആ​ക്സി​യം പേ​ട​കം രാ​ജ്യാന്ത​ര ബ​ഹി​രാ​കാ​ശ നി​ല​യ​ത്തി​ൽ (ഐ.​എ​സ്.​എ​സ്) ഡോ​ക്ക് ചെ​യ്യു​ന്ന​തോ​ടെ ആ​കാ​ശ​ത്തെ ‘അ​ത്ഭു​ത ദ്വീ​പി’​ലെ​ത്തു​ന്ന ആ​ദ്യ ഇ​ന്ത്യ​ക്കാ​ര​ൻ എ​ന്ന റെ​ക്കോ​ഡും ശു​ഭാ​ൻ​ഷു​വി​ന്റെ പേ​രി​ലാ​വും. പു​തി​യ നൂ​റ്റാ​ണ്ടി​ൽ ബ​ഹി​രാ​കാ​ശ ഗ​വേ​ഷ​ണ മേ​ഖ​ല​യി​ൽ, വി​ശേ​ഷി​ച്ച് പ​ര്യ​വേ​ക്ഷ​ണ രം​ഗ​ത്ത്, വ​ൻ​കു​തി​പ്പ് ന​ട​ത്തി​യി​ട്ടു​ള്ള ഇ​ന്ത്യ​യു​ടെ​യും ഐ.​എ​സ്.​ആ​ർ.​ഒയു​ടെ​യും മി​ക​വി​ന്റെ നി​ദ​ർ​ശ​നം​ കൂടി​യാ​ണ് ഈ ​യാ​ത്ര എ​ന്ന​ത് ആ​ക്സി​യം ദൗ​ത്യ​ത്തെ കൂടു​ത​ൽ തെ​ളി​ച്ച​മു​ള്ള​താ​ക്കു​ന്നു.

ഐ.​എ​സ്.​എ​സി​ലേ​ക്കു​ള്ള യാ​​ത്ര ഇ​ന്നൊ​രു വാ​ർ​ത്ത​യ​ല്ലാ​താ​യി​ട്ടു​ണ്ട്. ഒ​രു​കാ​ല​ത്ത്, ദു​ർ​ഘ​ട​മാ​യി​രു​ന്ന ബ​ഹി​രാ​കാ​ശ യാ​​ത്ര ഇ​പ്പോ​ൾ അ​ത്ര​ക​ണ്ട് അ​പ​ക​ട​ക​ര​മ​ല്ല. അ​മ്പ​ത് വ​ർ​ഷ​ത്തെ ബ​ഹി​രാ​കാ​ശ പ​ര്യ​വേ​ക്ഷ​ണ​ത്തി​ന്റെ​ ച​രി​ത്ര​മെ​ടു​ത്താ​ൽ ചാല​ഞ്ച​ർ പോ​ലു​ള്ള ഏ​താ​നും ദു​ര​ന്ത​ങ്ങ​ൾ മാ​​ത്ര​മാ​ണ് സം​ഭ​വി​ച്ചി​ട്ടു​ള്ള​ത്. ഇ​തി​നി​ട​യി​ൽ ഐ.​എ​സ്.​എ​സ് ആ​ക​ട്ടെ, വ​ലി​യ​തോ​തി​ൽ വി​പു​ലീ​ക​രി​ക്ക​പ്പെ​ടു​ക​യും ചെ​യ്തു. ഒ​മ്പ​ത് യാ​​​ത്രി​ക​ർ​ക്ക് ആ​റുമാ​സം ക​ഴി​യാ​നു​ള്ള സൗ​ക​ര്യ​മു​ണ്ട് അ​വി​ടെ. ഇ​പ്പോ​ൾ ശു​ഭാ​ൻ​ഷു​വി​നൊ​പ്പം യാ​ത്രതി​രി​ച്ചി​ട്ടു​ള്ള പെ​ഗ്ഗി വി​ൻ​സ്റ്റ​ൺ അ​ഞ്ചുത​വ​ണ​ത്തെ യാ​ത്ര​ക​ളി​ലാ​യി നി​ല​യ​ത്തി​ൽ ചെ​ല​വ​ഴി​ച്ച് പ​രീ​ക്ഷ​ണ-​നി​രീ​ക്ഷ​ണ​ങ്ങ​ൾ ന​ട​ത്തി​യ​ത് 675 ദി​വ​സ​മാ​ണ്; ഇ​ന്ത്യ​ൻ വം​ശ​ജ​യാ​യ സു​നി​ത വി​ല്യം​സ് അ​വി​ടെ 608 ദി​വ​സം ത​ങ്ങി​യി​ട്ടു​ണ്ട്. കാ​ൽ​നൂ​റ്റാ​ണ്ടി​നി​ടെ അ​വി​ടേ​ക്ക് യാ​ത്ര ചെ​യ്ത​വ​രു​ടെ എ​ണ്ണം 285ൽ ​കൂ​ടു​ത​ലാ​ണ്. ആ ​അ​ർ​ഥ​ത്തി​ൽ, ഐ.​എ​സ്.​എ​സി​ലേ​ക്കു​ള്ള യാ​​ത്ര ഇ​ക്കാ​ല​ത്ത് ഒ​രു സാ​ധാ​ര​ണ സം​ഭ​വം മാ​ത്ര​മാ​ണ്. അ​തു​കൊ​ണ്ടാ​ണ്, അ​ന്താ​രാ​ഷ്ട്ര മാ​ധ്യ​മ​ങ്ങ​ൾ ആ​ക്സി​യം-4 ദൗ​ത്യ​ത്തി​ന് വ​ലി​യ പ്രാ​ധാ​ന്യം ന​ൽ​കാ​ത്ത​ത്. എ​ന്നാ​ൽ, ഇ​ന്ത്യ​യെ സം​ബ​ന്ധി​ച്ച് അ​ങ്ങ​നെ​യ​ല്ല. ആ​ദ്യ​മാ​​യൊ​രു ഇ​ന്ത്യ​ക്കാ​ര​ൻ രാ​ജ്യാ​ന്ത​ര ബ​ഹി​രാ​കാ​ശ നി​ല​യ​ത്തി​ലേ​ക്ക് കു​തി​ക്കു​ന്നു​​വെ​ന്ന​തി​ന​പ്പു​റ​മുള്ള മാ​ന​ങ്ങ​ൾ ഈ ​യാ​​ത്ര​ക്കു​ണ്ട്.

അ​തി​ൽ ഏ​റ്റ​വും പ്ര​ധാ​നം, ഇ​ന്ത്യ​യു​ടെ ത​ദ്ദേ​ശീ​യ ബ​ഹി​രാ​കാ​ശ ദൗ​ത്യ​മാ​യ ഗ​ഗ​ൻ​യാ​ന്റെ മു​ന്നോ​ടി​യാ​യി​ട്ടു​ള്ള പരിശീലന യാത്രയാണ് ഇതെന്നാണ്. ഗ​ഗ​ൻയാ​ൻ ദൗ​ത്യ​ത്തി​നാ​യി തി​ര​ഞ്ഞെ​ടു​ക്ക​പ്പെ​ട്ട നാ​ല് യാ​ത്രി​ക​രി​ലൊ​രാ​ളാ​ണ് ശു​ഭാ​ൻ​ഷു. സ​ഹ​യാ​ത്രി​ക​നാ​യി തിര​ഞ്ഞെ​ടു​ക്ക​പ്പെ​ട്ട മ​ല​യാ​ളി​കൂ​ടി​യാ​യ പ്ര​ശാ​ന്ത് ബാ​ല​കൃ​ഷ്ണ​ൻ നാ​യ​ർ​ക്കൊ​പ്പം ശു​ഭാ​ൻ​ഷു ഏ​താ​നും മാ​സ​ങ്ങ​ളാ​യി പ​രി​ശീ​ല​ന​ത്തി​ലാ​യി​രു​ന്നു. ഇ​തി​നി​ട​യി​ലാ​ണ് ആ​ക്സി​യം-4 ദൗ​ത്യ​ത്തി​ൽ അ​ണി​ചേ​രാ​ൻ അ​വസരം കൈവന്നത്. ഗ​ഗ​ൻ​യാ​ൻ ദൗ​ത്യ​ത്തെ സം​ബ​ന്ധി​ച്ച് ഇ​ത് വ​ലി​യ സാ​ധ്യ​ത​യാ​ണ്. അ​തോ​ടൊ​പ്പം, ഐ.​എ​സ്.​ആ​ർ.​ഒ​യു​ടെ പ​ല ബ​ഹി​രാ​കാ​ശ പ​രീ​ക്ഷ​ണ​ങ്ങ​ളും ഇ​തു​വ​ഴി നി​ർ​വ​ഹി​ക്കാ​നും ക​ഴി​യും. ചു​രു​ക്ക​ത്തി​ൽ, ഇ​ന്ത്യ​യു​ടെ ബ​ഹി​രാ​കാ​ശ പ​ര്യ​വേ​ക്ഷണ സ്വ​പ്ന​ങ്ങ​ളി​ലേ​ക്ക് വ​ലി​യ പ്ര​തീ​ക്ഷ​ക​ളു​ടെ ചി​റ​കു​വി​രി​ച്ചാ​ണ് ശു​ഭാ​ൻ​ഷു യാ​ത്രതി​രി​ച്ചി​രി​ക്കു​ന്ന​ത്. അ​തു​കൊ​ണ്ടു​കൂ​ടി​യാ​യി​രി​ക്കാം, ‘ഇ​തൊ​രു തു​ട​ക്ക’​മെ​ന്ന് അ​ദ്ദേ​ഹം യാ​ത്ര​യു​ടെ ആരംഭത്തി​ൽ കു​റി​ച്ചിട്ടത്.

ബ​ഹി​രാ​കാ​ശ പ​ര്യ​വേ​ക്ഷ​ണ​ത്തി​ൽ ഇ​ന്ത്യ​ക്ക് വ​ലി​യൊ​രു കു​തി​ച്ചു​ചാ​ട്ട​ത്തി​നു​ള്ള വ​ഴി​യൊ​രു​ങ്ങി​യി​രി​ക്കു​ക​യാ​ണ് ശു​ഭാ​ൻ​ഷു​വി​ലൂ​ടെ. അ​ല്ലെ​ങ്കി​ലും, ഈ ​മേ​​ഖ​​ല​​യി​​ൽ ലോ​​ക​​ത്തെ വ​​ൻ​​ശ​​ക്തി രാ​​ഷ്ട്ര​​ങ്ങ​​ൾ​​ക്കൊ​​പ്പ​മാ​ണ് ഇ​പ്പോ​ൾ ഇ​​ന്ത്യ​​യു​​ടെ സ്ഥാ​​നം. ക​​ഴി​​ഞ്ഞ 25 വ​​ർ​​ഷ​​ത്തി​​നി​​ടെ, ഐ.​​എ​​സ്.​​ആ​​ർ.​​ഒ​​യു​​ടെ പ്ര​​ധാ​​ന ദൗ​​ത്യ​​ങ്ങ​​ളൊ​​ന്നും ഉ​​ന്നം​​തെ​​റ്റി​​യി​​ട്ടി​​ല്ല. ചാ​​ന്ദ്ര​​യാ​​ൻ-1 (2008), മം​​ഗ​​ൾ​​യാ​​ൻ (2014), അ​​സ്ട്രോ​​സാ​​റ്റ് (2015) തു​​ട​​ങ്ങി​​യ​​വ​​യു​​ടെ വി​​ജ​​യ വി​​ക്ഷേ​​പ​​ണ​​ങ്ങ​​ളോ​​ടെ​​ത​​ന്നെ ഈ ​​രം​​ഗ​​ത്ത് ന​​മ്മു​​ടെ രാ​​ജ്യം ആ​​ർ​​ജി​​ച്ച മി​​ക​​വ് ലോ​​കം ക​​ണ്ട​​താ​​ണ്. ആ​​കെ​​ക്കൂ​​ടി പ​​റ​​യാ​​വു​​ന്ന അ​പ​​വാ​​ദം, സോ​​ഫ്റ്റ് ലാ​​ൻ​​ഡി​​ങ്ങി​​ൽ ചാ​​ന്ദ്ര​​യാ​​ൻ-2​​നു​​ണ്ടാ​​യ (2019) പ​​രാ​​ജ​​യ​​മാ​​യി​​രു​​ന്നു. അ​​തി​​ൽ​​നി​​ന്ന് പാ​​ഠം ഉ​​ൾ​​ക്കൊ​​ണ്ട് പ്ര​വ​ർ​ത്തി​ച്ച​പ്പോ​ൾ ​ചാ​​ന്ദ്ര​​യാ​​ൻ -3 (2023) വി​​ജ​​യ​​ക​​ര​​മാ​​യി ച​​ന്ദ്ര​​നി​​ൽ സോ​​ഫ്റ്റ് ലാ​​ൻ​​ഡി​​ങ് ന​​ട​​ത്തി. അ​​തി​​നു​​ശേ​​ഷം ആ​​ദി​​ത്യ -എ​​ൽ1 എ​​ന്ന സൗ​​രദൗ​​ത്യ​​വും വി​​ജ​​യി​​ച്ചു. ‘എ​​ക്സ്പോ സാ​​റ്റ്’, സ്​​പേ​ഡ് എ​ക്സ് തു​ട​ങ്ങി​യ ഇ​ന്ത്യ​ൻ ദൗ​ത്യ​ങ്ങ​ളും പ്ര​​പ​​ഞ്ച​​വി​​ജ്ഞാ​​നീ​​യ​​ത്തി​​ൽ പു​​ത്ത​​ന​​റി​​വു​​ക​​ൾ തേ​ടി​യു​ള്ള ശാ​സ്​​ത്ര​ലോ​ക​ത്തി​ന്റെ അന്വേ​ഷ​ണ​ങ്ങ​ൾ​ക്ക് ക​രു​ത്തു​പ​ക​ർ​ന്നു. ഈ ​ദൗ​ത്യ​ങ്ങ​ൾ​ക്കി​ട​യി​ൽ​ത​ന്നെ​യാ​ണ് ഗ​ഗ​ൻ​യാ​നും ഐ.​എ​സ്.​ആ​ർ.​ഒ പ്ര​ഖ്യാ​പി​ച്ച​ത്. മൂ​ന്നുവ​ർ​ഷ​ത്തി​നു​ള്ളി​ൽ മ​നു​ഷ്യ​നെ ശൂ​ന്യാ​കാ​ശ​ത്തെ​ത്തി​ക്കാ​നു​ള്ള പ​ദ്ധ​തി​ക​ളും ആ​വി​ഷ്ക​രി​ച്ചു. അ​തി​ന്റെ ആ​ദ്യ ചു​വ​ടും ഇ​പ്പോ​ൾ വി​ജ​യി​ച്ചി​രി​ക്കു​ന്നു. തീ​ർ​ച്ച​യാ​യും, ഇ​ന്ത്യ​ക്ക് അ​ഭി​മാ​നി​ക്കാ​വു​ന്ന നി​മി​ഷം ത​ന്നെ​യാ​ണ്. ഈ ​ദൗ​ത്യ​ത്തി​ൽ പ​ങ്കാ​ളി​ക​ളാ​യ രാ​ജ്യ​ത്തെ ശാ​സ്ത്ര സ​മൂ​ഹ​ത്തെ ഈ ​ആ​ഹ്ലാ​ദ നി​മി​ഷ​ത്തി​ൽ ‘മാധ്യമം‘ ഹൃ​ദ​യ​ത്തോ​ട് ചേ​ർ​ത്തു​പി​ടി​ക്കു​ക​യാ​ണ്.