തീ​വ്ര​വാ​ദ​ത്തെ തു​ട​ച്ചു​നീ​ക്കാ​ൻ മ​ദ്റ​സ നി​ർ​മാ​ർ​ജ​നം!

മ​ദ്റ​സ ബോ​ർ​ഡി​ലോ വി​ദ്യാ​ഭ്യാ​സ വ​കു​പ്പി​ലോ ര​ജി​സ്റ്റ​ർ ചെ​യ്തി​ല്ലെ​ന്നാ​രോ​പി​ച്ചു ​കൊ​ണ്ട് സം​സ്ഥാ​ന ബി.​ജെ.​പി സ​ർ​ക്കാ​ർ 170 മ​ദ്റ​സ​ക​ൾ അ​ട​ച്ചു​പൂ​ട്ടി​യ ന​ട​പ​ടി ഉ​ത്ത​രാ​ഖ​ണ്ഡ് ഹൈ​കോ​ട​തി താ​ൽ​ക്കാ​ലി​ക​മാ​യി ത​ട​ഞ്ഞി​രി​ക്കു​ന്നു. കാ​ര​ണംകാ​ണി​ക്ക​ൽ നോ​ട്ടീ​സ് പോ​ലും ന​ൽ​കാ​തെ​യും മ​ദ്റ​സ ന​ട​ത്തി​പ്പു​കാ​രാ​യ ഹ​ര​ജി​ക്കാ​ർ​ക്ക് ബോ​ധി​പ്പി​ക്കാ​നു​ള്ള​ത് കേ​ൾ​ക്കാ​ൻ അ​വ​സ​രം ന​ൽ​കാ​തെ​യു​മാ​ണ് മ​ദ്റ​സ​ക​ൾ സീ​ൽ ചെ​യ്ത​തെ​ന്ന് ചൂ​ണ്ടി​ക്കാ​ട്ടി​യാ​ണ് ഹൈ​കോ​ട​തി​യു​ടെ ഉ​ത്ത​ര​വ്. അ​തേ​സ​മ​യം, മ​ദ്റ​സ​ക​ൾ സീ​ൽ ചെ​യ്ത​ത് ച​രി​ത്ര ന​ട​പ​ടി​യാ​ണെ​ന്നാ​ണ് മു​ഖ്യ​മ​ന്ത്രി പു​ഷ്‍ക​ർ സി​ങ് ധാ​മി​യു​ടെ ന്യാ​യീ​ക​ര​ണം. വി​ദ്യാ​ഭ്യാ​സ​ത്തി​ന്റെ പേ​രി​ൽ കു​ട്ടി​ക​ളെ തീ​വ്ര​വാ​ദ​ത്തി​ലേ​ക്ക് ന​യി​ക്കു​ന്ന സ്ഥാ​പ​ന​ങ്ങ​ളാ​ണ് മ​ദ്റ​സ​ക​ൾ എ​ന്നും ധാ​മി കു​റ്റ​പ്പെ​ടു​ത്തു​ന്നു. ഇ​ത്ത​രം സ്ഥാ​പ​ന​ങ്ങ​ളെ ഒ​രു സാ​ഹ​ച​ര്യ​ത്തി​ലും വെ​ച്ചു​പൊ​റു​പ്പി​ക്കി​ല്ലെ​ന്നും അ​ദ്ദേ​ഹം ഭീ​ഷ​ണി​പ്പെ​ടു​ത്തു​ന്നു.

ഇ​പ്പോ​ഴ​ത്തെ പ​രി​ശോ​ധ​ന ഒ​രു തു​ട​ക്കം മാ​ത്ര​മാ​ണെ​ന്നാ​ണ് ഉ​ദ്യോ​ഗ​സ്ഥ​ർ ന​ൽ​കു​ന്ന സൂ​ച​ന. അ​ട​ച്ചു​പൂ​ട്ടി​യ മ​ദ്റ​സക​ളെ​ല്ലാം പ​തി​റ്റാ​ണ്ടു​ക​ളാ​യി പ്ര​വ​ർ​ത്തി​ക്കു​ന്ന​വ​യാ​ണ്. നി​ല​വി​ൽ അ​ട​ച്ചു​പൂ​ട്ടാ​ൻ സാ​ധ്യ​ത​യു​ള്ള അ​ഞ്ഞൂ​റോ​ളം മ​ദ്റ​സ​ക​ളു​ണ്ടെ​ന്നാ​ണ് വി​വ​രം. ഏ​പ്രി​ൽ 13ന് ​മു​സ്‍ലിം ഭൂ​രി​പ​ക്ഷ പ്ര​ദേ​ശ​മാ​യ ബ​ൻ​ഭൂ​ൽ​പു​ര​യി​ൽ ജി​ല്ല ഭ​ര​ണ​കൂ​ടം, മു​നി​സി​പ്പ​ൽ കോ​ർ​പറേ​ഷ​ൻ, ലോ​ക്ക​ൽ പൊ​ലീ​സ് എ​ന്നീ വി​ഭാ​ഗ​ങ്ങ​ളി​ലെ ഉ​ദ്യോ​ഗ​സ്ഥ​രാ​ണ് പ​രി​ശോ​ധ​ന ന​ട​ത്തി​യ​ത്. തു​ട​ർ​ന്ന് ര​ജി​സ്ട്രേ​ഷ​ൻ ഇ​ല്ലാ​തെ​യാ​ണ് പ്ര​വ​ർ​ത്തി​ക്കു​ന്ന​തെ​ന്ന് ആ​രോ​പി​ച്ച് ഏ​ഴ് മ​ദ്റ​സ​ക​ൾ സീ​ൽചെ​യ്തു. ഒ​രു ര​ജി​സ്ട്രേ​ഡ് സൊ​സൈ​റ്റി​യാ​ണ് മ​ത​പ​ര​മാ​യ മ​ദ്‍റ​സ​ക​ൾ ന​ട​ത്തു​ന്ന​തെ​ന്ന് വ്യ​ക്ത​മാ​ക്കി ഹൈ​കോ​ട​തി​യെ സ​മീ​പി​ച്ച മ​ദ്റ​സ ഭാ​ര​വാ​ഹി​ക​ൾ ഒ​ര​ധി​കാ​ര​വും നി​യ​മ​പ​ര​മാ​യ അ​നു​മ​തി​യു​മി​ല്ലാ​തെ​യാ​ണ് സ്ഥാ​പ​ന​ങ്ങ​ൾ സീ​ൽ ചെ​യ്ത​തെ​ന്ന് ബോ​ധി​പ്പി​ച്ച​തി​നെ തു​ട​ർ​ന്നാ​ണ് താ​ൽ​ക്കാ​ലി​ക സ്റ്റേ. ​എ​ന്നാ​ൽ, നി​യ​മ​പ്ര​കാ​ര​മു​ള്ള അം​ഗീ​കാ​രം സം​സ്ഥാ​ന സ​ർ​ക്കാ​ർ ന​ൽ​കാ​തെ മ​ദ്റ​സ​യോ സ്കൂ​ളോ ന​ട​ത്താ​നാ​വി​ല്ലെ​ന്ന് കോ​ട​തി ബ​ന്ധ​പ്പെ​ട്ട​വ​രെ ഓ​ർ​മി​പ്പി​ച്ചി​ട്ടു​ണ്ട്.

മു​സ്‍ലിം ന്യൂ​ന​പ​ക്ഷം മോ​ദി​സ​ർ​ക്കാ​റി​ന്റെ ഭാ​ഷ​യി​ൽത​ന്നെ പ​സ്മാ​ന്ദ അ​ഥ​വാ അ​ങ്ങേ​യ​റ്റം പി​ന്നാ​ക്ക​മാ​യ പ്ര​ദേ​ശ​ങ്ങ​ളി​ലാ​ണ് ഉ​ത്ത​രേ​ന്ത്യ​യി​ൽ ബ​ഹു​ഭൂ​രി​പ​ക്ഷം മ​ത​വി​ദ്യാ​ല​യ​ങ്ങ​ൾ നൂ​റ്റാ​ണ്ടു​ക​ളോ പ​തി​റ്റാ​ണ്ടു​ക​ളോ ആ​യി ന​ട​ത്തി​ക്കൊ​ണ്ടു​ വ​രു​ന്ന​തെ​ന്ന് സ്വാ​ത​ന്ത്ര്യാ​ന​ന്ത​ര 50 വ​ർ​ഷ​ക്കാ​ല​ത്തെ മു​സ്‍ലിം സ്ഥി​തി പ​ഠി​ക്കാ​ൻ പ്ര​ധാ​ന​മ​ന്ത്രി​പ​ദ​ത്തി​ലി​രി​​ക്കെ മ​ൻ​മോ​ഹ​ൻ​ സി​ങ് നി​യോ​ഗി​ച്ച സ​ച്ചാ​ർ സ​മി​തി രേ​ഖ​പ്പെ​ടു​ത്തി​യി​ട്ടു​ള്ള​താ​ണ്. വി​ദ്യാ​ഭ്യാ​സ​പ​ര​മാ​യി ഉ​യ​രാ​തെ​യും വ​ള​രാ​തെ​യും മു​സ്‍ലിം സ​മു​ദാ​യ​ത്തി​ന് ര​ക്ഷ​യി​ല്ലെ​ന്ന് പ്ര​മു​ഖ ബി.​​ജെ.​പി നേ​താ​വും കേ​ന്ദ്ര​മ​ന്ത്രി​സ​ഭ​യി​ലെ സീ​നി​യ​ർ അം​ഗ​വു​മാ​യ നി​തിൻ ഗ​ഡ്ക​രി​യും ഈ​യി​ടെ മ​ഹാ​രാ​ഷ്ട്ര​യി​ലെ ഒ​രു ച​ട​ങ്ങി​ൽ സം​സാ​രി​ക്കെ ഉ​ണ​ർ​ത്തി​യി​ട്ടു​ണ്ട്.

ഉ​പ​ജീ​വ​ന​ത്തി​ന്റെ ര​ണ്ട​റ്റം മു​ട്ടി​ക്കാ​ൻ ഗ​തി​യി​ല്ലാ​തെ ഉ​ഴ​ലു​ന്ന മു​സ്‍ലിം​ക​ളു​ടെ പ്രാ​ഥ​മി​ക വി​ദ്യാ​ഭ്യാ​സം ല​ക്ഷ്യം​വെ​ച്ച് ന​ട​ത്തു​ന്ന മ​ത​വി​ദ്യാ​ല​യ​ങ്ങ​ളെ ​പോ​ലും ഇ​ല്ലാ​യ്മ ചെ​യ്തു​കൊ​ണ്ടാ​ണോ മു​സ്‍ലിം വി​ദ്യാ​ഭ്യാ​സം ഉ​യ​രു​ക​യും വ​ള​രു​ക​യും ചെ​യ്യേ​ണ്ട​ത്? 20 കോ​ടി മു​സ്‍ലിം ജ​ന​സാ​മാ​ന്യ​ത്തി​ന്റെ പൗ​ര​ത്വംപോ​ലും അ​സ്ഥി​ര​പ്പെ​ടു​ത്തി​യും അ​വ​രു​ടെ ആ​രാ​ധ​നാ​ല​യ​ങ്ങ​ളും മ​ത​സ്ഥാ​പ​ന​ങ്ങ​ളും ക​ഥ​യി​ലെ ചെ​ന്നാ​യ​യു​ടെ ന്യാ​യം ഉ​ന്ന​യി​ച്ച് നി​ലം​പ​രി​ശാ​ക്കി​യും പു​രാ​ണ ക​ഥാ​പാ​ത്ര​ങ്ങ​ളി​ൽ ഓ​രോ​രു​ത്ത​രു​ടെ​യും ജ​ന്മ​ദി​നാ​ഘോ​ഷ​ങ്ങ​ൾ സം​ഘ​ടി​പ്പി​ച്ച് അ​തി​ന്റെ മ​റ​വി​ൽ മു​സ്‍ലിം സ്ഥാ​പ​ന​ങ്ങ​ളെ കൊ​ത്തി​ക്കോ​റിയും വ​ർ​ഗീ​യ ല​ഹ​ള​ക​ൾ ഇ​ള​ക്കി​വി​ട്ടും ഹി​ന്ദു​ത്വ​ഭ​ര​ണം മു​ന്നേ​റു​മ്പോ​ഴാ​ണ് ആ​ർ.​എ​സ്.​എ​സ് ശ​ത​വാ​ർ​ഷി​ക​മാ​ഘോഷി​ക്കു​ന്ന​ത്.

എ​ല്ലാ​റ്റി​ലു​മു​പ​രി ഉ​ദാ​ര​മ​തി​ക​ളാ​യ മു​സ്‍ലിം പൂ​ർ​വി​ക​ർ ദൈ​വ​പ്രീ​തിമാ​ത്രം കാം​ക്ഷി​ച്ച് സ​മൂ​ഹ​ത്തി​ന്റെ ക്ഷേ​മ​ത്തി​നും പാ​വ​പ്പെ​ട്ട​വ​രു​ടെ ക​ണ്ണീ​രൊ​പ്പു​ന്ന​തി​നു​മാ​യി നീ​ക്കി​വെ​ച്ച സ്വ​ന്തം സ​മ്പാ​ദ്യ​ങ്ങ​ളെ അ​പ്പാ​​ടെ പി​ടി​ച്ചെ​ടു​ക്കാ​നു​ള്ള ആ​സൂ​ത്രി​ത പ​ദ്ധ​തി​യാ​ണ് ഏ​റ്റ​വു​മൊ​ടു​വി​ൽ രാ​യ്ക്കു​രാ​മാ​നം പാ​സാ​ക്കി രാ​ഷ്​​ട്ര​പ​തി​യു​ടെ ഒ​പ്പ് മി​ന്ന​ൽ​വേ​ഗ​ത്തി​ൽ നേ​ടി​യെ​ടു​ത്ത വ​ഖ​ഫ് നി​യ​മ​മെ​ന്ന് മ​ന​സ്സി​ലാ​ക്കാ​ത്ത​വ​രാ​യി സാ​മാ​ന്യ​ബു​ദ്ധി​ക​ളാ​രും ഉ​ണ്ടാ​വി​ല്ല. എ​ന്നി​ട്ടോ? അ​ത് പാ​വ​പ്പെ​ട്ട മു​സ്‍ലിം സ്ത്രീ​ക​ളു​ടെ​യും അ​ധ​ഃസ്ഥി​ത​രു​ടെ​യും ക്ഷേ​മം മാ​ത്രം മു​ൻ​നി​ർ​ത്തി​യാ​ണെ​ന്ന വീ​ര​വാ​ദ​വും! മു​സ്‍ലിം പേ​രു​ള്ള സം​ഘ​്പ​രി​വാ​ർ അ​നു​കൂ​ലി​ക​ളി​ലൊ​രാ​ളെ പോ​ലും പാ​ർ​ല​മെ​ന്റി​ലേ​ക്കോ നി​യ​മ​സ​ഭ​ക​ളി​ലേ​ക്കോ തെ​ര​ഞ്ഞെ​ടു​ത്ത​യ​ക്കാ​തെ​യാ​ണ് മു​സ്‍ലിം ക്ഷേ​മ​ത്തി​നാ​ണ് ത​ങ്ങ​ൾ നി​ല​കൊ​ള്ളു​ന്ന​തെ​ന്ന അ​വ​കാ​ശ​വാ​ദം! വ​ഖ​ഫ് ബോ​ർ​ഡു​ക​ളി​ൽ ​പോ​ലും സം​ഘ്പ​രി​വാ​ർ അ​നു​കൂ​ലി​ക​ളാ​യ മു​സ്‍ലിം നാ​മ​ധാ​രി​ക​ളെ കു​ത്തി​ത്തി​രു​കാ​ൻ മ​ന​സ്സി​ല്ലാ​ത്ത​തു ​കൊ​ണ്ടാ​യി​രി​ക്കു​മ​ല്ലോ വ​ഖ​ഫ് ഭ​ര​ണ​സ​മി​തി​ക​ളി​ൽ അ​മു​സ്‍ലിം​ക​ൾ​ക്ക് അം​ഗ​ത്വം ന​ൽ​ക​ണ​മെ​ന്ന പി​ടി​വാ​ശി.

രാ​ജ്ഭ​വ​നു​ക​ളി​ലെ​ന്ന ​പോ​ലെ വ​ഖ​ഫ് സ്വ​ത്ത് കൈ​കാ​ര്യം ചെ​യ്യു​ന്ന സ്ഥാ​പ​ന​ങ്ങ​ളി​ലും സം​ഘ​്പ​രി​വാ​ര​ത്തെ കു​ടി​യി​രു​ത്താ​നു​ള്ള ഗൂ​ഢ​ത​ന്ത്ര​ത്തി​ന്റെ പ​ച്ച​യാ​യ നി​യ​മാ​വി​ഷ്‍കാ​രം. പ​ക്ഷേ, എ​ല്ലാം ത​ങ്ങ​ളു​ടെ ക​ണ​ക്കു​കൂ​ട്ട​ലു​ക​ള​നു​സ​രി​ച്ചു​ത​ന്നെ ന​ട​ന്നു​കൊ​ള്ള​ണ​മെ​ന്നി​ല്ലെ​ന്ന​താ​ണ് സ​മീ​പ​കാ​ല​ത്തെ കോ​ട​തി ഇ​ട​പെ​ട​ലു​ക​ൾ നൽകുന്ന സന്ദേശം.