ആ​ൾ​ക്കൂ​ട്ട വാ​ഴ്ച​ക്കെ​തി​രെ സു​പ്രീം​കോ​ട​തി

പ്ര​മു​ഖ സി​നി​മാ താ​ര​വും നി​ർ​മാ​താ​വും സം​വി​ധാ​യ​ക​നു​മാ​യ ക​മ​ൽ ഹാ​സ​ന്‍റെ പു​തി​യ ചി​ത്ര​മാ​യ ‘ത​ഗ് ലൈ​ഫു’​മാ​യി ബ​ന്ധ​പ്പെ​ട്ട്​ വി​വാ​ദം തു​ട​ങ്ങി​യി​ട്ട് നാ​ളു​ക​ളാ​യി. പ​ടം റി​ലീ​സ് ചെ​യ്യാ​ൻ അ​നു​വ​ദി​ക്കി​ല്ലെ​ന്ന ഭീ​ഷ​ണി​യു​മാ​യി ബം​ഗ​ളു​രു​വി​ൽ ക​ന്ന​ട ഭാ​ഷാ​വാ​ദി​ക​ൾ പ്ര​തി​ഷേ​ധ​ങ്ങ​ൾ സം​ഘ​ടി​പ്പി​ച്ചി​രു​ന്നു. ഈ ​ഒ​ച്ച​പ്പാ​ടു​ക​ൾ​ക്ക് ‘ത​ഗ് ലൈ​ഫി​ന്‍റെ ഉ​ള്ള​ട​ക്ക​വു​മാ​യി ഒ​രു ബ​ന്ധ​വു​മി​ല്ല എ​ന്ന​താ​ണ് കൗ​തു​ക​ക​രം. മു​മ്പ് അ​ഞ്ചു പ​ട​ങ്ങ​ൾ വി​വാ​ദ​മു​യ​ർ​ന്ന​തി​നെ തു​ട​ർ​ന്ന്​ പ്ര​ദ​ർ​ശ​ന​വി​ല​ക്കു നേ​രി​ടു​ക​യും പി​ൻ​വാ​ങ്ങ​ലി​ൽ എ​ത്തു​ക​യും ചെ​യ്ത അ​നു​ഭ​വം ക​മ​ൽ ഹാ​സ​നു​ണ്ടെ​ങ്കി​ലും അ​തൊ​ക്കെ സി​നി​മ​യെ ചൊ​ല്ലി​യാ​യി​രു​ന്നു. അ​തി​ലെ​ല്ലാം ബോ​ധ്യ​ങ്ങ​ളി​ൽ ഉ​റ​ച്ചു​നി​ന്ന് എ​തി​ർ​പ്പു​ക​ളെ നേ​രി​ട്ട അ​ദ്ദേ​ഹ​ത്തി​ന്​ ഇ​ത്ത​വ​ണ ഇ​ട​ക്കൊ​രു തി​രി​ച്ച​ടി കി​ട്ടി. എ​ന്നാ​ൽ, പ​ര​മോ​ന്ന​ത നീ​തി​പീ​ഠം അ​ദ്ദേ​ഹ​ത്തെ പി​ന്തു​ണ​​ക്കാ​നെ​ത്തി​യ​ത്​ വ​ലി​യ ആ​ശ്വാ​സ​മാ​യി. സു​പ്രീം​കോ​ട​തി അ​ന്തി​മ​വി​ധി പ​റ​ഞ്ഞി​ല്ലെ​ങ്കി​ലും ‘ത​ഗ് ലൈ​ഫി’​ന് ക​ർ​ണാ​ട​ക ഹൈ​കോ​ട​തി വി​ധി​ച്ച നി​രോ​ധം നീ​ക്കി​യി​രി​ക്കു​ന്നു.

38 വ​ർ​ഷ​ത്തെ ഇ​ട​വേ​ള​ക്കു ശേ​ഷം പ്ര​മു​ഖ സം​വി​ധാ​യ​ക​ൻ മ​ണി​ര​ത്ന​വു​മാ​യി ചേ​ർ​ന്നു നി​ർ​മി​ച്ച പ​ട​ത്തി​ന്‍റെ റി​ലീ​സി​നു മു​ന്നോ​ടി​യാ​യി മേ​യ് 24 നു ​ന​ട​ന്ന ഓ​ഡി​യോ ലോ​ഞ്ചി​ൽ ന​ട​ൻ ശി​വ​രാ​ജ​കു​മാ​റി​നോ​ട്​ ‘നി​ങ്ങ​ളു​ടെ ഭാ​ഷ (ക​ന്ന​ട) ത​മി​ഴി​ൽ നി​ന്നു​ണ്ടാ​യ​താ​ണ്’ എ​ന്ന ക​മ​ലി​ന്‍റെ ഒ​രു ക​മ​ന്‍റാ​ണ്​ ക​ന്ന​ട ഭാ​ഷാ​സ്നേ​ഹി​ക​ളെ​ന്നു പ​റ​യു​ന്ന​വ​രെ പ്ര​കോ​പി​പ്പി​ച്ച​ത്. ക​ന്ന​ടി​ഗ​രു​ടെ മാ​തൃ​ഭാ​ഷ​യെ ക​മ​ൽ അ​വ​ഹേ​ളി​ച്ചെ​ന്നും ‘ത​ഗ് ലൈ​ഫ്’ ബ​ഹി​ഷ്ക​രി​ക്കു​മെ​ന്നും തി​യ​റ്റ​റു​ക​ളി​ൽ പ്ര​ദ​ർ​ശി​പ്പി​ക്കാ​ൻ അ​നു​വ​ദി​ക്കി​ല്ലെ​ന്നും പ​റ​ഞ്ഞ്​ അ​വ​ർ ഇ​ള​കി​വ​ശാ​യി.

ക​ന്ന​ട ഭാ​ഷാ​നു​കൂ​ല ഗ്രൂ​പ്പു​ക​ളും ക​ന്ന​ട ര​ക്ഷ​ണ വേ​ദി​കെ എ​ന്ന സം​ഘ​ട​ന​യും ക​മ​ൽ മാ​പ്പു​പ​റ​യ​ണ​മെ​ന്ന് ആ​വ​ശ്യ​പ്പെ​ട്ടു. സി​നി​മ​യു​ടെ പോ​സ്റ്റ​റു​ക​ൾ ന​ശി​പ്പി​ക്കു​ന്ന​തും ക​മ​ലി​ന്‍റെ കോ​ലം ക​ത്തി​ക്കു​ന്ന​തും വി​ഡി​യോ​യി​ൽ പ​ക​ർ​ത്തി സ​മൂ​ഹ​മാ​ധ്യ​മ​ങ്ങ​ളി​ൽ വ്യാ​പ​ക​മാ​യി പ്ര​ച​രി​പ്പി​ച്ചു. തി​യ​റ്റ​റു​ക​ളി​ൽ പ്ര​ദ​ർ​ശ​ന​ത്തി​നെ​തി​രെ ഭീ​ഷ​ണി​ക​ളും വ​ന്നു​തു​ട​ങ്ങി. തു​ട​ർ​ന്ന് ക​ന്ന​ട-​സാം​സ്കാ​രി​ക മ​ന്ത്രി ത​ങ്ക​ടാ​ഗി ശി​വ​രാ​ജ് ക​ർ​ണാ​ട​ക ഫി​ലിം ചേം​ബേ​ഴ്‌​സ് ഓ​ഫ് കോ​മേ​ഴ്സി​ന് എ​ഴു​തി​യ ക​ത്തി​ന്‍റെ ബ​ല​ത്തി​ൽ മേ​യ് 30നു ​മു​മ്പാ​യി ക്ഷ​മാ​പ​ണം ന​ട​ത്തി​യി​ല്ലെ​ങ്കി​ൽ എ​ല്ലാ ക​മ​ൽ ചി​ത്ര​ങ്ങ​ളും നി​രോ​ധി​ക്കു​മെ​ന്ന് ചേം​ബ​ർ മു​ന്ന​റി​യി​പ്പ് ന​ൽ​കി. എ​ന്നാ​ൽ, മാ​പ്പു​പ​റ​യാ​ൻ പ​റ്റി​ല്ലെ​ന്നും ത​ന്‍റെ അ​ഭി​പ്രാ​യം പ​റ​യു​ക മാ​ത്ര​മാ​ണ് ചെ​യ്ത​തെ​ന്നും ക​ന്ന​ട​യോ​ട് അ​നാ​ദ​ര​വൊ​ന്നും പ്ര​ക​ടി​പ്പി​​ച്ചി​ല്ലെ​ന്നും പ​റ​ഞ്ഞു ക​മ​ൽ ഉ​റ​ച്ചു നി​ന്നു.

ചേം​ബ​ർ തീ​രു​മാ​ന​ത്തി​നെ​തി​രെ ക​ർ​ണാ​ട​ക ഹൈ​കോ​ട​തി​യെ സ​മീ​പി​ച്ചെ​ങ്കി​ലും ക​മ​ലി​ന് സ​ഹാ​യ​ക​മാ​യ നി​ല​പാ​ട​ല്ല ല​ഭി​ച്ച​ത്. ഒ​ന്ന് മാ​പ്പു പ​റ​ഞ്ഞാ​ലെ​ന്താ, ജ​ന​വി​കാ​രം വ്ര​ണ​പ്പെ​ട്ടി​രി​ക്കു​ക​യാ​ണ​ല്ലോ എ​ന്ന മ​ട്ടി​ലാ​യി​രു​ന്നു കോ​ട​തി പ​രാ​മ​ർ​ശം. അ​തി​നെ​തി​രെ സു​പ്രീം​കോ​ട​തി​യി​ൽ ഒ​രു അ​ഭി​ഭാ​ഷ​ക​ൻ ന​ൽ​കി​യ പൊ​തു​താ​ൽ​പ​ര്യ ഹ​ര​ജി​യി​ൽ വാ​ദം ന​ട​ക്കു​ക​യാ​ണ്. ജ​സ്റ്റി​സു​മാ​ർ ഉ​ജ്ജ​ൽ ഭു​യാ​ൻ, മ​ൻ​മോ​ഹ​ൻ മ​ൽ​ഹോ​ത്ര എ​ന്നി​വ​രു​ടെ ബെ​ഞ്ച് തു​ട​ക്കം മു​ത​ലേ ഹൈ​കോ​ട​തി നി​ല​പാ​ടി​നെ വി​മ​ർ​ശി​ച്ചു​കൊ​ണ്ടാ​ണ് പ്ര​തി​ക​രി​ച്ച​ത്. സെ​ൻ​സ​ർ ബോ​ർ​ഡ് പ്ര​ദ​ർ​ശ​നാ​നു​മ​തി ന​ൽ​കി​യ ഒ​രു പ​ടം ചി​ല​രു​ടെ അ​ഭി​പ്രാ​യ​ങ്ങ​ൾ​ക്കോ ഇ​ഷ്ട​ത്തി​നോ നി​ര​ക്കു​ന്ന​ത​ല്ല എ​ന്ന കാ​ര​ണ​ത്താ​ൽ നി​രോ​ധി​ച്ചു​കൂ​ടാ. ആ​ൾ​ക്കൂ​ട്ട ഭീ​ഷ​ണി​ക​ൾ​ക്ക് നി​യ​മ​വാ​ഴ്ച​യെ ബ​ന്ദി​യാ​ക്കാ​ൻ ക​ഴി​യി​ല്ലെ​ന്ന് പ​റ​ഞ്ഞ കോ​ട​തി, തി​യ​റ്റ​റു​ക​ളി​ൽ എ​ന്തു പ്ര​ദ​ർ​ശി​പ്പി​ക്ക​ണ​മെ​ന്ന് തീ​രു​മാ​നി​ക്കാ​ൻ ‘ഗു​ണ്ടാ​സം​ഘ​ങ്ങ​ളെ അ​നു​വ​ദി​ക്കാ​ൻ ക​ഴി​യി​ല്ല’ എ​ന്ന് മു​ന്ന​റി​യി​പ്പും ന​ൽ​കി. ആ​രെ​ങ്കി​ലും പ്ര​സ്താ​വ​ന ന​ട​ത്തി​യാ​ൽ, മ​റ്റൊ​രു പ്ര​സ്താ​വ​ന​യി​ലൂ​ടെ അ​തി​നെ പ്ര​തി​രോ​ധി​ക്ക​ണ​മെ​ന്നും തി​യ​റ്റ​റു​ക​ൾ ക​ത്തി​ക്കു​മെ​ന്ന് ഭീ​ഷ​ണി​പ്പെ​ടു​ത്താ​ൻ പ​റ്റി​ല്ലെ​ന്നും കോ​ട​തി തീ​ർ​ത്തു​പ​റ​ഞ്ഞു. നി​രോ​ധ​നം നി​ർ​ദേ​ശി​ക്കാ​ൻ ചേം​ബ​റി​നു​ള്ള അ​ധി​കാ​രം സം​ബ​ന്ധി​ച്ച്​ സം​സ്ഥാ​ന സ​ർ​ക്കാ​റി​ന്‍റെ അ​ഭി​പ്രാ​യം തേ​ടി​യി​രി​ക്കു​ക​യാ​ണ്​ സു​പ്രീം​കോ​ട​തി. പ​ര​മോ​ന്ന​ത കോ​ട​തി ക​മ​ലി​ന്റെ സ്വാ​ത​ന്ത്ര്യ​ത്തി​ന്​ അ​നു​കൂ​ല​മാ​യി വി​ധി ന​ൽ​കു​മെ​ന്ന പ്ര​തീ​ക്ഷ​യി​ലാ​ണ്.

ആ​വി​ഷ്കാ​ര സ്വാ​ത​ന്ത്ര്യ​ത്തി​നു യു​ക്തി​സ​ഹ​മാ​യ നി​യ​ന്ത്ര​ണ​ങ്ങ​ളാ​വാം എ​ന്ന​ത് ഭ​ര​ണ​ഘ​ട​നാ ത​ത്ത്വ​മാ​ണ്. ഓ​രോ​രു​ത്ത​രും ത​ങ്ങ​ൾ​ക്ക​നു​കൂ​ല​മോ എ​തി​രോ എ​ന്ന് നോ​ക്കി​യാ​ണ് ഓ​രോ​ന്നി​ലും നി​ല​പാ​ട് സ്വീ​ക​രി​ക്കു​ക. ഇ​വി​ടെ ക​മ​ൽ ഹാ​സ​ൻ ഭാ​ഷ​യെ​ക്കു​റി​ച്ച് ഒ​ര​ഭി​പ്രാ​യം പ​റ​ഞ്ഞ​തേ​യു​ള്ളൂ. ഭാ​ഷാ​ച​രി​ത്ര​വു​മാ​യി ബ​ന്ധ​പ്പെ​ട്ട ഒ​രു വ്യാ​ഖ്യാ​ന​മെ​ന്ന് വി​ളി​ക്കാ​വു​ന്ന പ​രാ​മ​ർ​ശം. എ​ന്നാ​ൽ, അ​തി​ലും എ​ത്ര​യോ പ്ര​കോ​പ​ന​പ​ര​മാ​യ പ്ര​സ്താ​വ​ന​ക​ളി​ലൂ​ടെ വ്യ​ത്യ​സ്ത മ​ത​വി​ഭാ​ഗ​ങ്ങ​ളു​ടെ വി​കാ​ര​ങ്ങ​ളെ വ്ര​ണ​പ്പെ​ടു​ത്തു​ക​യും അ​സ​ത്യം പ്ര​ച​രി​പ്പി​ക്കു​ക​യും ചെ​യ്യു​ന്ന സം​ഭ​വ​ങ്ങ​ൾ സ​ർ​ക്കാ​റു​ക​ളു​ടെ​യും കോ​ട​തി​ക​ളു​ടെ​യും ശ്ര​ദ്ധ​യി​ൽ വ​രാ​തെ​യോ അ​വ​ഗ​ണി​ക്ക​പ്പെ​ട്ടോ പോ​കാ​റു​ണ്ട്.

തെ​റ്റാ​യ ച​രി​ത്ര​ചി​ത്രീ​ക​ര​ണ​ങ്ങ​ളി​ലൂ​ടെ​യും വ​ക്രീ​ക​രി​ച്ച ആ​ഖ്യാ​ന​ങ്ങ​ളി​ലൂ​ടെ​യും ജ​ന​വി​ഭാ​ഗ​ങ്ങ​ളെ താ​റ​ടി​ച്ചു കാ​ണി​ക്കു​ക​യും പ​ര​സ്പ​ര​വൈ​രം ഉ​ൽ​പാ​ദി​പ്പി​ക്കു​ക​യും ചെ​യ്യു​ന്ന തെ​റ്റാ​യ ച​ല​ച്ചി​ത്രാ​നു​ഭ​വ​ങ്ങ​ൾ ത​ന്നെ​യു​ണ്ട്. അ​ത്ത​രം ഘ​ട്ട​ങ്ങ​ളി​ലെ​ല്ലാം അ​ധി​കാ​രി​ക​ൾ വി​വേ​ച​ന​പ​ര​മാ​യ നി​ല​പാ​ടു​ക​ൾ സ്വീ​ക​രി​ക്കു​മ്പോ​ൾ ഉ​ണ്ടാ​വു​ന്ന അ​വ്യ​ക്ത​ത​ക​ളാ​ണ് വീ​ണ്ടും വീ​ണ്ടും സ​മാ​ന​വി​വാ​ദ​ങ്ങ​ൾ ഉ​യ​രാ​ൻ കാ​ര​ണം. എ​ന്നാ​ലും സു​പ്രീം കോ​ട​തി ഈ ​കേ​സി​നി​ട​യി​ൽ ചൂ​ണ്ടി​ക്കാ​ണി​ച്ച​പോ​ലെ നി​യ​മ​വാ​ഴ്ച​യാ​ണ്​ പ​ര​മ​പ്ര​ധാ​നം. അ​തി​നു മേ​ലെ ജ​ന​ക്കൂ​ട്ട അ​ധി​കാ​ര​പ്ര​യോ​ഗ​ത്തെ​യും രാ​ഷ്ട്രീ​യ​ഹു​ങ്കി​നെ​യും വാ​ഴാ​ൻ അ​നു​വ​ദി​ച്ചു കൂ​ടാ. ഈ ​മ​ർ​മം വി​സ്മ​രി​ച്ച​താ​ണ് ​ഹൈ​കോ​ട​തി നി​ല​പാ​ടി​നെ സു​പ്രീം​കോ​ട​തി നി​ശി​ത​മാ​യി വി​മ​ർ​ശി​ക്കാ​ൻ കാ​ര​ണം. ആ​ൾ​ക്കൂ​ട്ട നീ​തി​ക്കെ​തി​രാ​യി ശ​ബ്ദി​ച്ച കോ​ട​തി ഈ ​വ്യ​വ​ഹാ​ര​ത്തി​ൽ ര​ജ​ത​രേ​ഖ​യാ​യി നി​ൽ​ക്കു​ന്നു.