പട്ടിണിയും അരാജകത്വവും ആയുധമാകുമ്പോൾ

ഏ​താ​നും ദി​വ​സ​ങ്ങ​ൾ​ക്ക് മു​മ്പാ​ണ് യൂ​റോ​പ്യ​ൻ യൂ​നി​യ​ന്‍റെ കാ​ർ​മി​ക​ത്വ​ത്തി​ലു​ള്ള ഫു​ഡ് സെ​ക്യൂ​രി​റ്റി ഇ​ൻ​ഫ​ർ​മേ​ഷ​ന്‍ നെ​റ്റ് വ​ർ​ക്കി​ന്‍റെ (എ​ഫ്.​എ​സ്.​ഐ.​എ​ൻ) ഇ​ക്കൊ​ല്ല​ത്തെ ലോ​ക ഭ​ക്ഷ്യ​പ്ര​തി​സ​ന്ധി സം​ബ​ന്ധി​ച്ച റി​പ്പോ​ർ​ട്ട് പു​റ​ത്തു​വ​ന്ന​ത്. അ​തു​പ്ര​കാ​രം പ​ട്ടി​ണി​യു​ടെ ഏ​റ്റ​വും ഗു​രു​ത​രാ​വ​സ്ഥ​യാ​യ അ​ഞ്ചാം പ​ട്ടി​ക​യി​ലാ​ണ് ഗ​സ്സ. അ​തി​ലും മോ​ശ​മാ​യ അ​വ​സ്ഥ​യി​ൽ ലോ​ക​ത്തൊ​രി​ട​ത്തും മ​നു​ഷ്യ​ർ വ​സി​ക്കു​ന്നി​ല്ല. ഗ​സ്സ​യി​ലെ ആ​കെ​യു​ള്ള 20 ല​ക്ഷ​ത്തി​ന​ടു​ത്ത് മ​നു​ഷ്യ​രി​ൽ 11 ല​ക്ഷ​വും കൊ​ടി​യ പ​ട്ടി​ണി നേ​രി​ടു​ക​യാ​ണ്. ര​ണ്ടു​വ​ർ​ഷ​ത്തോ​ള​മാ​യി തു​ട​രു​ന്ന ഇ​സ്രാ​യേ​ലി ആ​ക്ര​മ​ണ​വും അ​തി​നെ​തു​ട​ർ​ന്നു​ള്ള അ​ടി​സ്ഥാ​ന സേ​വ​ന​രം​ഗ​ത്തി​ന്‍റെ ത​ക​ർ​ച്ച​യും ഉ​പ​രോ​ധ​വും​മൂ​ലം കു​ട്ടി​ക​ളും മു​തി​ർ​ന്ന​വ​രും എ​ന്ന ഭേ​ദ​മി​ല്ലാ​തെ സ​ക​ല​മ​നു​ഷ്യ​രും പോ​ഷ​കാ​ഹാ​ര​മി​ല്ലാ​തെ പ​തി​താ​വ​സ്ഥ​യി​ലാ​ണ്.

മാ​ർ​ച്ച് ര​ണ്ട് മു​ത​ൽ ഇ​സ്രാ​യേ​ൽ ഏ​ർ​പ്പെ​ടു​ത്തി​യ സ​മ്പൂ​ർ​ണ ഉ​പ​രോ​ധ​ത്തെ​തു​ട​ർ​ന്നു​ള്ള 11 ആ​ഴ്ച​ക​ളി​ൽ പ​ട്ടി​ണി കാ​ര​ണം മാ​ത്രം 29 കു​ട്ടി​ക​ൾ മ​രി​ച്ചു​വെ​ന്നാ​ണ് ഔ​ദ്യോ​ഗി​ക ക​ണ​ക്ക്. യ​ഥാ​ർ​ഥ മ​ര​ണ​സം​ഖ്യ ഇ​തി​ലു​മെ​ത്ര​യോ അ​ധി​ക​മാ​യി​രി​ക്കു​മെ​ന്ന് ആ​രോ​ഗ്യ​പ്ര​വ​ർ​ത്ത​ക​ർ ആ​ശ​ങ്ക​പ്പെ​ടു​ന്നു. ‘‘യു​ദ്ധാ​യു​ധ​മാ​യി പ​ട്ടി​ണി​യെ ഉ​പ​യോ​ഗി​ക്കു​ക​യാ​ണി​വി​ടെ. ക​രു​തി​ക്കൂ​ട്ടി​യു​ള്ള നീ​ക്ക​മാ​ണി​ത്. വി​നാ​ശ​ക​ര​വും’’-​യു.​എ​ന്നി​ന്‍റെ വി​മ​ൻ ഗു​ഡ് വി​ൽ അം​ബാ​സ​ഡ​റാ​യ ജോ​യ്സ് അ​സ്സാം പ​റ​യു​ന്നു. ‘‘പ​ട്ടി​ണി​യെ​ന്ന​ത് വി​ത​ര​ണ​ത്തി​ന്‍റെ പ്ര​ശ്ന​മ​ല്ല ഇ​വി​ടെ. നീ​തി​യു​ടെ വി​ഷ​യ​മാ​ണ്’’- അ​വ​ർ കൂ​ട്ടി​ച്ചേ​ർ​ത്തു.

അ​വ​സാ​നി​ക്കാ​ത്ത ശ്ര​മ​ങ്ങ​ൾ

ഈ ​മ​ഹാ​നാ​ശ​ത്തി​ന്‍റെ പ​ശ്ചാ​ത്ത​ല​ത്തി​ലാ​ണ് മ​നു​ഷ്യാ​വ​കാ​ശ പ്ര​വ​ർ​ത്ത​ക ഗ്രേ​റ്റ തും​ബ​ർ​ഗി​ന്‍റെ നേ​തൃ​ത്വ​ത്തി​ൽ ഭ​ക്ഷ​ണ​വും മ​രു​ന്നു​മാ​യി മെ​ഡ്ലീ​ൻ ക​പ്പ​ൽ ഗ​സ്സ തീ​ര​ത്തേ​ക്ക് പു​റ​പ്പെ​ട്ട​ത്. ഇ​സ്രാ​യേ​ലി​ന്‍റെ മ​നു​ഷ്യ​ത്വ​വി​രു​ദ്ധ പ്ര​വ​ർ​ത്ത​ന​ങ്ങ​ളോ​ടു​ള്ള എ​തി​ർ​പ്പ് പ​ര​സ്യ​പ്പെ​ടു​ത്തു​ക​യും അ​തി​ലേ​ക്ക് ലോ​ക​ശ്ര​ദ്ധ ക്ഷ​ണി​ക്കു​ക​യും ചെ​യ്യു​ന്ന​തി​ലു​പ​രി വി​ജ​യം കാ​ണു​മെ​ന്ന് ഒ​രു​റ​പ്പു​മി​ല്ലാ​ത്ത ദൗ​ത്യ​ത്തി​ലേ​ക്കാ​ണ് ഓ​രോ സ​ന്ന​ദ്ധ​പ്ര​വ​ർ​ത്ത​ക​നും ഇ​റ​ങ്ങി​ത്തി​രി​ച്ച​ത്. ഇ​ത്ത​രം സാ​ഹ​സ​ങ്ങ​ളോ​ടു​ള്ള ഇ​സ്രാ​യേ​ലി​ന്‍റെ മു​ൻ​കാ​ല ന​ട​പ​ടി​ക​ളു​ടെ ച​രി​ത്രം വെ​ച്ചു​നോ​ക്കു​മ്പോ​ൾ ജീ​വ​ൻ പ​ണ​യം​വെ​ച്ചു​ള്ള ക​ളി​ത​ന്നെ​യാ​യി​രു​ന്നു അ​ത്. ജൂ​ൺ ഒ​ന്നി​ന് സി​സി​ലി​യി​ൽ​നി​ന്ന് പു​റ​പ്പെ​ട്ട​തു​മു​ത​ൽ ത​ന്നെ ഈ ​യാ​ത്ര​യെ പ​രി​ഹ​സി​ക്കു​ക​യും ഭീ​ഷ​ണി​പ്പെ​ടു​ത്തു​ക​യു​മാ​യി​രു​ന്നു ഇ​സ്രാ​യേ​ൽ.

‘‘സെ​ലി​ബ്രി​റ്റി​ക​ളു​ടെ സെ​ൽ​ഫി ക​പ്പ​ൽ ഇ​സ്രാ​യേ​ലി​ന്‍റെ തീ​ര​ത്തേ​ക്ക് അ​ടു​ക്കു​ന്നു’’​എ​ന്നാ​ണ് ഇ​സ്രാ​യേ​ലി വി​ദേ​ശ​കാ​ര്യ മ​ന്ത്രാ​ല​യം ഇ​ന്ന​ലെ പ്ര​തി​ക​രി​ച്ച​ത്. ‘ഒ​രൊ​റ്റ ട്ര​ക്കി​നെ​ക്കാ​ളും കു​റ​ച്ച് സാ​ധ​ന’​ങ്ങ​ളാ​ണ് ക​പ്പ​ലി​യു​ള്ള​തെ​ന്നും പ​രി​ഹാ​സം തു​ട​ർ​ന്നു. ജൂ​ത​വി​രു​ദ്ധ​യും ഹ​മാ​സി​ന്‍റെ ആ​ശ​യ​പ്ര​ചാ​ര​ക​യു​മാ​യ ഗ്രേ​റ്റ തി​രി​കെ​പോ​കു​ന്ന​താ​ണ് ന​ല്ല​തെ​ന്നും ഉ​പ​രോ​ധം മ​റി​ക​ട​ക്കാ​ൻ അ​നു​വ​ദി​ക്കി​ല്ലെ​ന്നും ഇ​സ്രാ​യേ​ൽ പ്ര​തി​രോ​ധ​മ​ന്ത്രി ഇ​സ്രാ​യേ​ൽ കാ​റ്റ്സ് നേ​ര​ത്തേ പ​റ​ഞ്ഞി​രു​ന്നു. ഈ ​ഭീ​ഷ​ണി​ക്ക് ഗ്രേ​റ്റ ന​ൽ​കി​യ മ​റു​പ​ടി​യാ​ണ് ഈ ​പ്ര​തീ​കാ​ത്മ​ക പ്ര​വ​ർ​ത്ത​ന​ത്തി​ന്‍റെ കാ​ത​ൽ: ‘‘എ​ന്തു സം​ഭ​വി​ച്ചാ​ലും ഞ​ങ്ങ​ൾ ശ്ര​മി​ച്ചു​കൊ​ണ്ടേ​യി​രി​ക്കും. അ​ത് ന​മ്മ​ൾ അ​വ​സാ​നി​പ്പി​ക്കു​ന്ന നി​മി​ഷം മ​നു​ഷ്യ​ത്വം എ​ന്ന​ത് ന​മ്മി​ൽ​നി​ന്ന് ന​ഷ്ട​മാ​കും. ഈ ​ദൗ​ത്യം എ​ത്ര അ​പ​ക​ട​ക​ര​മാ​യാ​ലും ലൈ​വ് സ്ട്രീം ​ചെ​യ്യ​പ്പെ​ടു​ന്ന വം​ശ​ഹ​ത്യ​യോ​ടു​ള്ള ലോ​ക​ത്തി​ന്‍റെ മൗ​ന​മെ​ന്ന അ​പ​ക​ട​ത്തോ​ട് അ​ടു​ത്തു​വ​രി​ല്ല അ​ത്’’.

പ​ട്ടി​ണി​യെ​ന്ന പീ​ഡ​നാ​യു​ധം

യു.​എ​ൻ ഉ​ൾ​പ്പെ​ടെ രാ​ജ്യാ​ന്ത​ര സം​വി​ധാ​ന​ങ്ങ​ളു​ടെ ഭ​ക്ഷ്യ​വി​ത​ര​ണ ശൃം​ഖ​ല​യെ ഗ​സ്സ​യി​ൽ ത​ട​ഞ്ഞ ഇ​സ്രാ​യേ​ൽ വി​വി​ധോ​ദ്ദേ​ശ്യ പ​ദ്ധ​തി​ക​ളു​മാ​യി സ്വ​ന്തം നി​ല​ക്ക് ആ ​ദൗ​ത്യം ഏ​റ്റെ​ടു​ത്തി​രി​ക്കു​ക​യാ​ണി​പ്പോ​ൾ. ഇ​സ്രാ​യേ​ലി-​യു.​എ​സ് സം​യു​ക്ത സം​രം​ഭ​മാ​യ ഗ​സ്സ ഹ്യു​മാ​നി​റ്റേ​റി​യ​ൻ ഫൗ​ണ്ടേ​ഷ​ൻ (ജി.​എ​ച്ച്.​എ​ഫ്) ആ​ണ് ഇ​തി​ൽ പ്ര​ധാ​നം.

ഇ​വ​രു​ടെ കേ​ന്ദ്ര​ങ്ങ​ളി​ൽ ഭ​ക്ഷ്യ​വ​സ്തു​ക്ക​ൾ സ്വീ​ക​രി​ക്കാ​നെ​ത്തി​യ, പ​ട്ടി​ണി​യി​ൽ വ​ല​ഞ്ഞ ഫ​ല​സ്തീ​നി​ക​ൾ​ക്ക് നേ​രെ ക​ണ്ണി​ൽ​ചോ​ര​യി​ല്ലാ​തെ വെ​ടി​യു​തി​ർ​ക്കാ​നും ഇ​സ്രാ​യേ​ലി സൈ​ന്യം മ​ടി​ക്കു​ന്നി​ല്ല. ജൂ​ൺ ആ​ദ്യ​വാ​രം മാ​ത്രം മൂ​ന്നു ദി​വ​സ​ങ്ങ​ളി​ലാ​യി 50 ലേ​റെ പേ​ർ ഇ​ങ്ങ​നെ കൊ​ല്ല​പ്പെ​ട്ടു. മു​മ്പ് ഗ​സ്സ​യി​ലാ​കെ 400 ഇ​ട​ങ്ങ​ളി​ലാ​ണ് യു.​എ​ന്നി​ന്‍റെ ഭ​ക്ഷ്യ​വി​ത​ര​ണ കേ​ന്ദ്ര​ങ്ങ​ളു​ണ്ടാ​യി​രു​ന്ന​ത്. ഇ​പ്പോ​ൾ ഇ​സ്രാ​യേ​ൽ നി​യ​ന്ത്ര​ണ​ത്തി​ൽ പ്ര​വ​ർ​ത്തി​ക്കു​ന്ന​താ​ക​ട്ടെ വെ​റും നാ​ല് കേ​ന്ദ്ര​ങ്ങ​ൾ മാ​ത്ര​വും. അ​തും ഒ​റ്റ​പ്പെ​ട്ട, വി​ജ​ന​പ്ര​ദേ​ശ​ങ്ങ​ളി​ൽ. റ​ഫ​യി​ൽ ഈ​ജി​പ്ഷ്യ​ൻ അ​തി​ർ​ത്തി​യോ​ട് ചേ​ർ​ന്നാ​ണ് ജി.​എ​ച്ച്.​എ​ഫി​ന്‍റെ ഏ​റ്റ​വും വ​ലി​യ ഭ​ക്ഷ്യ​സം​ഭ​ര​ണ, വി​ത​ര​ണ​കേ​ന്ദ്രം പ്ര​വ​ർ​ത്തി​ക്കു​ന്ന​ത്.

മേ​യ് 31ന് ​അ​തി​രാ​വി​ലെ ഈ ​കേ​ന്ദ്രം തു​റ​ക്കു​ന്ന സ​മ​യം അ​വി​ടേ​ക്ക് ഓ​ടി​യും സൈ​ക്കി​ളി​ലും എ​ത്തി​യ ഫ​ല​സ്തീ​നി​ക​ൾ​ക്ക് നേ​രെ ഒ​രു​പ്ര​കോ​പ​ന​വു​മി​ല്ലാ​തെ​യാ​ണ് സൈ​ന്യം വെ​ടി​വെ​ച്ച​ത്. 20 ലേ​റെ പേ​ർ ഇ​വി​ടെ കൊ​ല്ല​പ്പെ​ട്ടു. ര​ണ്ടു​ദി​വ​സ​ത്തി​നു​ശേ​ഷം മ​റ്റൊ​രു കേ​ന്ദ്ര​ത്തി​ലു​ണ്ടാ​യ വെ​ടി​വെ​പ്പി​ൽ 27 പേ​രും മ​രി​ച്ചു. രാ​വി​ലെ അ​ഞ്ചു​മ​ണി​യോ​ടെ​യാ​ണ് ഈ ​കേ​ന്ദ്ര​ങ്ങ​ളി​ൽ ഭ​ക്ഷ​ണ​വി​ത​ര​ണം തു​ട​ങ്ങു​ക. രാ​ത്രി 11 മ​ണി മു​ത​ലേ ഇ​തി​നാ​യി ഒ​ന്ന​ര കി​ലോ​മീ​റ്റ​ർ അ​ക​ലെ​യു​ള്ള കാ​ത്തി​രി​പ്പ് മേ​ഖ​ല​യി​ൽ ആ​യി​ര​ങ്ങ​ൾ ത​ടി​ച്ചു​കൂ​ടും. ഒ​രാ​ൾ​ക്ക് ഒ​രു പെ​ട്ടി​യാ​ണ് ല​ഭി​ക്കു​ക. അ​തി​ൽ അ​ഞ്ചു​പേ​ർ​ക്ക് ക​ഷ്ടി​ച്ച് മൂ​ന്നു​ദി​വ​സം ക​ഴി​ക്കാ​നു​ള്ള ഭ​ക്ഷ​ണം ഉ​ണ്ടാ​കും. പ​രി​മി​ത​മാ​യ എ​ണ്ണം പെ​ട്ടി​ക​ളാ​ണ് ഓ​രോ കേ​ന്ദ്ര​ത്തി​ലും ഉ​ണ്ടാ​കു​ക. ആ​ദ്യ​മേ തി​ക്കി​ത്തി​ര​ക്കി പെ​ട്ടി കൈ​ക്ക​ലാ​ക്കി​യി​ല്ലെ​ങ്കി​ൽ പെ​ട്ടി​ക​ൾ തീ​ർ​ന്നു​പോ​കും. കു​ടും​ബം പ​ട്ടി​ണി​യാ​കും. ഈ ​ദൈ​ന്യാ​വ​സ്ഥ​യി​ൽ ഓ​ടി​ക്കൂ​ടു​ന്ന സാ​ധാ​ര​ണ​ക്കാ​ർ​ക്ക് നേ​രെ​യാ​ണ് പ​ട്ടാ​ളം വെ​ടി​വെ​ക്കു​ന്ന​ത്.

കൊ​ല​ച്ചോ​റ് ന​ൽ​കാ​ൻ ട്രം​പി​​​െന്റ ച​ങ്ങാ​തി

യ​ഥാ​ർ​ഥ​ത്തി​ൽ ഹ​മാ​സി​നെ നി​ർ​വീ​ര്യ​മാ​ക്കു​ക​യെ​ന്ന ല​ക്ഷ്യ​ത്തോ​ടെ​യാ​ണ് ഇ​സ്രാ​യേ​ൽ ഭ​ക്ഷ്യ​വി​ത​ര​ണ സം​വി​ധാ​നം കൈ​യാ​ളു​ന്ന​ത്. ഗ​സ്സ​യി​ലേ​ക്ക് എ​ത്തു​ന്ന ഭ​ക്ഷ്യ​വ​സ്തു​ക്ക​ളു​ടെ വി​ത​ര​ണം നി​യ​ന്ത്രി​ക്കു​ന്ന​തു​വ​ഴി​ലാ​ണ് ഇ​പ്പോ​ഴും ഹ​മാ​സ് ത​ക​ർ​ക്ക​പ്പെ​ടാ​തെ തു​ട​രു​ന്ന​തെ​ന്ന വി​ല​യി​രു​ത്ത​ലി​ലാ​ണ് ഈ ​നീ​ക്കം.

ട്രം​പ് ഭ​ര​ണ​കൂ​ട​വു​മാ​യി അ​ടു​ത്ത ബ​ന്ധ​മു​ള്ള ഇ​വാ​ഞ്ച​ലി​ക്ക​ൽ ക്രി​സ്ത്യ​ൻ നേ​താ​വാ​യ ജോ​ണി മൂ​ർ ആ​ണ് നി​ല​വി​ൽ ഗ​സ്സ​യി​ൽ ഇ​സ്രാ​യേ​ലി​നു​വേ​ണ്ടി ഭ​ക്ഷ്യ​വി​ത​ര​ണം നി​ർ​വ​ഹി​ക്കു​ന്ന ഗ​സ്സ ഹ്യു​മാ​നി​റ്റേ​റി​യ​ൻ ഫൗ​ണ്ടേ​ഷ​ന്‍റെ സ്ഥാ​പ​ക​ൻ. 1971ൽ ​റ​വ. ജെ​റി ഫാ​ൾ​വെ​ൽ സ്ഥാ​പി​ച്ച ഇ​വാ​ഞ്ച​ലി​ക്ക​ൽ സ്ഥാ​പ​ന​മാ​യ ലി​ബ​ർ​ട്ടി യൂ​നി​വേ​ഴ്സി​റ്റി​യു​ടെ വ​ക്താ​വാ​യി​രു​ന്നു മൂ​ർ. ഫ്ലോ​റി​ഡ​യി​ൽ​നി​ന്നു​ള്ള ടെ​ലി​ഇ​വാ​ഞ്ച​ലി​സ്റ്റും വൈ​റ്റ് ഹൗ​സി​ലെ ഫെ​യ്ത്ത് ഓ​ഫി​സ് ചു​മ​ത​ല​ക്കാ​രി​യു​മാ​യ പൗ​ള വൈ​റ്റും മൂ​റും ഒ​ന്നി​ച്ചാ​ണ് പ്ര​വ​ർ​ത്തി​ക്കു​ന്ന​ത്. ഓ​വ​ൽ ഓ​ഫി​സി​ൽ ന​ട​ക്കു​ന്ന പ്രാ​ർ​ഥ​ന യോ​ഗ​ങ്ങ​ളി​ലെ നി​ത്യ​സാ​ന്നി​ധ്യ​വു​മാ​ണ് മൂ​ർ. ജ​റൂ​സ​ല​മി​ന് മേ​ലു​ള്ള ഇ​സ്രാ​യേ​ലി​ന്‍റെ പ​ര​മാ​ധി​കാ​രം അം​ഗീ​ക​രി​ക്കാ​നും യു.​എ​സ് എം​ബ​സി അ​വി​ടേ​ക്ക് മാ​റ്റാ​നും ട്രം​പി​നെ നി​ർ​ബ​ന്ധി​ച്ച​ത് താ​ന​ട​ക്ക​മു​ള്ള ഇ​വാ​ഞ്ച​ലി​ക്ക​ൽ സം​ഘാം​ഗ​ങ്ങ​ളാ​യി​രു​ന്നു​വെ​ന്ന് 2017ൽ ​മൂ​ർ അ​വ​കാ​ശ​പ്പെ​ട്ടി​രു​ന്നു. ത​ന്‍റെ ബൈ​ബി​ൾ വാ​യ​ന​ക്ക് അ​നു​സ​രി​ച്ചു​ള്ള ജൂ​ത​രാ​ഷ്ട്ര​ത്തി​ന് പ്ര​തി​ജ്ഞാ​ബ​ദ്ധ​നാ​ണ് താ​നെ​ന്ന് പ​ല​ത​വ​ണ ആ​വ​ർ​ത്തി​ക്കു​ക​യും ചെ​യ്തി​ട്ടു​ണ്ട്. മൂ​റി​ന്‍റെ ഈ ​പ​ശ്ചാ​ത്ത​ല​മാ​ണ് ഇ​സ്രാ​യേ​ലി​ന്‍റെ രൂ​പ​രേ​ഖ​ക്ക് അ​നു​സ​രി​ച്ചു​ള്ള ഗ​സ്സ സൃ​ഷ്ടി​ക്കാ​നു​ള്ള ശ്ര​മ​ങ്ങ​ളു​ടെ ആ​ണി​ക്ക​ല്ലാ​യ ഭ​ക്ഷ്യ​വി​ത​ര​ണ ശൃം​ഖ​ല സ്ഥാ​പി​ക്കു​ന്ന​തി​ന് അ​ദ്ദേ​ഹ​ത്തെ തെ​ര​ഞ്ഞെ​ടു​ക്കാ​നു​ള്ള പ്രേ​ര​ണ.

ഹ​മാ​സി​നെ വീ​ഴ്ത്തു​ക​യെ​ന്ന ല​ക്ഷ്യ​ത്തോ​ടെ ഗ​സ്സ​യി​ലെ ചി​ല കൊ​ള്ള​ക്കാ​ർ​ക്കും ഇ​സ്രാ​യേ​ൽ പി​ന്തു​ണ ന​ൽ​കു​ന്നു​ണ്ട്. തെ​ക്ക​ൻ ഗ​സ്സ​യി​ലെ കു​പ്ര​സി​ദ്ധ സാ​യു​ധ​സം​ഘ​ത്ത​ല​വ​നാ​യ യാ​സി​ർ അ​ബു​ശ​ബാ​ബ് ആ​ണ് അ​തി​ലൊ​രാ​ൾ. ഇ​യാ​ളു​ടെ സം​ഘ​ത്തി​ന് ഇ​സ്രാ​യേ​ൽ പ​ണ​വും ആ​യു​ധ​ങ്ങ​ളും ന​ൽ​കു​ന്ന​താ​യി മാ​ധ്യ​മ​ങ്ങ​ൾ റി​പ്പോ​ർ​ട്ട് ചെ​യ്യു​ന്നു. ഹ​മാ​സു​മാ​യി നി​ര​ന്ത​രം സം​ഘ​ർ​ഷ​ത്തി​ലേ​ർ​പ്പെ​ടു​ന്ന അ​ബു​ശ​ബാ​ബി​നെ സ​ഹാ​യി​ക്കു​ന്ന​താ​യി ഏ​താ​നും ദി​വ​സ​ങ്ങ​ൾ​ക്ക് മു​മ്പ് നെ​ത​ന്യാ​ഹു പ​രോ​ക്ഷ​മാ​യി സൂ​ച​ന ന​ൽ​കി​യി​രു​ന്നു. ‘‘ഹ​മാ​സി​നെ എ​തി​രി​ടു​ന്ന ചി​ല ഗ്രൂ​പ്പു​ക​ളെ സ​ജീ​വ​മാ​ക്കി​യി​ട്ടു​ണ്ട്. അ​തി​ലെ​ന്താ​ണ് തെ​റ്റ്. ഇ​സ്രാ​യേ​ലി സൈ​നി​ക​രു​ടെ ജീ​വ​ൻ ര​ക്ഷി​ക്കു​ന്ന​തി​നു​ള്ള ന​ല്ലൊ​രു കാ​ര്യ​മാ​ണ​ത്’’- സ​മൂ​ഹ​മാ​ധ്യ​മ​ത്തി​ൽ പോ​സ്റ്റ് ചെ​യ്ത വി​ഡി​യോ​യി​ൽ നെ​ത​ന്യാ​ഹു പ​റ​യു​ന്നു.

മാ​സ​ങ്ങ​ളോ​ളം സ​ർ​വ​നാ​ശം വി​ത​ച്ച​ശേ​ഷം പ​ട്ടി​ണി​യും അ​രാ​ജ​ക​ത്വ​വും സൃ​ഷ്ടി​ച്ച് അ​തി​നെ ആ​യു​ധ​മാ​ക്കി ഗ​സ്സ​യെ കീ​ഴ്പ്പെ​ടു​ത്താ​നാ​ണ് ഇ​സ്രാ​യേ​ലി​ന്‍റെ പ​ദ്ധ​തി. ഈ ​നീ​ച നീ​ക്ക​ത്തി​നെ​തി​രാ​യ ദു​ർ​ബ​ല​മാ​യ പ്ര​തി​രോ​ധ​ങ്ങ​ളി​ലൊ​ന്നാ​ണ് ഗ്രേ​റ്റ തും​ബ​ർ​ഗി​ന്‍റെ നേ​തൃ​ത്വ​ത്തി​ൽ അ​ര​ങ്ങേ​റു​ന്ന​ത്.